بعلمكم شلون تسوون التحاميل

السلام عليكم ورحمة الله وبركاته

خواتي أنا استفدت منكم واجد من مواضيعكم ونصايحكم وبصراحه أبي أرد لكم جزء من جميلكم علي

بعلمكم طريقة عمل التحاميل للأرحام تعلمتها من حرمه كبيره بالعمر تعالج الحريم

وأنا جربتها على نفسي وبصراحه مفعولها حيل حلو تنظف الأرحام وتنشف من الرطوبه وتعقم من عقب الدورة وتنزل الوصخ اللي بالأرحام

تشترين من الحواج مره و ملح فارسي

تاخذين خمطه بيدج من الملح الفارسي وخمطتين من المره

لازم المره تكون ضعف الملح الفارسي لأن الملح الفارسي حار والمره تبرد حرارته

وتدقينهم وتطحنينهم وتحطين عليهم شوي ماي لين يصير عجينه مو لينه حيل وتسوينه نفس شكل طعامة التمر ( النواة , الفصم , البذره ) <<<<<<< علشان اختلاف اللهجات

وحطيهم بصينيه وخليهم بمكان معتدل الحراره بس بعيد عن الشمس خليهم كم يوم لين ينشفون وعقب حطيهم بعلبه نظيفه وكل ماخلصتي من الدوره حطي تحميله بالليل

نصيحه :

مو أي حرمه تشترون منها التحاميل ترا الرحم مثل العين حساس مو أي شي تحطون فيه

اللي بتدعيلي جزاها الله خير
واللي بتنقل موضوعي لي طلب انها تكتب أدعوا لكاتبه الموضوع ان الله يفرج همها