بليز . ابي خلطة البيتزا مالت قصير بسرعه لو سمحتوا

اما تستخدمين الكاتشب العادي وتضيفين عليه بهار البيتزا

او صلصة البيتزا اللي بالجمعيات

او تسوين انتي الصلصه واذا ما تعرفين مقاديرها اقدر افيدج

بس بالصدفة شفت موضوع كاتبته رفرف يعطيها العافيه

و فيه الطريقة و هذه التفاصيل بقلم رفرف:
المقادير:
1 ونص زبدة
بيضتين
ربع قلاص سكر
1 ملعقة ملح
ذرة كركم
كيس طحين 1 كيلو
1 ملعقة كبيرة خميرة تذوب في 1 قلاص ماء

طريقة العجينة :
تخلط الزبدة والبيض وتخلط المقادير الجافة على حدة ثم تضاف لخليط الزبدة والبيض وتعجن ثم يضاف الماء والخميرة المذابة بالتدريج مع العجن وتغطى بنايلون وتترك في مكان دافئ 4 ساعات تقريبا

الصلصة:
1 فلفل اخضر بارد
1 فلفل حار (حسب الرغبة انا حطيت نص)
شوي زنجبيل
4 فصوص ثوم كبار
ملعقتين زيتون اخضر شرايح

تخلط المقادير السابقة بالخلاط ثم نفرم 5 حبات طماط كبيرة فرم 50% ونخلطها مع الصلصة بالملعقة ونضيف عليهم علبة معجون طماط
تحطون شوي زيت بالطابي وتضيفون الصلصة كاملة (مع الطماط والمعجون) مع ملعقة متوسطة اوريغانو وتخلونه شوي على النار

تاخذون قسم من العجينة وتغطون الباقي ….
تفردون العجينة وتقطعونها دوائر بالقلاص او القطاعه ….
تحطون شوي من الخلطة وفوقها قطعة صغيرة زبدة …. وتدخلونها الفرن لين تستوي …
تطلعونها من الفرن وهي حارة تذرون فوقها جبن شيدر وفوقه شوي كتشب وبس بالعافية …

طماط عادي بس أبشره أسويه علي النار مع بصل وثوم وبعدين أحط عليه معجون طماط وشوية كاتشب وأحط شوية فلفل أسود وبهارات

وتطلع عجيبة

وشوفي هالموضوع

بيتزا قيصر – مدونة كويتيات النسائية