بليييز علموووني حركاااات ذكيه اقدر ادخل نفسي مع بنات القسم بوظيفتي اليديده

هلا حبيبتي…

اول شي الف مبروك عالوظيفة

صرتي موظفه ها؟ يحليلج هي هي هي

المهم,,,

ترى عااااااااااادي وضعج جدا طبيعي انا كنت جذي اول ما تعينت.. وهم رفيجتي نفس القصه…

في البداية بس تحسين جذي باجر ان شا الله بتدشين معاهم اكثر وماتحسين نفسج غريبه..

بس نصيحة اخت: حتى لو صارت علاقتج فيهم اوووووكي لا تعودينهم يتدخلون بخصوصياتج عوديهم على هالشي من البدايه

سولفي بكل شي.. مواقف عاديه… مسلسلات… ازياء… سوق وخرابيط البنات

المهم نرد حق موضوعنا الاساسي :

طبعا بما انج عارفه نفسج عدل يا البشوشه

ما يحتاي اوصيج تسلمين عادي ووزعي ابتسامات خفيفه يعني سالفه عقدة النونة او هذي مو عاجبتج لا تطبقينها..

شوفي ترتاحين حق منو اكثر شي وتحسينها طيوبه وحبوبة خليها تعلمج عالشغل ..

وحاولي تشاركينهم بسوالفهم بس مو تقطين ويهج بكل شي لول…

مثلا اذا سمعتيهم يسولفون مثلا عن اسعار جناط او محلات.. علقي انتي قولي مثلا اعرف المحل الفلاني عنده هالشغله واسعاره حلوة عشان يسألونج ويسولفون عرفتي؟

يعني بقولون وينه؟ وشنو عنده بضاعه وجذي…

هذا على سبيل المثال طبعا…

واتمنى انج فهمتي قصدي

ممممم,,,, ديري بالج تفرقين بسالفه شيعة و سنة…