بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
شلونكم بنات …
يريت تتفاعلون مع هالموضوع خصوصا للي شرو بيت والله يهنيهم انشالله … عشان نستفيد من أفكارهم …
بما إن العقار نازل اليوم طقيت فره على جم بيت وصراحه في حلوين وااايد شفتهم بس للحين أسعارهم شوي غالية و متردده آخذ قرض …
بس بعرف شنو سويتو يوم شريتو البيت ؟ يمعتي ولا أخذتي قرض واذا في أفكار يديده يريت اتفيدونا فيها، وشلون الشركات اللي اتبيع لبيوت …
ومشكورين والله يوفقكم ….
شلونكم بنات …
يريت تتفاعلون مع هالموضوع خصوصا للي شرو بيت والله يهنيهم انشالله … عشان نستفيد من أفكارهم …
بما إن العقار نازل اليوم طقيت فره على جم بيت وصراحه في حلوين وااايد شفتهم بس للحين أسعارهم شوي غالية و متردده آخذ قرض …
بس بعرف شنو سويتو يوم شريتو البيت ؟ يمعتي ولا أخذتي قرض واذا في أفكار يديده يريت اتفيدونا فيها، وشلون الشركات اللي اتبيع لبيوت …
ومشكورين والله يوفقكم ….
ادري البعض منا وانا اولهم طقت جبدنا وملينا من بيت حمولتنا
بس مراعاة لظروف زوجي صابرة
البيوت نزلت اسعارها ويقولون ان العقار راح ينزل بعد بشهر 6 وانتي طالعه يعني نطري
اول شي عني انا
قاعدة اجمع مع زوجي عالشان نسكر القرض ولمن نسكر القرض بنشوف شكثر يعطونا بنك التموين تورق يعني احنا نبي تقريبا 60 الف غير ال70 الف مالت التسليف يعني يمكن يكون اقل بيت 130
واذا ماصار ننطر جم شهر على مانسكر قسط السيارة
والله يوفقني واخذ بيت العمر
ساعات استغفر الله اقول لزوجي العمر بيخلص والبيت ماشفته
ادري البعض منا وانا اولهم طقت جبدنا وملينا من بيت حمولتنا
بس مراعاة لظروف زوجي صابرة
البيوت نزلت اسعارها ويقولون ان العقار راح ينزل بعد بشهر 6 وانتي طالعه يعني نطري
اول شي عني انا
قاعدة اجمع مع زوجي عالشان نسكر القرض ولمن نسكر القرض بنشوف شكثر يعطونا بنك التموين تورق يعني احنا نبي تقريبا 60 الف غير ال70 الف مالت التسليف يعني يمكن يكون اقل بيت 130
واذا ماصار ننطر جم شهر على مانسكر قسط السيارة
والله يوفقني واخذ بيت العمر
ساعات استغفر الله اقول لزوجي العمر بيخلص والبيت ماشفته
من صجك تاخذون 60 الف دينار ..غير الفوائد؟؟؟
والله الدين عمات عين!!
70 الحكومه و لازم يكون عندج 160 الف زياده !!! حتى لو تبين تقترضين ماكو فايده جم يبون يعطونج 40 الف و زووج 50 الف يعني هم ماخذه قرض و ما يكفي
بالنسبه لبيوت الحكومه الي بالقرين على 120 اوصلت بس بصراحه مو بيت الواحد يقل افلوسه عليه امحكر و بنيان اي شي
الاراضي بالمسيله اوصلت ب 110 يعني عشم ابليس بالجنه
صح العقار نازل بس نفس الشي يبيلنا شي وشويات علشان نقدر نشتري بيت يسوا
الله يفرجها علينا مالنا غير الله والله كريم ………….. يارب ويرزق كل وحده فينا بيتها اللي تتمناه
استغفرالله العظيم وأتوب اليه
آآآآآآآآآآآآآآآآآآآآآآآآآآآآآميييييييييييييييييين يارب العالميييييييييييييين
الله يفرجها علينا مالنا غير الله والله كريم ………….. يارب ويرزق كل وحده فينا بيتها اللي تتمناه
استغفرالله العظيم وأتوب اليه
آآآآآآآآآآآآآآآآآآآآآآآآآآآآآميييييييييييييييييين يارب العالميييييييييييييين
استغفرك اللهم واتوب اليك ..
شوفي بما إني قاعده أدور فراح اعطيكم تفاصيل شنو سويت :
صراحه آنا بودي أكون يم أمي بيت أبوي بالسرة ( وجنوب السره لازم أنسى الموضوع … وااايد غاليه) .. آنا ساكنة بشقة بالسرة أجارها 350 !
بس معاشي ومعاش ريلي شوي زين ونقدر ناخذ 75 قرض ومانكون وااايد إمحسرين على نفسنا .. يصير التوتال مو 70الحكومه
145 …
رحنا دورنا بهاذا السعر … صراحه مالقينا إلا بيوت الحكومة اللي طايح حظها … وكلش مو شي يبيله البيت فوق 40 ألف بس أعقد اعدل فيه .. فقلت شلي خادني خلا أنطر لوبقلعة وادرين بس ايكون بيت سنع أبنيه على كيفي …
بس حاليا ردينا ندور لأن العقار نازل وحت منطقة اشبيليه صراحه حلوه ونظيفه بس ارخص شي شفته على 200 وبناء شركات بس وااايد حلو …
ورحت توني بيت في صباح السالم 400 متر شكلة حكومة ومجدد شكلة من بره حلو بس ماشفته من داخل لأن ساكنين فيه ومسيوم إب 061 حسيت وااايد عليه ….
أراضي المسيلة على 100 وشي فماتناسبنا …
والدلال قالنا على أبوفطيره قاعدين ايبيعون الأراضي على 75 بس المشكلة إن بر ويمكن إمطولين على ما يسوون لها خدمات … فبشوفهم وأفكر …
بس الدلال ايقول لنا نطروا بالعطله يمكن راح بعد يقل العقار فقاعده انطر وأدور بنفس الوقت الله كريم …..