بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
بناااات عفيه ابي مساعده
اليوم موعد زوجي تحسن عنده الحركه صارت طبيعيه وعدد اللي يموتون صار احسن من قبل بس المشكله بالعدد ليلحين 3 مليون ماتحسن وله شي الموهم الدكتور قاله سو الحقن المجهري او انابيب وروح حق الدكتوره هند اهي اللي تحددلك
الموهم بنات انا فهمي على قدي يعني قريت عن فرق اطفال الانابيب والمجهري بس ما استوعبت شي كاتبين بطريقه علميه
ابي احد يفهمني شنو الفرق بين الاثنين
وشنو الاحسن
وهل انام بالمستشفى
وشسالفه يعني بليز ابي تجارب وفهموني بالعاميه لانه احسن من ضيقت الخلق مخي قفل .gif "Eh S(2)")
السلام عليكم ورحمة الله وبركاته
بناااات عفيه ابي مساعده
اليوم موعد زوجي تحسن عنده الحركه صارت طبيعيه وعدد اللي يموتون صار احسن من قبل بس المشكله بالعدد ليلحين 3 مليون ماتحسن وله شي الموهم الدكتور قاله سو الحقن المجهري او انابيب وروح حق الدكتوره هند اهي اللي تحددلك
الموهم بنات انا فهمي على قدي يعني قريت عن فرق اطفال الانابيب والمجهري بس ما استوعبت شي كاتبين بطريقه علميه
ابي احد يفهمني شنو الفرق بين الاثنين
وشنو الاحسن
وهل انام بالمستشفى
وشسالفه يعني بليز ابي تجارب وفهموني بالعاميه لانه احسن من ضيقت الخلق مخي قفل
الانابيب اكثر شوي ويارب يرزقج ويرزقنا الذريه الصالحه
واقري تجربتي وما تنامين بالمستشفي
تتمنين تتعالجين وينجح علااجك ويقولون لج مبروك حامل بساعدك وابي دعواتك لي تجربتي
بس شنو يسولج بالحقن المجهري اشلون طريقتهم ؟؟؟
بس دكتوري يقولي الحقن المجهري اهوا الانابيب
منشطات حق البويضات ليما يكون عندج عدد حلو من البويضات مع حجم حلو عقب راح تكون عملية سحب البويضات
والي قبلها بمدة راح يعطونج ابرة التفجير وهي ابرة اعداد البويضات للتلقيح طبعا راح يقولونج تجين صايمه من 12 بالليل او 11
ماتاكلين ولاتشربين لانه بعملية السحب تخدير كامل ماتاخذ وقت طويل كلها نص ساعة وانتي بغرفة الراحه راح تحسين بوخز
وعوار اسفل البطن وانتفاخ وغازات بس عادي لاتحاتين راح يعطونج تحاميل فولتارين لتخفيف الالم طبعا بالفترة هذي كثري سوائل
وبروتينات وخضار وفاكهه قد ماتقدرين عشان الالياف البويضات بتكون عندهم للتلقيح مع عينة زوجج اللي اخذوها منه بنفس يوم
السحب راح يختاروا افضل البويضات وافضل الحيامن من الزوج ويتم التلقيح فبيئه خاصه جدا وطبعا بيحددون لج وقت ترجيع
الاجنه بأي يوم عادة عقب 3 ايام من السحب ع فكرة عقب السحب راح تنزل منج جم نقطة دم لا تخافينم مرة طبيبعي الموضوع
المهم وقت الترجيع بيكون عادة الصبح راح تجين فاطرة ومرتاحه وبمثانة نصف ممتلئة عكس السحب المفروض تكون مثانتج فاضية
تماما طبعا ليش نصف ممتلئه وقت الارجاع عشان يسهل عليهم ارجاع الاجنه راح يخبرج الدكتور كم جنين بيرجعون لج وراح يعطيج
تعليمات لبعد الارجاع وهم يحضرونج للعمليه العملية بسيطه وماتخوف ابدا وماتاخذ وقت خصوصا انها بدون تخدير جنها فحص
نسائي عادي اهم شي تكوني حزتها متفائله ومتوكلة على رب العالمين وتكثرين من الدعاء والاستغفار والدكتور يجعهم لج
قولي اللهم اني استودعك مافي رحمي يامن لاتضيع عنده الودائع واقري آية الكرسي والمعوذات طبعا بعد الارجاع راح يخلونج
تقريبا من نصف ساعه الى 3 ساعات مستلقية على ظهرج حسب المستشفى اللي بتسوين فيه العمليه ودكاترة وايد يقولون ان
ثبات الاجنه بالرحم يكون من اول ربع ساعه وانا اقول كلها توافيق من رب العالمين اهم شي انتي بالفترة هذي ابتعدي عن استخدام
الدرج وابتعدي عن حمل لالاشياء من الاض واول 3 ايام تصلين جالسة ولا تنامين على بطنج عقب ال3 ايام تقدري تنامي على جوانبج
وشي مهم التغذيه الصحية العصيرات ماعدا الاناناس وكثري من الحليب واللحوم عشان يساعد في انغراس الاجنه
قد ماتقدرين اقراي القرآن خصوصا سورة البقرة ويس والاستغفار والصلاة على محمد وآل محمد وربي يسهل امورج
ويعطيج على قد نيتج آمين رب العالمين
اي استفسار او سؤال انا حاضرة وموجودة
بس بثقل عليج بجم سؤال اذا تسمحيلي
الحين الدكتوره قالتلي انا ابيج تيلي قبل دورتج ب10 ايام شنو راح تسويلي وشنو هذي اشعه الصبغه انا وله مره سويتها ؟؟
وبعدين متى يدرون اني حامل وانه العمليه انجحت ؟؟