بنات ابي افكار طريقة تدريس القران الكريم للابتدائية بنات

شوفي حبيبتي أنا مثلك أدرس ثاني ورابع
والافكار كثييييييييييييييره
طبعا لازم أول شيء أساسيات الحصه تكون موجوده
1- المسجل بالبطاريه مع شريط القرآن ويكون الصوت وااااااضح

2- لوحة الآيات بالرسم العثمني مثل القرآن

3- تقسيم الصف لمجموعات وتسميتهم بأسماء محببه للطالبات مثل :
(المحبه- التعاون- الصدق- الأمانه)
( المرجان- الزمرد- اللؤلؤ- الالماس)
4- وسيله للمجموعات تغلفينها حراري وتحطين لها مغناطيس و تعلقينها على السبوره أفضل من أنك تسوينهاعلى فلينه وتشيلينها وتزينين الصبوره فيها

5- مجموعه من التاجات تشترينها من طيور الجنه أو أبو أمية فلس بعد ما تقرين المجموعات بالطريقه الموجوده في التحظير تطلعين من كل مجموعه ملكة الحفظ وتلبسينها التاج وتخلينها تقرآ الآيات لمجموعتها والبنات يردون وراها

6- تسوين بطاقه وتغلفينها حراري وتكتبين عليها ملكة الحفظ وتغلفينها وكل حصه تعطينها لأفضل بنت حافظه وترجعها الحصه الثانيه
7- تجيبين معاك الحصه مكرفون مكبر للصوت تلاقينه في محلات الالعاب وتخلين البنات إلي أصواتهم واطيه أو يستحون يقرأون فيه

8- تحفظين البنات أنشوده عن القرآن وتخلينهم في نص الحصه يقومون ويقرأون الانشوده (كسرا للملل)مثل :
قرآني قرآني
أنزله الـرحــمــن …….. لما أقرأ فيه أشعر بطمأناني
هو لقلبي رحمه …….. وهو لعقلي حكمه
وهو لكل الناس دستور رباني
9- تفصلين لكل مجموعه لبس صلاة بلون مختلف وتحطين لبس كل مجموعه في كيس وتوزعينه عليهم أول الحصه عشان يكون شكلهم حلو و مرتب

10 – تسوين لهم ورقه النجوم وتخلينهم يلزقونها في الكتاب والبنت إلي تحفظ آيات اليوم تحطين لها نجمه وكل حصه أسأليهم من عندها أكثر نجوم وكل بنت تجمع مثلا خمس نجوم تجيبين لها هديه
11- أحسن مجموعه من حيث الحفظ والترديد والإلتزام بالآداب تعطينهم هديه أخر الحصه مثل الاستكرات من أبو أمية فلس

وبالطريقة هذي البنات راح يحبون الحصه ويستنونها ويحفظون الآيات
و أسأل الله الإخلاص في العمل لوجهه الكريم

كل وحده تستفيد من الموضوع تدعيلي بالزوج الصالح

الله يجزاج خير

بعد بنات ابي افكاار

بعد بنات ابي افكاار مايصلح فكرة المطوعة بالصف ؟

او اقعدهم ع ارض