بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوة بنوتات العلمي شلونكم؟؟
انا مشكلتي اني طالبه بكليه الاداب وبحول علوم اداريه عشان ابي تخصص اداره اعمال وعشان احول لازم اخذ تمهيدي رياضيات مال العلوم..
الحين هذا ثاني اسبوع واحس اني ضايعه , يعني افهم شرح الدكتوره بس لما تعطينا نحل اتوهق مااعرف!!!
والمشكله كل البنات علمي فعندهم هالشي تافهه واهي قاعده تمشي بالشرح وسريعه والكتاب طبعا انجليزي ومافي مسائل محلوله ..
في معيده او دورات تقويه حق التمهيدي؟؟
وشنو تنصحوني فيه ؟؟ واذا وحده ماخذه الماده وشاطره ممكن تتواصل معاي عالخاص لان اللي معاي بالكلاس كلهم مستجدات واصغر مني مايعرفون
قوة بنوتات العلمي شلونكم؟؟
انا مشكلتي اني طالبه بكليه الاداب وبحول علوم اداريه عشان ابي تخصص اداره اعمال وعشان احول لازم اخذ تمهيدي رياضيات مال العلوم..
الحين هذا ثاني اسبوع واحس اني ضايعه , يعني افهم شرح الدكتوره بس لما تعطينا نحل اتوهق مااعرف!!!
والمشكله كل البنات علمي فعندهم هالشي تافهه واهي قاعده تمشي بالشرح وسريعه والكتاب طبعا انجليزي ومافي مسائل محلوله ..
في معيده او دورات تقويه حق التمهيدي؟؟
وشنو تنصحوني فيه ؟؟ واذا وحده ماخذه الماده وشاطره ممكن تتواصل معاي عالخاص لان اللي معاي بالكلاس كلهم مستجدات واصغر مني مايعرفون
انا رفيجاتي وبمن فيهم انا قدمنا على القدرات ونجحنا
لأنه سهل وااايد بس هذ لأنا علمي
واذكر ان في دورات رفيجاتي اللي بالخالدية كله ياخذووون
سألي بنات القوائم ترى وايد يعرفون بهالشغلات ^_^
آسفة ماقدرت افيدج ..
ابي اعرف في تقويه حق التمهيدي مع اني مااعتقد واذا في وين؟؟
تعرفون مدرسين خصوصي زين؟؟
مو لازم الشويخ .. سألي بنات الاداب
احنا جذي نسأل بنات التربية .. لأنهم ياخذوون هناك مواد
واذا ماعرفوا سألي بنات التربية مايقصروون .. وان شاء الله يكونون
بالمنتدى ويجاوبونج .. ويارب تنجحين وتفتكين
وربي حاسه فيج
اذا من الحين تحسين روحج مو ماشيه بالله شبتسوين لمن تحولين ؟؟ حتى العلوم الاداريه عندهم رياضيات 3 رياضيات قبل التخصص
وعلى فكره تمهيدي العلوم مو سهل ابدا ابدا الفاينل فيه 50 مادري 100 سؤال موضوعي شبتسوين فيهم ؟؟ وكل سؤال يبيله حل جم سطر
صدقيني هالتمهيدي فايدته يهيئج ويختبرج اذا قدرتي تجتازينه .. يعني انتي قادره على الاداريه ..
والله يوفقج..
هذي مصحلته
وحلي كل تمرين تعطيج اياه المعيده في البيت وبيني لها انج مهتمه والله يوفقج
وصراحه استحييت اسال يعني اهو اصلا تمهيدي عرفتي