بنات الكيمياء ومعلمات الكيمياء واللي تعرف للكيمياء بليييييييز ساعدوني :(

مشكوره فديتش gala q8

الله يعطيش العافيه

وان شاء الله يفيدوني ، لان اتوقع انه لها قانون يجيب المررررض , حسبي الله على دكتورتنا

حياتي من الجدول الدوري لو تلاحظين كل عنصر له رقم معين مكتوب تحت ثابت هو العدد الذري له:
مثلا :O=16
Oهذا ذرة من الاكسجين
اذا كان O2 هذا يعتبر جزيء واحد من الاكسجين و
2O هو ذرتين من الاكسجين و
2O2 هذا جزيئين من الاكسجين
يعني باختصار اللي ورا حرف هو ذرة واللي جدام هو جزيء

نيي للحساب الكتلة الجزيئية هي نفسها الصيغية أو الذرية او كتلة المول
= عدد الذرات ضرب رقم الثابت بالجدول
مثال :H20 كتلة المول =( 2 ذرة من H ضرب 1 هو نسب ثابتة )+(1 ضرب 16)=18
زين الحين من وين 1جرام من H و 8 جرام من O ؟
الاعداد تمثل كتلة المادة بالجرام دايما تكون معطى بالسؤال لحساب عدد المولات
تذكري هالقانون: عدد المولات = كتلة المادة بالجرام/كتلة المول

اما O=16 هو ثابت موجود بالجدول
اذا زدنا ذرات مثلا 2o = 32
لان لما نحسب كتلة المول راح نضرب 16 رقم الثابت ب2 فيعطيننا 32 طبقا لقانون
كتلة المول= (عدد ذرات العنصر ضرب نسبته الوزنية الثابتة من خلال الجدول الدوري)

والحين نيي حق النسب العددية او الذرية : هي كتلة ذرة واحدة من العنصر/كتلة ذرة واحدة من كربون 12
CO هني عندنا 1 كربون و1 اوكسجين ومن خلال جدول دوري النسب الثابتة حق C=12و O=16
لو بطبق قانون :16 /12 =1.33

CO2 هني لاحظي 2من اكسجين راح تضربين 2 من ب16
16ضرب2 /12 =2.66

لاحظي فوق كربون 12 ثابت دايما تحت مو فوق اللي فوق هو عدد ذرات

اتمنى وصلت المعلومة موفقة

أنا الله يسلمش فهمت عليش في البداية بسسسس عندي كم سوال

وش هو القانون اللي نحسب فيه النسب الوزنيه أنا عارفه ان احنا نختار الكتله من الجدول الدوري بس وش القانون اللي نحسب فيه النسب الوزنية ؟؟؟

وماعليش أمر اشرحي لي الاكسجين والهيدروجين لتكوين الماء واذا كانت عدد جزئيات الماء 18H2O كم نأخذ من الهيدروجين الاكسجين ؟؟؟

وفيه مثال قالته الدكتورة ان االانصهار هذا تغير فيزيائي. طيب درجه الانصهار وش هو خواص فيزيائيه ولالا ؟؟

وجاذبية الارضيه =9،8 m.s -2 وش معنى الوحده هذي والسالب 2وش معناته. والله يجزاش خير يااااااااارب

حياتي العفو ولو لا ازعاج ولا شيء

بس حطي بالج مو دايما تضبط معاج هالطريقة

موفقة