بنات المرحله المتوسطه أبي رايكم ضروري

اول شي انتي اي مدرسه راح اتدرسين او باي محافضه

انا طالبه بالمتوسط

اهم شي انج تحافضين على شخصيتج

ترى البنات ما ينعطون وجه

لا تخافين كل ابله لازم يكون لها طالبات يحبونها

بس اذا عطيتيهم وجه والله توهقين

اول شي 24 ساعه عندج

ثني شي كل ما يطلعون من الحصه اذا ملوا يقولون كنا عند ابله ؟؟؟؟؟؟؟؟؟؟؟؟

وكل ما عطتهم ابله تعهد يحطونهى عليج

احنى في بنات بصفي مشيبن في ابله

صج اني لالحين طالبه بس اسمعي نصيحتي لانكلامي كله صج

بس ضروري تقولين يمكن ابمدرستي

اوكي

باي

و أهم شي خلي كل شغلج بالدرجاات سوااء بالمعاقبة أو

المكافئة .. ترا في بناات ما يهمهم التعهداات و لا الوقفة
و أنسب عقااب هو الدرجااااات ..

و الشغلات اللي تكرهناا بالأبلة الألفااظ اللي ما لها داعي
لأن في أبلات اذا عصبوا ما يحترموون و لا يستوعبون شيقولون
و الشخصية الضعييفة ما تنفع فالبدااية ليما تعرفيين البناات و
بعدين راح تعرفين شلون تتعاملين مع كل وحده ..

و الشغلات اللي تحببنا بالأبلة لماا تقدر المجهوود و تشرح
بضميير ..

وووو بالتوووفييق ان شاء الله ..

وآسفه على الطواله

تعلمت من الميداني اني مااعطي البنات وجه زيادة لانهم راح يتمادون وياج وكل دقيقة والثانية عندج

واذا تأخروا عن حصة على طول يجون ابله عطينا ورقة تكفين عشان الابله تدخلنا الصف

وانا كنت حيل طيبة معاهم ومااحب ازفهم واعاملهم معاملة حلوة مثل اختهم واكثر

بس شفت ان هالمعالمة خلتهم يتمادون حيــل

لاتكونين طيبة حيــل مثلي ولاشديــدة حيل

خليج شوي جدية وقت الضحك ضحك وووقت الجد جد

بقولج غلطاتي بالميداني اللي ان شاء الله ماراح تتكرر

كنت متسامحة معاهم على سالفة الواجب ماشيك عليه كل مرة

واذا بنات مو حالين اقولها خلاص اخر مرة

ويتمادون كل مرة ينسون الواجب

بس صرت اكتب اساميهم عشان يتسنعون ويحلون مرة ثانية

و كنت نادر ماازفهم عشان ماجرح مشاعرهم بس اكتشفت ان في بنات مايمشون الا بالزف

وكنت اعطي درجات حتى لو الدفتر ناقص كنت امشي لهم

والواجب كنت اعطيهم اسأله سهله حيــل

____________

الأشياء اللي كانو البنات يستانسون منها اني العبهم اسوي لهم مراجعة على طريقة لعبة

وكانو حيل يستانسون وقبل كل امتحان احددلهم الاشياء المهمة واهم شي اهم شي انج تدخلين عليهم وانتي مبتسمة احس انهم يستانسون لما يشوفون الابله مبتسمة ويحبونها

وكنت اتعامل معاهم معاملة حلوة وكنت استخدم معاهم الفاظ راقية واحسسهم انهم مهمين

احس اني هذرت واجد تعبت هههه

بس نصيحه حاولي قد ما تقدرين انج ما تزفين البنت عند رفيجاتها الا اذا كانت

غلطانه حيييل لان البنات كلهم ما يكرهون الابله الا من جذي يعني نصحيها
عند البنات واذا تبين تزفينها زفيها بس عاد مو زف قوي علشان ما تنحرج

وخليهم يحبونج لان اول سبب ان البنت تاخذ امتياز اهوا حبها لابلتها
بس عاد مو تصيرين طيبه زود وياهم ولا تصيرين عصبيه خليج عادي وياهم

والله يوفقج

والله يوفقج

أنا طالبه في الثانويه ..

بس حبيت افيدج ..

انا بقولج شخصبة ابله عندنا .. مدرسة انجليزي ..

والله بشخصيتها هذي حبوها البنات اللي تدرسهم

واللي مادرستهم ولا تعرفهم وتخيلي في كورس واحد << الله يذكرها بالخير ..

بس حسااافه انتقلت لانها ساكنه بجنوب السره ..

المهم .. اول مادشت علينا كانت كله ملاحظات ومحاظرات الصراحه خفنا منها ..

ومن ثاني حصه بدت تتعرف على اسامينا .. واسلوبها حيل حيل حيل راقي ..

ومااااعمري شفتها معصبه .. واهم شي في المدرسه يكون بالها طويــــل ..

ولازم تعطين واجبات << والله يفيدهم وقت الامتحان ..

وسوي مراجعات للطالبات مهم حيــــل ..

وعندنا ابله الله يذكرها بالخير …

شرحها حيل رووووعه ..

تدرين شلون تشرح ..

اول ماتدخل مبتسمه .. عمرها مادشت مكشره

بعدين على طوول تفتش على الواجب والتحضير << هالطريقه الابله تخلي البنات يهتمون في الحصه ..

وطريقة شرحها رووعه تعطي امثله في الشرح .. وتجيب شغلات معاها يتضمن الدرس

ملاحظه / اول ماتدشين على الصف << اسميه (( يوم التعارف )) قوليلهم ابيكم كلكم تتفوقون في مادتي مابي
بنيه اقل من الامتياز << والله هالجمله تشجع حيل حيل حيل وانا مجربتها

وووووبـــس << تتمنى انها افادتج