بنات بتعالج عن الاجهاض المتكرر وعني كم استفسارات ابيكم تساعدوني

الله يرزقج الذرية الصالحة قولي الحمد لله هذا ابتلاء من رب العالمين

للجميع الف شكر ..
مدمنة ككاو .. ماكملت لاسباب .. اول دكتوره رحت لها عطتني تحاليل ولا كنت مرتاحه لها ابدا ولا لكلامها .. ..رحت لها وهي محذرتني من الحمل وقالت اتابع عندها عطتني تحاليل وسويتهم وبعدين قلت بروح لدكتوره معروفه وشاطره ورحت لدكتوره ثانيه والصراحه زحممه يعني اروح قبل لا تفتح العياده في الظهر اطلع في الليل ولا ياخذون موعد يعني اضيع وقت طووويل وانا عندي مسؤوليات.. وهذا كان عاائق اني اكمل المهم الدكتوره قالت لي خلينا نشوف اول نتيجة التحاليل الي سويتهم عند الدكتوره الي قبل ولو ان الدكتوره الثانيه تقولي تحاليل الي عطتك مرره قليله انتي بحاجه لاكثر .. بعدين الدكتوره سافرت شهرين وانا رحت لدكتور وعطيته الورقه الي فيها نتيجة التحاليل ماقتنع وقال هذي ماتفيد بشي لانه تحاليل قليله وانا بحاجه لعدة اشياء منها اشعة الصبغه وتحاليل وقت الدوره وتحاليل بعد الدوره بعدين ظل يهذر ولا ارتحت منه يقول حتى لو النتيجه ممتازه ممكن ينزل الجنين ؟! لانه ممكن يجيني فيروسات مادري وش قال عنها وقت الحمل وتسبب نزول الجنين ..وغيره من الكلام الي ضاايقني مررره وصعب الموضوع وكل شوي يقول التحاليل مارح تفيد بشي .. وفيه كثير اجهاضات سببها مجهول .. يعني الحين انا بتعب نفسي وفي النهايه مابستفيد بشي على كلامه .. طلعت من العياده وانا اقول خلاااص مابرجع ولا بكمل مع اي دكتور من القهر الي انا فيه .. بعدين تركت الموانع الطبيعيه ولو اني اصلا مو دقيقه في الموانع المهم هذاك الشهر تركت نفسي من غير موانع ومكثرين … عشان تمنيت اني احمل وللاسف ماحملت وقبل الشهر الي فات بعد من غير موانع ولافيه حمل .. الحين برجع اتعالج عند دكتور غير .. وخاايفه اني احبط ولا ارتاح لكلامه والا يقولي اسوي اشعة الصبغه .. بس هذي الاسباب الي خلتني ما اكمل علاجي .. ان شاء الله هالدكتور يكون دقيق وممتاز واواصل علاجي ..

اول شي ياحبيبتي

موشرط اتحملين من اول شهر حتى لو انتي طبيعيه 100%

شي طبيعي تتنرفزين وشي طبيعي يطلبون منج تحاليل وايد
وشي طبيعي يقولج في اجهاضات من غير سبب
الصراحه العلم عند الله
كل اللي يبيلج الصبر وتستمر المحاولات جم شهر وبس
والله يرزقج ويرزق كل من تتمنى الحمل

الف شكر ..
كويتيه مذهله ..اتمنى العيب منه لانه يهددني بالزواج اذا ماحملت والحق معاه خاصه اني من زمااان وكلما احد جاب طاري الزوج الا يتزوج على زوجته اقعد اتفلسف واقول مايجوز الا اذا فيها عيب مثلا ماتحمل ساعتها من حقه يتزوج وانا مادري ان بيجي يوم بتصير عندي مشكله في الحمل وهو عاارف فلسفتي ..وهو يبي اولاد يقولي مايقل عن 6 ؟؟ واذا قلت له تعب وكل هذا من صحة الزوجه وفوق هذا التربيه مو سهله وغير كذا انا حاليا يبي لي علاج وداايم حملي صعب والحين الامور اصعب يقولي اذا انتي ماتقدرين غيرك يقدر ؟؟ يعني شنو اقول له وانا الا الكل عارف فلسفتي .. كلامه يجرحني ويضايقني في نفس الوقت يكسر خاطري هو دايم يقولي انا مو صغير واذا الحين ماجبت الولد متى اجيب ؟؟ احسه كثيير متحمس يقولي شوفي الشيب الا بدا في شعره ولسه ماعنده ولد ..؟؟ لو العيب فيه على الاقل انا مابجرحه .. اتمنى ان احقق امنيته واجيب له الولد ولو انه يبي 3 اولاد والبقيه بنات.. الله يعين .. دعواتكم لي بالحمل الثابت واني اجيب ولد صالح يااارب

اشعة الصبغه سمعت انها جددددا مؤلمه قريبتي سوتها وتقول بغت تموووت من الالم بس ذيك ماعندها طفال وانا وضعي مختلف ..

السلام عليكم
حبيبتي الله يعوض عليج يارب ويرزقج الذريه الصالحه
انا حالتي قريبه من حالتج شوي اول شي انصحج بدكتور شاطر تسوين عنده تحاليل
شامله حق الاجهاضات يعني اجسام مضاده فايروسات كل شي واهوا بعدين يقولج من شنو
يصير معاج الاجهاض نصيحه اتسوين التحاليل قبل لاتحملين واذا طلع مافيج شي لازم زوجج يسوي تحليل
الحيوانات المنويه لانه سبحانه الله مع السنين كل شي بجسم الانسان يتغير وبعدين تاخذين التحاليل وتروحين
مستوصف المنطقه اللي تابعه لها وقوليلها ابي تحويل الصباح واخذي معاج صوره من عقد الزواج وصور

من البطاقه المدنيه وطلبي من مستشفي الصباح تراجعين عند دكتور مايكل اهوا تخصص اجهاضات متكرره
وراح يتابع معاج ليمن تحملين ويعطيج العلاج المناسب
ويارب ماكون طولت عليج بس بغيت افيدج وافيد كل وحده نفس حالتنا
والله يرزوقج ويرزق كل محروم