بنات بقولكم قصتي وعطوني رايكم بليز بسرعة قبل الساعة وحدة عشان اقرر

بنات بقولكم السالفة باختصار ومحتاجة رايكم لان حدي محتارة

انا الحين بالاسبوع 13 من الحمل ومن حملت وانا ما شفت الراحة وماعرف السبب بس انا باول شهر قبل ماعرف اني حامل كنت اسوي مساج وحراري وحبوب وشاي تخسيس عاد لم عرفت اني حامل خفت بس خليتها على الله

اول شهر واجهتني مشكلة اللوعة بس انا مو نفس اي احد انا اتكود بمكاني ومايدش ولا شي بحلجي وباسبوعين نزلت 11 كيلو وانا اساسا معاي ضغط مرتفع فالدكتورة نجمة بالسلام نومتني 4 ايام بالمستشفى عطتني دربات وابر وحبوب الضغط اللي نفسهم كنت اخذهم على بنتي الاولى من 3 سنين ونص
المهم بعدين بالاسبوع العاشر او ال11 نزفت دم وكان وايد ومت بجي قلت خلاص راح الياهل كان الوقت الفير الساعة 3 وطرنا انا وزوجي المستشفى طبعا الطواري وقعدت تحوس تدور نبض البيبي وعلى مالقته طلعت روحي وانا طبعا بجي ونواح واخر شي نزلتني السونار الاقوى بس مو الثري دايمنشن اللي ب 30 دينار وقالولي كل شي سليم وتقدرين تروحين البيت او اذا تبين نامي اليوم ليما تشوفج نجمة باجر

انا ماتطمنت ان مافيني شي لان الدم مازال ينزل واهيا تقولي عادي !! قلت لها بنام بالمستشفى عاد الصبح شافتني الدكتورة والدم ماوقف ينزل نقاط عطتني مثبتات حبوب وابرتين بالاسبوع وبعد جم يوم يت قالتلي نزلي السونار اول خل اتطمن عليج نزلت والمفاجأة ان الرحم مفتوح وقالتلي لازم اسويلج ربط وسوتلي الربط والمصيبة ان الدم مو راضي يوقف مازال ينزل وانطرت علي يومين قالت راح يوقف وماوقف!!!

جان تقولي انا ماصار جدامي الحين الا اني افتح الربط لان مايصير الدم جذي ليلحين ينزل ونزلتني العيادة عندها بس قالت بفحص الرحم عاد مادري شدخلت فيني من تحت وانا بجي جان تقولي الرحم نظيف بس الظاهر الدم ينزل من الياهل يعني احتمال الياهل فيه شي!!! دكتورة شنو يعني شي متشوه ولا شنو؟؟؟؟ قالت بعلم الله

صعدت الغرفة وانا منهارة ويتني فوق قالتلي انا قعدت مع الدكتور عمرو رئيس القسم وقررنا انا اخر حل بعطيج تحاميل شرجية وان ماوقف الدم خلاص مضطرة افتح الربط وعاد تحت رحمة الله يطيح ولا يثبت وقمت احط التحاميل 3 ايام وبجذي نمت عندهم قريب ال 8 ايام او 9 المهم وقف الدم اخيرا وقالتلي باجر اطلعج بس تسوين سونار اول وانزل السونار وايدي على قلبي والمفاجاة الاخيرة يقولي الدكتور المشيمة مفصولة شوي عن الرحم !!! تكفه شنو باقي بعد والله قمت اخاف من السونار وقالتلي خلاص بسويلج خروج وتنامين على ظهرج 3 اسابيع ليما الموعد الياي 15-4 بس تكملين على الحبوب والابرة اييونلج السسترات بالبيت يعطونج ياها والتحاميل لمدة شهر وعلى فكرة معلومة مهمة ماذكرتها ترى من دشيت المستشفى والضغط من كان مرتفع ليما صار معاي هبوط حاد تخيلو يوصل 80 على 30 اللي الدكتورة استخفت قالت هذي بتموت ولا شنو ووقفوا عني حبوب الضغط وترى مازال لي هاللحظة ينزل والطبيعي عندي 100 على 55 فقالت نجمة حق زوجي حولها دكتور باطنية ومارحت
طبعا انا مكان التحاميل التهب قمت امس ابجي واصارخ وامي اصلا تكره مستشفى السلام وتحن علي جربي دكتورة ثانية ومن حنتها دقيت على خالدة مجيبل ولم شافوا وضعي عطوني موعد اليوم الساعة وحدة يعني بعد ساعتين

سؤالي بنات بعد اللي قريتوه شرايكم اوح حق خالدة وتتوقعون راح استفيد شي؟؟ ولا اظل على نجمة وخلاص؟؟ انا جد محتاجة رايكم وانا اساسا قطيت 1400 دينار بهالاسبوع اللي قعدته لان الغرفة بروحها ب 100 وغير اليومين اللي كنت ارجع قاطة 400 فبعد ريلي كاسر خاطري ماودي اكلفه بدون فايدة شراااايكم صج صج محتاجة الحين رايكم قبل ساعتين