بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات ..
بنات أنا ريلي متين والحين قاعدين نفكر نشترك بالشركات ملوت الدايت سنتر ولا الدايت كير بس بعرف منكم هل أهما زينين ولا لأ ؟ وشلون طريقتهم وأكلهم وأسعارهم ؟ وهل صج الواحد ينقص عليه ولا لأ ؟ وشنو أحسن شركة نروحلها ؟؟
السلام عليكم بنات ..
بنات أنا ريلي متين والحين قاعدين نفكر نشترك بالشركات ملوت الدايت سنتر ولا الدايت كير بس بعرف منكم هل أهما زينين ولا لأ ؟ وشلون طريقتهم وأكلهم وأسعارهم ؟ وهل صج الواحد ينقص عليه ولا لأ ؟ وشنو أحسن شركة نروحلها ؟؟
انشالله اسئل واقولج ..
رفع للفائده ..
على قولتها ماله طعم كلش بس نزلت واايد صار ليها سنة مشتركة
بالنسبة لي انصحج تشتركون لانه بصير نظام غدائي عندكم بالبيت
انا الحين افكر اشترك بصراحه اريح لي
الصراحة وايد 200 دينار
ووايد قالوا إن الأكل عرة وعرة مرة أوكي ومرة الله يزيده
وبعد ما تبين نيايجه إلا إذا استمريتي معاهم كذا شهر
حسافة تدفعون 200 دينار على 4أو5 كيلوات
خففوا الأكل وروحوا الممشى وايد أحسن
الصراحة وايد 200 دينار
ووايد قالوا إن الأكل عرة وعرة مرة أوكي ومرة الله يزيده
وبعد ما تبين نيايجه إلا إذا استمريتي معاهم كذا شهر
حسافة تدفعون 200 دينار على 4أو5 كيلوات
خففوا الأكل وروحوا الممشى وايد أحسن
صح كلامج
وشكرا عالموضوع والاراء كلها
ما تحسين بالحرمان
أكل لذيذ وحلويات وتضعفين
اللي قالوا إن ما يسوى، آنا وحده ما أقدر ألتزم برجيم لأن بعد الزواج ماكو وقت أطبخ وانا حزة الرجيم لازم أسوي أكلي بنفسي
والسلطات بعد سهله وتقدرين تسووينها واذا مليتي من اكل البيت فيه مطاعم تطلبين منها على حسب مزاجك مثل هيلث ستوب
أنا مدرسة وكل يوم على ما آخذ عيالي من المدرسة وأرد البيت
عينك ما تشوف إلا النور
أقول حق خدامتي من الصبح تزهب أغراض السلطة وأنا لما ارد
وانا أغدي عيالي أقصهم وأخليها تشوياي همبرجر
وساعات آكل من غدا البيت بس شوية وتمشي السالفة
العشا سهالة يكونون الياهال متعشين ونايمين
والريوق تزهبلي الخدامة الحليب بمطارة صغيرة وباجي الأغراض موجودين بالدوام
وترى صعبة كل ما تروحين مكان زاخة كرتونج وماشية أصلا بطقونج عين ويقولون فلوسها زايدة كل شهر 200
دينار عشان الاكل وشهر واحد مايسوى على 4 كيلوات تقطين 200 دينار والله حرام
انا اعرف وحده معاي بالشغل اشتركت بوحدة من هالشركات وبالفعل باليوم يوصلون لها 3 وجبات مشبعات ما تجوعين معاها.. نزل وزنها بشكل خيالي وراح كرشها بالمره.. الطريقة الافضل ، اشتركي لمدة شهر وشوفي الاكل شلون صاير وشنو نوعه وطريقة تحضيره… سجليه بدفتر وحاولي تنفذينه بالبيت.. وبعدين وقفي الاشتراك.. بالاضافة الى المشي.. اذا ما تقدرين تمشين خارج البيت ، اشتري جهاز المشي ومارسي الرياضية بالبيت ، ع الاقل بالحر والبرد انت ب البيت ولابسه على المزاج..
موخسرانه لو تقطيينهم على نفسج وتضعفييين وانتي مرتاحه بعد