بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
ومبارك عليكم الشهر يا اغلى كويتيات
شوفوا يا قلبي
عندي مشكلة في العيش والطباخ
في العيش انه كون مثلا مسوية مجبوس واحط البهارات على ما يستوي الأكل ما تطلع ريحة البهارات اللي فيها
الدقوس نفس
الدياي
يعني مثلا اروح عند ناس اللاقي ريحة البهارات تفزح من الدياي والعيش والحشو طعمه اييننن
وانا احط كل شي واذا نجبت مجرد ما انجب تروح الريحة
ابي طريقة تخلي ريحة وطعم طباخي حلوة
شنو اهيا البهارات اللي احطها اذا بغيت اطبخ مجبوس سواء ديااي او لحم
هل اهي مدة الطباخ ولا النار
يعني متى اخلي النار عالية ومتى اوطيها
واي ساعدوني ينيت
ساعدوني وينيت
السلام عليكم
ومبارك عليكم الشهر يا اغلى كويتيات
شوفوا يا قلبي
عندي مشكلة في العيش والطباخ
في العيش انه كون مثلا مسوية مجبوس واحط البهارات على ما يستوي الأكل ما تطلع ريحة البهارات اللي فيها
الدقوس نفس
الدياي
يعني مثلا اروح عند ناس اللاقي ريحة البهارات تفزح من الدياي والعيش والحشو طعمه اييننن
وانا احط كل شي واذا نجبت مجرد ما انجب تروح الريحة
ابي طريقة تخلي ريحة وطعم طباخي حلوة
شنو اهيا البهارات اللي احطها اذا بغيت اطبخ مجبوس سواء ديااي او لحم
هل اهي مدة الطباخ ولا النار
يعني متى اخلي النار عالية ومتى اوطيها
واي ساعدوني ينيت
ساعدوني وينيت
شوفي حبيبتي انا المجبوس الي اسويه الكل يمدحه و لله الحمد و هذا طبعا يعتمد على البهارات و على طريقة الطبخ طبعا
اولا الدجاج يتنظف عدل بالملح و الخل …بعدين اتغسلينه بالماي و اتحطينه بصوب ( هني في خطوة مهمة احط على الدجاج نص كمية الثوم و البصل الي رح استعملهم في الطبخ بالاضافة الى بهاراتي الخاصة ( بهارات الساقي ) ما اكثر واجد يعني بس شوي و اخلي الدجاج ينقع بها التتبيلة
نجي للجدر احط كمية زيت مناسبة و بعدين احط البهارات العدلة ( فلفل اسود / ورق غار / دارسين / مسمار / هيل / كزبرة ) و احمسهم شوي بالزيت يا ما تطلع ريحتهم بعدين احط البصل و اقلبه يا ما يصير اشقر بعدين اضيف عليه الثوم ..ثم الدجاج ويا تتبيلته و بهاراته …اوكي
احرك احرك حوالي 3 دقايق يا ما اتحسين الدجاج صار لونه اصفر بعدين اضيف ملعقة صغيرة بهارات و ملح ..و اصب عليه ماي مغلي ( لا تحطين ماي بارد يخرب النكهة ) و خلاص اسكر الجدر و اخلي الدجاج يطبخ
لا خلص الدجاج اطلعه و ارش عليه بهارات شوية او كمون و ملح ..و احمسه بالدهن
المرق مال الدجاج اشخله و اكب العيش المنقوع مسبقا
الدقوس :
اولا احمس الثوم بالدهن ( حوالي 6 الى 7 فصوص ثوم ) يا ما يصير لونه اشقر بعدين اضيف الطماط 3 الى 4 حبات حسب الحجم ..بعدين احط شوي بهارات و ملح و اخلي الطماط يلين شوية و بعدين اضيف ماي و معجون طماط ..انا استعمل معجون هينز يعطي لون و كثافة بدون حموضة
الحشو :
نقعي الكشمش بالماي
بعدما اقص البصل احطه بالمقلاة مع شوي زيت ..و اقلبه بعدين اضيف عليه ( لومي مطحون / دارسين ناعم / هيل ناعم / 2 مسمار ) و اقلبه اقلبه ياما يصير لين ..بعدين اضيف الكشمش ..ثم نص فنجان ماي ورد عشان ينتفخ الكشمش و يكتسب نكهة
و اول ما ينشف الحشو احطه فوق العيش و اسكر الجدر عدددل ..او اغطيهم بسفرة
و السلام
شوفي حبيبتي انا المجبوس الي اسويه الكل يمدحه و لله الحمد و هذا طبعا يعتمد على البهارات و على طريقة الطبخ طبعا
اولا الدجاج يتنظف عدل بالملح و الخل …بعدين اتغسلينه بالماي و اتحطينه بصوب ( هني في خطوة مهمة احط على الدجاج نص كمية الثوم و البصل الي رح استعملهم في الطبخ بالاضافة الى بهاراتي الخاصة ( بهارات الساقي ) ما اكثر واجد يعني بس شوي و اخلي الدجاج ينقع بها التتبيلة
يعني قصدج انه اول ما اطلع الدياي من الثلاجة انقعه بماي وخل ولا شنو
يعني شنو بهارات الساقي وهي عبارة عن شنو وهل هي بهارات مطحونة ولا على عدالها وكم الفترة اللي يتنقع فيها الدياي
نجي للجدر احط كمية زيت مناسبة و بعدين احط البهارات العدلة ( فلفل اسود / ورق غار / دارسين / مسمار / هيل / كزبرة ) و احمسهم شوي بالزيت يا ما تطلع ريحتهم بعدين احط البصل و اقلبه يا ما يصير اشقر بعدين اضيف عليه الثوم ..ثم الدجاج ويا تتبيلته و بهاراته …اوكي
فيه كمية معنية ولا عادي
احرك احرك حوالي 3 دقايق يا ما اتحسين الدجاج صار لونه اصفر بعدين اضيف ملعقة صغيرة بهارات و ملح ..و اصب عليه ماي مغلي ( لا تحطين ماي بارد يخرب النكهة ) و خلاص اسكر الجدر و اخلي الدجاج يطبخ
لا خلص الدجاج اطلعه و ارش عليه بهارات شوية او كمون و ملح ..و احمسه بالدهن
المرق مال الدجاج اشخله و اكب العيش المنقوع مسبقا
الدقوس :
اولا احمس الثوم بالدهن ( حوالي 6 الى 7 فصوص ثوم ) يا ما يصير لونه اشقر بعدين اضيف الطماط 3 الى 4 حبات حسب الحجم ..بعدين احط شوي بهارات و ملح و اخلي الطماط يلين شوية و بعدين اضيف ماي و معجون طماط ..انا استعمل معجون هينز يعطي لون و كثافة بدون حموضة
الحشو :
نقعي الكشمش بالماي
بعدما اقص البصل احطه بالمقلاة مع شوي زيت ..و اقلبه بعدين اضيف عليه ( لومي مطحون / دارسين ناعم / هيل ناعم / 2 مسمار ) و اقلبه اقلبه ياما يصير لين ..بعدين اضيف الكشمش ..ثم نص فنجان ماي ورد عشان ينتفخ الكشمش و يكتسب نكهة
و اول ما ينشف الحشو احطه فوق العيش و اسكر الجدر عدددل ..او اغطيهم بسفرة
و السلام
مشكووووووووووورة وماااااااااااقصرتي على الوصف الأكثر من رائع واليوم بجرب طريقتج
علشان الطبخه تطلع حلوه
ونفسج بالطباخ أهم شي يكون لج خلق وأنتي تطبخين
مشكووووووووووووووووووره خبيرة أعشاب
انا ما اعرف اطبخ عيوش بصراحه
بس جم مره جربت
طلع حلو
بس مو وايد
ان شالله بتعلم من طريقة خبية اعشاب ^_^
مشكوووووووووووووره خبيرة اعشاب
ومشكووووووووووووره بعد سكن الروح ^_^
ماعلينااا وثالث شغله تختارين العيش البسمتي الزين اللي لاطبختيه تشمين ريحته تهبل حتي لووتسوينه مشخول يطلع اشزينه وريحته تبط الراس
والسمن اللي تستخدمينه نوعيته تلعب دور بالطبخ وطعم الطبخه يصير لذيذ
واختيارج للايدام نفسه الدياي الطري بالطبخ احلا الف مره من المثلج واللحم العربي بعد احلا من المهجن واحلا من الطلي الاسترالي
وطريقة التتبيل لازم تحرصين عليها علشان توصلين للنتايج اللي تبينها بالطبخ
كل هالامور تحطينها علي بالج قبل الطبخ وانشاءالله يفيدونج البنات بخبرتهم اكثر واي شى تبينه من عيوني الثنتين بساعدج فيه ياقلبي
و
انا تكفين ابيج تشريحيلي طبخه بالتفصيييييل الممل
لو سمحتي
ابي اسوي مجبوس دياي
والغالية نونو ياااااااااابعد عمري عساني ما انحرم منج ولا من نصايح ما قصرتي
أمس انا جربت طريقة خبيرة في الطباخ وطلع الأكل ريحته اتيننننننننننننننن خنينة خل اقول لكم شنو سويت :
ما مداني ارد البيت واتبل الدياي كنت منقعته فلما رديته غسلته ونظفته وحطيت البهارات اللي كانت عبارة عن :
مسمار*هيل*دارسين*زنجبيل المجفف*ورق غار*وفلفل اسود* طبعا كلهم على عدالهم مو مطحونين
حطيتهم بالزيت قليتهم شوي وبعدين حطيب الثوم وبصل مع ملح (لأني سمعت يقولون الملح يقوي ريحة البصل وفائدته ) وبعدين حطيت الدياي وقلبتها شوية وخليتها وبعدين حطيت عليها ماي شوية وخليتها لين ما شربت مايها وتالي حطيت فوقها ماي لين ما غطاها وحطيت فوقها بهارات مشكلة مطحونة شاريتهم من حبيبة اللي في المنتدى ريحتهم وايد حلوة وسكرت عليها بقصدير وخليته يطبخ
اوي شي على نار عالية وتالي خليتها على نار وسط
ورحت كملت طباخي
اما اللي طلع اييييييييييييييننننننننننننننننننننننننننننننن على طريقة خبيرة اعشاب الحشو
ابيه ابيه ابيه مووووووووووووووووووو طبيعي
انا اول كانت طريقتي في الحشو احط معاه كشمش وبصل ولومي مطحون وهيل بس لما سويت طريقة خبيرة وحطيت الدارسين طلع وااااااااااااااااااااااااااااااااااااااااااااااااا اااااااااااااااااااااااااو
اينن
خبيرة أعشاب مشكوووووووووووووووووورة وماااااااااااقصرتي
وبجربها مرة ثانية كاملة ومثل ما قالت جارة القمر والغالية نونو
بشتري رز بسمتي والبهارات
على فكرة من وين اشتري البهارات السنعة من وين
ومشكورين وما قصرتوووووووووووا
تبين المجبووس ماااطلبتي شى هذى طريقتي بعلمجياها وانشاءالله تسوينها خطوه اب خطوه وتاكلينها بالعافيه يااقلبي
الديايه تاخذينها تغسلينها زييييييييييييييين مازين من داخل وبره بتشوفين شغلات مثل الجبود الصغيره ودم يامد داخل بطن الديايه تغرفينهم وتقطييينهم
تالي تاخذين الديايه وتفركينها بالطحين من داخل وبره وتخلينها ربع نص ساعه تقريبا علشان تطير الزفره والطحين يمص الدم اللي بالديايه
بهالفتره انتي عندج ابره وخيط مزهبتهم علي كتر
وعندج بصل مقطع صغار صغار ومعاهم كشمش منقع تحطين عليهم شوي كركم دارسين مسمار لومي اسود وملح
طبعا كل اللي قلته لج تحطينه مطحوون
عقب النص ساعه اتييبييين الديايه وتغسلينها زيييييين عن الطحين وتحشين بطنهااا تترسينه من الحشوه هذى وتخيطين الديايه واتييبين جدر تحطين فيه ماي خالي وتقطين الديايه بالجدر تخلين الماي يغلي غلوتين بس مو وايد علشان يطلع الغفووو والزفره من الديايه
تالي ترفعين الديايه من هالماي وتحطين جدر العيش اللي بتطبخين فيه وتقطين فيه علبين دارسين وجم حبة مسمار وورق قار وشوي كركم وملح وتترسينه ماي
وتحطين الديايه فيييه وترزين الجدر عالجوله
وخلي الديايه تطبخ تطبخ وبتشميييييييين ريحة الماي تهبل وتبط الراس من زينهاااا
عندج العيش منقع وجااهز علي كتر
وتاخذين شوي بلاليط ( شعريه ) تحمسينه بالمقله لين يصير لونه بني فاتح موووووتنسينه وتخلينه يحترق ديري بالج
الديايه عقب ماتطبخ وتستوي ترفعينها من الماي وتحطينها بمشخال صغير علي كتر علشان ينزل منها الماي اذا بتقلينها بعدين مايطشر عليج الدهن واذا بتشوينها بقول لج شتسوين بعدين
المهممممممممم انيييي حق العيششش
بنفس ماي الدياي تكتين العيششش وتخلينه يقلب ويستوي وتشوفين العيش نظااا تمام وقبل مااتشخلينه كتي فيه البلاليط وحوسيه عالخفيف علشان يختلط العيش بالبلاليط
اتييين تكتين العيش بالمشخال وتاخذين الجدر تسوين فيه الفرقاعه وهي عباره عن حمسة بصل جوانح بالزيت والا الزبده انتي ومشتهاتج انا اسويها بسمن المراعي
عقب ماتحمسين البصله تخلين شوي منها بقاعة الجدر وتكتين عليها العيش اللي بالمشخال وباجي الحمسه كتيها فووق العيشششش وعندج مله صغيره منقعه فيها زعفران بماي الورد وترشينه علي العيش من فووق وحطي الحديده تحت الجدر وقصري عالجوله علشان يتسكر العيش براحته وغطي الجدر بقصدير وتالي حطي غطا الجدر
خلصتي من العيششش
تعالي حق الديايه اذا بتقلينهااا عقب مايروح منها الماي ترشينها بشوي دارسين مطحون وتقلينهااا بالمقله واذا تبينها بالفرن حطيها بالبايركس وقصي شوي بطاط حلقات وطماط حلقات سوي نص مكعب ماجي ذوبيه بكوب ماي وكتيه علي البطاط والطماط والديايه حطيها فوقهم وشوي من ماي الزعفران والهيل دهني الديايه من فوق وحطيها بالفرن تشوفينها لما تستوي تصير حمرررررره تهبل
ولاتنسين الدقووس
وعليج بالف عافيه ووقت النجاب تسلتين الخيط وتطلعين الحشوو من بطن الديايه بالقفشه وتحطينه حوالين الديايه وترزين الديايه بالنص وتعالي شووفي طبخج اشلون يصير يهبل
هذى طريقة الحشووو في بطن الديايه وتقدرين تسوينها بعد باللحم تاخذين لحمة فخذ والا ايد خروف وتشقينه بالنص وتحشينه
وعليج بالف بالف بالف هنا وعافيه يالغاليه
مشكووووووووووووووووووووووووووره
الله يعطيج العافيه
يزاج الله خير
وانظف بهارااات عندها