قوه بنات شلونكم ..
انا تعبت مع ولدي طق طقيته بهالداوه حاجيته بالفلفل جويته <<<<< ( خوش بيت شعر ) خخخخخخخ
صح اني ماستمريت على طريقة الفلفل بس ماكو فايده احس ..
ولدي الله يهديه من سمع ياهل يسب وجلب بالحجوه مو راضي يهدها … وشاف له واحد يتفل الله وكيلكم قام يغرد بالتفله كل يوم يا ربي شسوي بعمري يفشلني الطلعنا يتفل على الناس ويسبهم اذا زرت فشلني بين الحريم شسويله بالله .. ماني عارفه شلون اتعامل وياه يقولولي الطق ما ينفع وفعلا ماشوفه نفع طيب احاجيه صغير عمره سنتين واربع شهور يعني يدري انه الي مسويه غلط بس ما يبطل اذا شافني معصبه سالفة اني احرمه من الي يحبه بعده صغير مايفهم سالفة الحرمان والعقاب ..
بختصار شسوي بعمري ؟؟؟؟؟؟؟؟؟؟؟؟؟؟؟؟
شتصرف وياه ؟؟؟؟؟؟؟؟
مفشلني هالولد شتسوون مع هالحاله بنات ؟؟؟
الي عندها حل تفيدني لاني ياست .. وتسلمون ..
قوه بنات شلونكم ..
انا تعبت مع ولدي طق طقيته بهالداوه حاجيته بالفلفل جويته <<<<< ( خوش بيت شعر ) خخخخخخخ
صح اني ماستمريت على طريقة الفلفل بس ماكو فايده احس ..
ولدي الله يهديه من سمع ياهل يسب وجلب بالحجوه مو راضي يهدها … وشاف له واحد يتفل الله وكيلكم قام يغرد بالتفله كل يوم يا ربي شسوي بعمري يفشلني الطلعنا يتفل على الناس ويسبهم اذا زرت فشلني بين الحريم شسويله بالله .. ماني عارفه شلون اتعامل وياه يقولولي الطق ما ينفع وفعلا ماشوفه نفع طيب احاجيه صغير عمره سنتين واربع شهور يعني يدري انه الي مسويه غلط بس ما يبطل اذا شافني معصبه سالفة اني احرمه من الي يحبه بعده صغير مايفهم سالفة الحرمان والعقاب ..
بختصار شسوي بعمري ؟؟؟؟؟؟؟؟؟؟؟؟؟؟؟؟
شتصرف وياه ؟؟؟؟؟؟؟؟
مفشلني هالولد شتسوون مع هالحاله بنات ؟؟؟
الي عندها حل تفيدني لاني ياست .. وتسلمون ..
وأكثري الدعاء بين الاذان والاقامه
حبيبتي لدام عمره سنتين يعني توه لا تركزين عليه
خوفج التركيز على الشغله اهو الي يخليه يعاند ويزيد
او خلي ابوه يحمر العين عليه ترى الاولاد دايما يهابون ابوهم اكثر من امهم وايد انا عيالي جذي
يعني اذا سبج بالبيت اول شي .. تقولينله هذا عيب وانت ضايقت ماما وعلشان جذي لازم تقعد هني .. وتقعدينه بغرفة بروحه مو غرفته اللي فيها العابه لا مثلا اتقعدينه بالصالة بس اتطفين التلفزيون وتخلين الباب مفتوح والليتات طبعا …
اهوه مو تخويف بس عقاب …
وعقب فترة قولي 5 دقايق روحيله قوليله اذا تأسفت بتطلع وان ما تأسف خليه بعد 5 دقايق …
او حرميه من شي يحبه مثلا التلفزيون او اللعبة اللي يحبها خشيها عنه وقوليله اذا تأسفت وصرت عاجل مثلا بعطيك لعبتك او بشتريلك شي يديد ؟…
والله يهديه انشالله
وخلي بالج مو منتبهه لكن اذا اصر على انه يعاند وتفل او يقول كلام وسخ جدامج حمري العين واخذيه ووديه للدار بروحه
دير بالج تطقينه جدام احد حتى جدام الخدامه علشان لا يفقد ثقته بنفسه
وكلمينه قولي له عيب وتفلي جدامه وطقي حلجج واذا ما خاف ولا اهتم اهني طقي على حلجه
ولا تتهاونين بالموضوع علشان لا تفقدين هيبتك
بس ترى سنتين ونص صغير وما يعرف انه اللي قاعد يسويه عيب ولا تركزين وايد وتجاهليه … والله كريم
انا بنتي الله يهداها تعلمت لها كلمتين ودايم وتقولها بالصاعده والنازلة ومتجاهلتها تمتم بس اذا مصختها اقول لها انا زعلانة وما اكلمها بس الشرهة مو عليها على الكبير اللي علمها
قوليله كل مرة اتسوي جذي تقعد اهني بروحك .. وعقب ما تخلص المدة خليه يبوسج بدال آسف < يمكن مايعرف يقول آسف ليلحين ؟
هاذا اللي اعرفه يمكن ايفيد وياه ؟
Ignore طنشييييييييييييييه خل يصرخ مرده بيطخ تحملي هل 5 دقايق وان ماتأسف عطيه بعد 5 دقايق ترى والله اليهال اذكيا ويفهمون لي درا انج منتي راده عليه لو يشيل الدنيا ويقعدها بيطخ ويتأسف غصبن عليه
(انا مجربه مع بنات المدرسة اللي تتشيطن اقعدها بزاوية بروحها واكمل شرحي مع البنات ولا جنها موجودة مرات تبجي او تعلي صوتها علشان انتبه لها بس احقرها بعدين تتأسف بروحها اهوه عقاب معنوي مو مادي)
وبالنسبه للعقاب جربت احطه بغرفه بروحه بس مايفهم يعني اذا دخلته الغرفه يطلع منها وارد احطه احس انه مو فاهم يحسبني العب وياه مع اني اعبر له بويهي ايني معصبه ومو راضيه … حطيته بدار ووقفت ورا الباب هم نفس الشي يبي يفج الباب واحاجيه اقوله انت سويت كذا وكذا بس هم مو فاهم واذا طع اقوله قول اساف يقولها بعد 10 قايق رد سب مره ثانيه ..
انا وحده قالت لي ان عقاب الغرفه يصلح من 3 سنين وفوق صاجه انا ولدي بعده صغير عليه …
تصدقون انا قلت بتبع معاه اسلوب الحقران اذا سمعته يسب ولا يتفل اسوي روحي جني ما سمعته عشان يبطل انا احس هالاسلوب راح ينفع وياه .. شكلي بجرب هالاسلوب واشوف النتيجه وان شاء الله تنفع ..
وتسلمون على الردود بنات ..طرقكم حلوه بس يبيله ولدي يكبر شوي واطبق ..
علميه اذا ماتفل وسب واحنا رايحين مكان بعطيك هديه عشان انت حلو وشاطر والناس تحبك
واذا كلش كلش مافاد لاتودينه معاج مكان
عاد مشكله اليهال الي جذي
الله يخليلج ياه انشالله
انتي ييبيله زوليه ( سياده ) ملونه او لونها غير الارضيه
كل ما سب وسوا اي شي غلط حذريه اول مره
قوليله فلان لاتقول جذي واذا قلت مره ثانيه راح احد على هالزوليه
واذا عادها مسكيه من ايده وقعديه على الزوليه وقوليله اقعد اهنيه لانك سبيتني وانا قلتلك تسكت بس ماسمعت كلام ماما
دام عمره سنتين خليه على الزوليه لمده دقيقتين وبعدها روحيله
ونزلي لي مستواه ( لالالالالالا تكلمينه وانتي واقفه كلش كلش ) وطي صوتج وقوليله انا خليتك تقعد اهني لانك سويت جذي وجذي وماسمعت كلام ماما
والحين قولي اسف علشان تروح تلعب
وحطي عينج بعينه وانتي تكلمينه واهوا يقولج اسف
بس مو من اول مره تقوليله تعال اقعد على الزوليه لا
اول ماتييبينها ناديه وقوليله فلان انا يبت هالزوليه حقك علشان اذا ما سمعت كلام ماما راح تقعد فيها
واذا كنتي متضايقه منه او بتحذرينه من شغله اهو سواها نزلي لي مستواه وغيري نبرة صوتج خليها واطيه
وانشاءالله راح يفهم عليج
لان اكثر اليهال اللي بالبرنامج كبر ولدج واصغر واكبر
الله يحفظه ويخليه لج انشاءالله
بس ديري بالج لاتخلينه بغرفه بروحه على انج تعاقبينه هذا للي عمرهم اكبر منه
يعني اذا عندج اعيال اكبر من 4 او 5 سنين وفوق عاقبيهم بغرفه بروحهم.. لو سووا اي شي ما اعجبج
وصدقيني هالكلام اهو اللي بخليه يعرف ويفهم انج مو راضيه بللي يسويه او يقوله
يعني لاتحقرينه.. لانج اذا حقرتيه بيقول امي ماقلتلي شي يعني اللي انا قاعد اقوله مو غلط!!!
جربي معاه هالطريقه ومشاءالله وايد فادت العايلات اللي كانوا بالبرنامج
وانشاءالله تنفع مع ولدج اسم الله عليه
بس مادري اذا ولدج تنفع معاه او لا لان جنى صغير ؟
يبي ورقه وقلم وحطي اساميهم
وقوليلهم اللي يسوي شي صح ويسمع الكلام بحطله صح .. واللي يسوي شي غلط ومايسمع الكلام احطله غلط .. واخر الاسبوع او لما تخلص الورقه لي اخر شي اللي عنده صح وايد بشتريله هديه او اوديه مكان يلعب ..
انا سويتلهم جذي واستانسوا الحين صايرين هادين مشالله جنهم صج ههههه
بس طبعا لا تقصين عليه واشتريله صج شي حتى لو من بو 100 فلس المهم انج ماجذبتي عليه