بنتي تقلد بنت مرت حماي بكل حركاتها الغلط شسوي حدي متضايقه :(

السلاااااام عليكم

بنتي حبيبتي عمرها سنه وشهرين فديت روحها توها تمشي ..

المشكله يابنات بنت حماي .. عمرها سنه و8 شهور .. والله يابنات كل حركاتها غلط الله يهديها يارب

سلبياتها ………..

البنيه مدلعه حيييييل وحننانه وعلى كل شي تبجي .. كل شي تبيه ..

وتلحس النعول تكرموووون .. <<– وبنتي على طول النعل اللي يمها

وتحذف النعول علينا وعلى امها .. وامها تدرون شنو رده فعلها .. تقول شوفي بنتي احس جنها تخيرني يمه تبيني احذفج باي

نعل ؟؟؟؟؟؟؟؟؟؟؟؟؟؟

وتطق راسها بالارض .. <<– وبنتي وولد حماي وراها

وتصعد على الكنبات وتركض ..

تلعب بصينيه الجاي والقهوه وتحوس وتوصخ .. امها تقووووول يالله تقهوو بسرعه عشان نشيل الماعين

تطق بنتي تسحب شعرها لما يسير بيدها وتطق ولد حماي الثاني وتسحب شعره .. <<– امها تسوي روحها ماتشوف شصاير

حتى لو انزل لعبه حق بنتي واهي عندها نفسها تاخذ العبتين .. اخذ لعبه بنتي تسوي مناحه وجني ذابتحها وامها ولا جنه شي

صاير ..

تفصخ ملابسها وتمشي بس بتبانتها عادي .. نقولها لبسي بنتج تقول لا اهي ماتبي .. وعمام البنيه حتى اللي مو عندنا بالبيت موجودين ..

تنزل وجنه ماعندها مشط ببيتهم اسم الله عليها البنيه شعرها خشن وفوق هذا ماتمشطه .. وكله تعيب على بنتي شعرها ناعم
جنها سيلانيه ؟؟؟؟؟؟؟

امها تنادي السايق وتقوله اخذها افتر فيها شوي <<– قلت لها امبيه شلون تعطينيها السايق .. قالت ماراح يسويلها شي
عادي كل يوم اخليها تنزل عنده

ادري بتقولون يااااااهل وكل اليهاااااااال جذي ..

انا مو متضايقه من حركات البنت اللي مضايقني امها ماتتحرك ولا تسوي شي كللللش ..
وحمواتي نفس الشي ..

ياعالم الطفل من متى نبدي نعلمه ؟؟؟؟؟؟؟؟؟؟؟؟

انا بنتي من وعمرها 8 شهور اذا راحت للكهربا اطق ايدها على الخفيف .. تسحب الشعر نفس الشي .. لازم تكون عندي

رده فعل لو بسيطه والحمدلله والله لايغير على بنتي هاديه والله هاديها ..

انا واهي تزوجنا مع بعض وكانت حيل قريبه مني فوق ماتتخيلون بس كبرت بنتي تغيرت علي حييييل .. اذا كنت مكشخه

بنتي لازم تعيب عليها ولبسها مو حلو وشكلها مو حلو وشعرها ..واذا لبست بنتي بجامه قامت تمدحها وليش ماتلبسينها جذي

بالزواره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عجيب والله

مع ان بنتها كلش مو حلوه وشعرها خشن ولبس بنتها دايم بجايم وشكلها غلط عمري ما علقت عليها وعمري ماقلت لها

لبسي بنتج انا شكووووووووو .. وكل ما قالت يوووووه والله لما يكون شكل بنتي غلط الكل يشوفها ولما تكشخ ما يكون في

احد …… انا عندها بالبيت ما اشوف بنتها مرتبه كلش واهي بس تحلطم ..

واللي مضايقني اكثر فيها انها كانت وايد تحش بمرت حماي الكبير .. تقول طالع بنتها شعرها شوشه تقول

ماتقدر عليها امسكيها غصبن عنها .. وكانت وايد تزف مرت حماي الثاني على بنتها .. وتقولها لو طقيتي ايدها ماراح تموت..

ياربي بنتها الحين كل حركاتها غلط واهي ما تتحرك واول طايحتله حش بالمره وتزفها كل ماتنزل وماتصعد الا واهي

متضايقه ..

واللي يقهرني ان ولد حماي اذا طق بنتها فزت من مكانها يمه بنتي .. انت تطق تطق وما تخلص .. وبنتي بس تمر عند بنتها

قامت بنتها وسحبت شعرها .. تدروون شتقوووووووووول ؟؟؟؟؟؟؟؟؟؟

والله بنتج تحرش تستاهل الطقه اللي جتها ..

امبييييييه ترفع ضغطي ما ابي اتجادل معاها على سوالف يهال ماتسوى احنا اكبر من جذي بس جد انا وصلت حدي ..

حتى لو بنتي تبجي واشغلها اغنيه بتيلفوني عشان تسكت .. تقوم بنتها تبجي تبي التيلفون .. تخيلووو حماتي تاخذ بنتي عشان

تلهيها ويعطون البنيه التيلفون .. ونفس الشي اللعبه .. اعطي بنتي لعبتها تلعب فيها تقوم تبجي بنتها ياخذوون بنتي يلهونها

ويعطونها اهي اللعبه .. انزين علموها ان في اشياء لها وفي اشياء لغيرها .. البنيه عندها كل شي حقها ..

البنت ما تعرف في اشياء لها وفي اشياء لغيرها .. كل شي حقها .. لاتقولولي صغيره وماتفهم ترى انتحر ..

كل مانقولهم شي قالو صغيره صغيره ما تفهم ..في شغلات وايد ماقلتها روحاتها للدوانيه ولازم ابوها يفتر فيها كل يوم
بالسياره .. وغير كبت خالتي اللي تفتحه وتطلع كل اغراضه غير المطبخ والمواعين اللي تطلعهم وامها ما تتحرك ..

شلووووون اتعامل معاها اهي قريبه مني بكل شي لاني انا ما انتقدها وساكته عنها ..وبعدين علاقتي معاها يوميا

يعني ما ابي يسير بينا توتر عشان يهااال .. ما ابي اكلمها بس ابيها تفهم وتتحرك ..على الاقل تأدب بنتها تعلمها ان

في اشياء بهالعالم غلط .. مو كل شي تسويه صح .. والله اطق بنتي وبنتها تسوي نفس الشغله اطق بنتي واشيلها تقعد تبجي
وتشوفها اهي تسوي هالحركات ومحد يقولها شي

اللي مجربين هالشغلاااااات يفيدوووووني ..