بنتي والامساك

شوفي حبيبتي بنتي نفس حالة بنتج واستخدمتلها العلاج التالي والله ثم والله علاج روعة والحين الحمد لله كل شي تمام

تيبين الرطب (التمر) وتنقعيه بالماي ليلة كاملة وتخليها تشرب الماي بالرضاعة على ريقها اول متصحى الصبح وكثري من عصير البرتقال يعني كل ساعة او ساعتين عطيها عصير برتقال

واخلطي عصير البرتقال مع الموز وخليها تاكله

ودائما حاولي تضيفين الشجر على اكلها يعني شوربة شجر……….. والخ
وان شاء الله تشوفيها تحسنت
الله يعافي ويشافي كل اولادنا امين يارب العالمين

ما تشوف شر الصغيرونه

لازم تعرفين السبب الرئيسى امساك مزمن !!من نوعيه الحليب يمكن !!

جربى تعطينها تحاميل الجلسرين موجوده بالمستوصف واذا ما قدرتى ممكن تشترينها مو غاليه

اتوقع اكثر من 20 تحميله بحدود ال900فلس تقريبااا

وسلامتها حبيبتى عطيها عصير برتقال فريش ,,

تعطينها يانسون يوميا؟

حبوبه شربيها ماي الرطب .. نقعي الرطب بماي دافي بعدين حطيه بالخلاط و عطيها تشربه وايد زين ومجرب ع اليهال

او اذا ما تحب تشرب هالاشياء سوي لها خضارسوتيه حطي فيه جزر و كوسا بس من غير بطاط وباجي الخضار و انشالله راح يمشي بطنها او تقدرين تحطين كوسا و جزر مع العيش و تعطينها …

حبيبتي انا ولد عمي بيبي صار معاه جذيه بس غيرت امه حليبه قامت تعطيه حليب صويا لانه نباتي مو مصدره حيواني و فيه كل المكملات الغذائية لا تحاتين ان يصير بالصغيره نقص او شي سالي الطبيب عنه قبل اذا خايفه بس لا تحاتين حتى نومه الولد تعدلت و راح عوار البطن و الغازات لان هذا كله من الحليب الحيواني دسم و ثقيل على معدة اليهال حرام جربي لو يوم واحد فيه نوع يسونه من العيش لا اضيعين بين الاثنين انتي اخذي الصويا و في منه على نكهات كاكاو و موز و فراولة

امس تكلمت مع امي على سالفة بنتج لان الله يسلمج من بنتي كان عندها امساك امي الله يخليها كانت تسوي لها اكل وتعطيها وباليوم الي امي تطبخ فيه لبنتي بطن بنتي تكون زينه بالمختصر امي تسلم عليج وتقول اعطيها مي لحم يعني يبي لحم فيه عظم مثلا رقبة خروف او ضلوع وفوريها وخلي فوقها شوي ملح واعطيها لبنتج

الله يشافيها

مشكوره ….يا رؤى القلوب …ومن اليوم بسويلها