بنتي والحضانه شسوي؟ شالحل ؟؟

لرفععع

ربي يهديهاااا

انا بناتي جذي لما اوديهم الحضانة بجي الصبح بس من ارووح 10 دقايق تسكت و تلعب

عاادي تعودت اخر شي

والنسبة لي بالحضانة ولا مع الخدامة

اذا الحضانة اهتماامهم عيل خليها اتعود

بوسيها ولميها لما تعطينها للابلة ]
وآنا مريت بهالتجربة في البداية قلبج بيعورج وبتحاتينها لكن بعد فترة بترتاحين واهيا بتستانس وبتخلط مع اطفال وبتتعلم

اهم شي انج لما تاخذينها بالهدة حاولي تلعبين معاها وتعوضينها عن الفترة الي كانت فيها تبجي

وانشالله حضانتها تكون زينة ويقدرون يخلونها تتاقلم معاهم بسرعة

آنا ما أدخلهم حضانه قبل مايكملون على الأقل سنتين و3 شهور
ومايهمني أوديها نص ساعه أول اسبوع
شوي وآخذها

الله يطمن قلبج ، لكن أنصح إن تخلون الأطفال شوي يكبرون ويشوفون كارتون أو برامج عن المدرسه والحضانه
كان في عنتدي فيديو بارني : اسمه : بارني جوز تو سكول

وهم أحسن تودينها شوي وتاخذينها بسرعه في ابدايه ،،

وانتي أم وصدقي قلبج وحدسج

لا تصدقين كلام الأبلات والموظفات

إذا عندج إحساس إن المكان مو زين أو في شي مزعج للبنت ،، طلعيها .

للاسف مانفعت وايد محاولات معاها المشكله اليوم من الصبح نو نو سكوول والبسها ماتبي تلبس لااا تصارخ طول الطريج اقولها انا وياج بدش لاا ما ابي ووصلنا لزقت فيني ماما مسكيني شيليني اقعد وياها ولازقه ماتحرك اقولها بس بروح حمام لاا تبجي تلزق ولا هدتني ولا اقدر انحاش منها الحاله صعبه شالحل خذيتها وردينا البيت بعد محاوله ساعتين فشلت المحاوله

بنوكه حبيبتي انا دخلت بنتي الحظانه لمن كملت سنه وكانت نفس بنتج الصبح ياخذونها يكونون يلعبون بالالعاب اللي بره وانا اقعد بالسياره منزله الجامه واسمع بجيها من وره السور وقلبي يعورني انطر 10 دقايق لمن تسكت اتصل على المدرسه واسألها سكتت والا ليلحين تبجي اشوفها تقول الصج والا لا
كانت اول اسبوع جذي بجي وتخيلي لمن اخذها تنام بالسياره وتناهد معناته طول الوقت كانت تبجي كنت حدي متأزمه منها واحس بالذنب بس بعد اول اسبوع ما اسمعها تناهد لمن اخذها شوي ارتحت .قمت احطلها اشياء تحبها حق الاكل مثل (البفك- زيتون شرايح-كانت ادمان معمول تمر الحين كرهته – رمان) .احطلها شوي عشان تستانس وتحب المدرسه والحمدلله تحسنت وايد الحين بيصيرلها تقريبا سنه . وعلى فكره كنت ادخل عليها فجأه الصف لمن اخذها عشان اشوف شتسوي او اطالعها من وره الباب بعد اول اسبوع ماكانت تبجي بس لمن تشوف ويهي تمد ايدها حقي وتبجي ظلت اسبوع او اسبوعين جذي بس بعدين تحسن الوضع وقامت تحب المدرسه الحين تمسك لبس المدرسه بالبيت وتحن سكول وسكول

وبنتي مسجلتها في حظانه رينبو بالسلام بس طبعا السنه اليايه تكمل سنتين سجلتها بريبورن