.gif "Eh S(2)")
السلام عليكم ..
بنات انا بمعاناه مايعلم فيها الا رب العالمين لاني عايشه بقلق مو طبيعي وحاسه نفسي خلاص مو قادره اتحمل اكثر ..
بنتي عمرها سنتين ونص من 4 شهور ياتها سخونه وشوي شوي تحول الي التهاب صدر علي حد قول الطبيب ومن ذاك اليوم ولين يومنا هذا والبنت تعاني من اي ريحه واي هوا لو تركض شوي خلاص تبدا تكح وصدرها يطلع منه صووووت وتبدا تختنق من الكحه امس نايمه كانت وفجاه مافيها اي شي بدات تكح بقوووه وفزت من نومها كحه وخنقه ومارد لها نفسها الا لما عطيتها البخاخ (فنتولين) وبس الصوت والكحه للحين وانا والله الليل قمت مانام اخاف تختنق تعبت نفسيا واحس اني ضايعه ماعرف اتصرف لان اول مره تمر علي حاله ربو ..
قبل اسبوع وحده شافت بنتي قالت لي الله يعينج ممكن تختنق وماتلحقينها للطوارئ الربو يمووووت انا هني خلاص احس الدنيا اسودت بويهي وانا اصلا كنت توني مطلعتها من المستشفي قعدت 4 ايام علي البخار كل ساعه لين شوي صارت احسن ..
انا من يوم ماتمرضت بنتي لابخرت البيت ولا نستعمل عطور ووقت الطبخ اخليها بغرفه بعيده عن الريحه ومدفيتها دايما وكنت ادهن صدرها بزيت بس طلع لها حبوب وقفت الزيت مع انه مافرق معاها وايد ..
الخلاصه بنات انا تعبانه نفسيا بسبت هالربو الله يخليكم بنات اللي عندها معلومه تفيدني فيها الله احس اني انتهيت وتلفت اعصابي وكرهت الدنيا حتي طلعه ماطلعها اخاف تتمرض ولما بيزورنا احد انبه علي سالفه العطور شسووووي بنات بليز ساعدوني
سؤال اخير ووايد يهمني فيه امل لما تكبر يخف ولا كل ماتكبر يقوى ومشكورين
بنات انا بمعاناه مايعلم فيها الا رب العالمين لاني عايشه بقلق مو طبيعي وحاسه نفسي خلاص مو قادره اتحمل اكثر ..
بنتي عمرها سنتين ونص من 4 شهور ياتها سخونه وشوي شوي تحول الي التهاب صدر علي حد قول الطبيب ومن ذاك اليوم ولين يومنا هذا والبنت تعاني من اي ريحه واي هوا لو تركض شوي خلاص تبدا تكح وصدرها يطلع منه صووووت وتبدا تختنق من الكحه امس نايمه كانت وفجاه مافيها اي شي بدات تكح بقوووه وفزت من نومها كحه وخنقه ومارد لها نفسها الا لما عطيتها البخاخ (فنتولين) وبس الصوت والكحه للحين وانا والله الليل قمت مانام اخاف تختنق تعبت نفسيا واحس اني ضايعه ماعرف اتصرف لان اول مره تمر علي حاله ربو ..
قبل اسبوع وحده شافت بنتي قالت لي الله يعينج ممكن تختنق وماتلحقينها للطوارئ الربو يمووووت انا هني خلاص احس الدنيا اسودت بويهي وانا اصلا كنت توني مطلعتها من المستشفي قعدت 4 ايام علي البخار كل ساعه لين شوي صارت احسن ..
انا من يوم ماتمرضت بنتي لابخرت البيت ولا نستعمل عطور ووقت الطبخ اخليها بغرفه بعيده عن الريحه ومدفيتها دايما وكنت ادهن صدرها بزيت بس طلع لها حبوب وقفت الزيت مع انه مافرق معاها وايد ..
الخلاصه بنات انا تعبانه نفسيا بسبت هالربو الله يخليكم بنات اللي عندها معلومه تفيدني فيها الله احس اني انتهيت وتلفت اعصابي وكرهت الدنيا حتي طلعه ماطلعها اخاف تتمرض ولما بيزورنا احد انبه علي سالفه العطور شسووووي بنات بليز ساعدوني
سؤال اخير ووايد يهمني فيه امل لما تكبر يخف ولا كل ماتكبر يقوى ومشكورين
انا تدرين بنتي من تمرضت ماسك فيها حتي اني مستغربه يعني مريض الربو عمره كله تعبان ولا شالسالفه ماطابت البنت وكل شي يسبب لها الازمه والله ماعرف شسوي حتي البنت ملت من البيت من الحبسه ماطلعها
اهم شي الوقايه اي شي يشيش الربو عندها وخروا عنه .. ترا ساعات الاثاث
نفسه الفراش المخده القنفات ممكن يزيدون الحاله
الربو مرض مزمن ما يروح لكن ممكن تسوون عليه كنترول و تعيش البنت حياه طبيعيه انشالله و اللي قالت لج وفاه و مادري شنو الله يهداها ماكان المفروض تقولج جذي و ترا الربو وايد منتشر بين اليهال من كل ٨ يهال ٢ فيهم ربو يعني ماكو الا العافيه انشالله ،،، و خلي ادويتها معاج على طول عشان اذا صار ماصار الا الدوا معاج
و اذا الركض و الهوا يشيش الربو مادري اذا يصير حق الصغار ولا لا بس حق الكبار ياخذ دواه و يروح يمارس حياته طبيعيه يركض و يسوي كل شي انتي سالي دكتور عن هالنقطه بعد ياهل اكيد تبي تركض و تلعب قوليله يصير اعطيها دواها قبل ما تلعب اذا اللعب في مراكض و حوسه يعني حتى لو ما كان فيها شي
انا سالت الطبيب قالي عطيها بختين قبل ماتلعب وان شاءالله مايصير لها شي بس اللي محيرني متي يفج عنها شوي يعني من طاحت ماطابت بخاخ متواصل كل يوم ومن اسبوعين صار كل 4 ساعات لها بختين امس اختنقت عطيتها 6 بخات كل 4 ساعات ..
عندي طفلين وكلهم فيهم ربو انتي اهم شي اهتمي بعلاجها
ولاتعطينها بعض الاكل اللي يزيد الربو وافضل شي تسالين طبيبها
احسن وترا محتات الشي يزيد ويكبر بنظرج خليها على الله
وان شالله كل شي بيد الله سبحانه الله يشافيها ويشافي الجميع
حبيبتي الطب في تطور ولاتسمعين كلام اللي يخرعونج استغفرالله
انصحك حبيبتي في الدكتور
عبدالله فرحان العويد
استشاري طب الاطفال وامراض الجهاز التنفسي
23843131-23843636
لاتحاتين ومثل ما قالولج البنات الربو والكمامات عادي وبكل بيت واغلب اليهال يعانون مع عيالهم تدرين ذكرتيني بنفسي مع اول ولد وكان عمره اربع شهور وكنت مثلج والله ابجي بجي لما قالولي كمام وانه معاه ربو وكنت ما انام بليل اخاف يصير فيه شي وانا نايمه وطبعا رايحين رادين على مستشفى المواساة حنى الدكاتره احفظونا لما شوي شوي تعودت وعرفت انه كل اللي حولي جذي وقالي الطبيب انه راح يخف لما يكبر وقمت لما يتأزم اعطيه دواه طبعا واتوكل على الله لما وحده يزاه الله خير قالتلي على الزعتر تشترينه من العطار وتنقعينه بماي حار وتحلينه بعسل وتعطينها كل يوم مرتين او ثلاث مرات حتى لو بالابره مالت الدوا يعني 5 مل او 10 مل كل مره اللي تقدرين عليه والله ارتحت وافتكيت من الكمامات والولد ولله الحمد مايطيح وايد وحتى اخوانه اللحين اعطيهم حتى لو مافيهم شي وكل يوم وقمنا نسميه عصير وحتى وانا وابوهم نشرب معاهم
الله يشفيها ويطمن قلبج عليها يااااارب