بنتي و المصاصة!!!

يا حياتي خليها تمص المصاصه

بقولج سالفتي يوم اني عنونه

الله يسلمج انا واختي الوحيدين بين كل اخواني الي نمص اصبعنا ,, لي عمرنا سنتين تخيلي

يعني سنتين واحنا ما انام إلا واصبعنا بحلجنا لوول

عاد امي قالت لازم اخليهم يهدونها و من تسحب اصبعنا عاد تعالي شوفي ,,

المهم شسوت ماماتي الله يحفظها ؟

قامت حطت على اصبعنا ليمون ,, او دوا ازرق او لفت اصبعنا بالبلاستر الي يصير خام ,,

ومرة على مرة لين بطلنا :d

والحمدلله

فوز انا ولدي 10 شهور ونفس بنتج اذا طاحت من حلجه يصيح ولما باقطعها كيفه خل يبجي اسبوع ولا اسبوعين لين يتعود ولا مصة الصبع

آنا بنتي عمرها6شهور ماتنام إلا المصاصة بحلجها بس حاليا مافكر أقطعها لأنه بنتي وايد تحن وتبجي وآنا موظفة وأبي أنام ماكو إلا المصاصة أحس إنها تريحها

مع تحيااااااااااااااااااااااااتي

انا ولدي المصاصه بحلجه 24 ساعه

بس بصراحه مريحتني

فوز حالة بنتج سهله انشالله لأنها صغيرة تقدرين اتعودينها … أهم شي لي بجت لا تعطينها لعبيها ولهيها او رضعيها .. لا تعطينها المصاصة الا وقت النوم ولي نامت شيليها شوي شوي من حلجها ..

عيل خل اقولكم عن تجربتي مع بنتي …
كانت اسمالله عليها حناااااااااانة وعسرة خاصة بالليل ولأنها ترضع مني فكل شوي تقوم .. ومن يبتها وانا احاول اعلمها على المصاصة ماتبيها لين علمتها عليها وعمرها 6 شهور تخيلو (الناس يقطعون عيالهم منها بهالعمر وانا اعلمها ) ..
بس كنت مستحيييييييييييييييل احطها بحلجها اذا كانت ساكته .. او قاعدة تلعب .. او عموما مو قاعدة تبجي ..
حتى لو بجت بوقت غير وقت النوم ماعطيها ..

لأني شايفة عيال حماتي 24 ساعة المصاصة بحلوجهم وبنتها عمرها الحين 3 سنين والمصاصة بحلجها ومن جذي نطقهم بطييييييييييييييء .. بنت حماتي ماتحجت الا وعمرها قريب ال3 سنين لما دخلوها الحضانة وشافت اليهال وحجيها حجي بيبي يعني بابا وماما وغدا وتعالي بس .. وليلحين ماشالله بنتي تتحجى وايد احسن منها مع ان بنتي اصغر بسنة .. والولد ماشي على خطاها عمرة سنة ونص ولا كلمة حتى ماما وبابا مايقولها لأن المصاصة على طول بحلجه حتى وهو ساكت ويلعب ولي شالوها يصرخ لأنه تعود عليها خلاص ..

اوكي طلعت عن الموضوع بس علشان تعرفون شيصير اذا الياهل تعلق فيها وايد ..

نرجع حق محور حديثنا ..
عودت بنتي على المصاصة بس متى اعطيها ؟ اذا كللللش بغت اتنام داخت حدها .. يعني بالاول ادبخها وارضعها لين كلللللش اتدوخ واعطيها المصاصة اتمصها 10 دقايق ومن تنام خلاص اشيلها من حلجها .. علشان تتعود تنام بدونها .. ولي قامت تبجي بالليل احطها بحلجها نفس الشي 5 دقايق لين ترد تنام واشيلها ..

واخشها عنها طول اليوم ولا تشوفها .. ولي شافتها وبغت اتجربها على سبيل التجربة اقولها لا هاذي ويييييييع مصاصة ويييييييع .. قامت حتى لي شافت عيال حماتي اتقولهم ويييييييييييع قطوها وييييييع …

وقطعتها عنها وعمرها سنة ونص بس ماقمت احطها بحلجها لي نامت كلها يومين كانت اتقوم فيهم ومو وايد بعد كنت اعطيها ممية ماي بدال المصاصة بعدين حتى الممية ماقامت تبيها وكلللللش ما تعبت معاها لما قطعتها اصلا ماحست فيها ولا طلبتها ..

انا بنت اختي كانت مأذيه امها 24 ساعه مصاصه بحلجها امي كانت تحاتي تقول المصاصه تأثر على الاسنان بعدين وشكل الفك ترى موزينه لانه اختي كانت اول شي مصاصه ولما كبرت اصبعها تمصه لعمر 9 سنين تخيلوا الحين فكها شوي لي جدام مو شين وايد بس كان احسن لو انه طبيعي

المهم امي شوست يابت مره ونقعت فيها المصاصه ههههههههههه صار طعمها أرف
بروحها بنت اختي بس ذاقت الطعم لا تشوفون ويهها قطتها واطالعها ساعه تردها وتقطها ليمن نستها