بننج-ماليزيا هذي الجزيره فيها رحلات؟وبعد فيها

حبيبتي بننق فيها رحلات بعد انا اصلن بلنكاوي رحت رحلات البحر ورحت رحلات الي بالجزيره بس مو كل شي
بس بننق فريت كل رحلاتها الي بالجزيره رحت الفواكه والتوابل والقرود والزهور والمتحف الاسلامي والكرتون والفراشات ومممممم نسيتهم بعد شنو بس بصراحه ماحبيت ولاشي منهم غير الكرتون خخخخخخخ الفراشات خفت منهم والتوابل ملاغه عندي والقرود هم ملاغه يعني ماكو شي ممتع والفواكه زوجي مستانس بس انا ماحبيتها ما احب مكان فيه حشرات
والفندق انا حجزت بتريدز هو وفندق قولدن ساندس نفس الشي بس قولدن على البحر وتريدز داخل عند السوق وانا عجبني عند السوق اكثر لان البحر كنا حاجزين تكسي ويينا الصبح ياخذنا لرحلات البحر الجتسكي وهالسوالف وفي خدمه بفندق تريدز ليش انه مع قولدن ساندس واحد انج تروحين لشاطئ الفندق ويعطونج فوط وكل شي بس تورينهم كرت تريدز والصراحه فندق تريدز روووووووووووعه احنا خذينا الديولكس الغرفه حلوه ونظيف وريوقج يكون فوق مو تحت لا يكون بقسم بس الديولكس ياكلون فيه فمايكون لويه ولازحمه وبعد كل يوم من الساعه 6 لي 8 في كوكتيل يكون حاطين عصاير وكوفيات وبوفيه صغير حتى للي حاجزين ديولكس وبعد لازق بالفندق مجمع نسيت اسمه بس كبيييييييييييير وفيه مطاعم وكل شي يعني بالنسبه لي الفندق مكانه احلى من الي عند البحر
وبالنسبه للبيبي ما اعرف والله بس الاحسن خليه بالديره والله حرام يتبهذل