بني نسمع اراي ربيات البيوت والكل مرا عندها خدامه

مشكوره يا اختي الله يشهد علي اني اعاملها بما يرضي
ربي والحمد الله
بس مرات ودي اعرف تاخذون الخدم معاكم في مجمعات او بس ستي سنتر

سيتي سنتر والبحر مثلا ..

وعادي نشتري لها لو شي يديد وبسيط
واذا تعشينا نطلب لها ويانا .. لان في ناس مايخافون الله يحرمونهم

صراحه انا ماوديهم الا طلعات البر والبحر لان كل بدايه شهر اخذهم اوديهم الصباح بعد ما اودي اعيالي المدارس يطرشون فلوسهم بلادهم بعدين اشاورهم اي مجمع يبون يتشرون لهم اغراض ناقصتهم وعاداتا يختارون مجمعات الهنود اتركهم تقريبا ساعه بعدين اتصلهم يطلعون اردهم البيت وبسبب هالاسلوب اللي الكل منتقدني عليه الخدامات متمسكين فيني كل ماسافروا اجازه ارجعو عندي 00واهم بالنهايه بشر وكل خدامه كانت سيده في بيتها بس الظروف القاهره خلتهم خدم بس مو عبيد فاكيد لهم متتطلبات واهم بالنهايه نساء مثلنا ويحبون التسوق وحاليا عندي ثلاث خدامات ودايما يقولون لي مالقينا حد يعاملنا مثلج منهم واحده اسلمت وانشالله الباقي بشاير خير 00واسمحولي للاطاله

على حسب طلعتي
اذا مجمع فيه مكان ألعاب أوديهم معاي نلعب اليهال وأتسوق
وأشتري لهم شغلات بسيطه

والمطعم نتعشى مع بعض يطلبون اللي بخاطرهم

اذا معاج صغير مافيها شي لو خذذتيها

بس انتي لاتفتحين عيونها

مثلا اذا دخلت المحل تقعد برى مع البيبي مايحتاج تدخل او اذا دخلت عادي تدخل وتمسك البيبي وانا اقوس عليه ولاصرنا عند الكاشير اقولها مسكي الولد خل يقعد برى وبسسس

اما اذا مطعم ماجربت بس اعتقد مااتقبل هالفكره

لكن اذ كنا بنطلب اخيرها قبل لانختار

وحلوه فكرة ام لعيال ان تودينها للسوق او تشتريلها من محل

والله يهدي خداماتنا

والله مادري شقولج اذا كنتي مو مأمنه ولدج عليها بالبيت خذيها وامرج لله .. بالنسبه لي اخذها الاماكن العامه يعني الحديقه ولا البحر ولا حديقة الحيوان او الالعاب للجهال لكن السوق لا والله ما اخذها ولا اخذ بناتي معاي احس ازعاج ولويه
حتى الجمعيه ماتروح معاي بالكويت العمال يوصلون لج اغراضج لي السياره مايحتاج خدامه

بس اذا مو مأمنه ولدج عليها بالبيت بروحهم تكونين مضطره خذيها شتسوين