بى اغانى بدوية الكلمات

هلا حبيبتي . . .

لكم

فرحكم ياحبايبنا
والله انا فرحنا به

مانخلي عوايدنا
من دعانا نجي بابه

والعدو لو يحاربنا
وان زعل مادرينا به

جينا لفلان يضيفنا
يذبح الحيل عند بابه

ما احلى فلانه تلاعبنا
جعل اخوها يتهنابه

………

جاكن اللي ماخذن كاس البطوله

لاتمرنه تراكن خاسراتي

جدها طيب وابوها من حموله

خالها ريف الليالي المعسراتي

طبوا الملعب وشوفو الي نقوله

زينها غطا على كل البناتي

…………..

مرحبا ياهنوف قاده الصيد كله

في مواري ملامحها هنوف جميله

طبي اللعب ولاتطري عليك المذله

وخذي الكاس يابنت الرجال العربيه

وهني من يحط اليوم عزوتله

كملت زينها بالعقل بنت الاصيله

…………….

اشهد ان الزين دايم له الخاطر يميل

وان غربال المواليف شوف عيونها

شفت زول شوفته تنعش القلب العليل

يالعذارى جنبن خطكم من دونها

ليت الاربش مايبيع الذهب كود الجميل

مايلبس دقته ناس مايزهونها

…………….

يا سلامي على ضافي الجديلة
يا سلامي على سيد البناتي
يا عيون المها بنت لقبيلة
يا غزال تجمل بالصفاتي

ــــــــــــــــــــــــــــــــــــــــــــــــــ ــــ
وأقبلت بالحلا بنت الأصيلة
يوم طبت كما برق تخيله
طبت العرس كله بالحلاتي
يا حضور الفرح صفو للجميلة
خلو الزين لشيخ البناتي

ــــــــــــــــــــــــــــــــــــــــــــ
هلا فيك يا سيد الغنادير
هلا فيك يا شقرا جديلة
يا بنت القروم من المناعير
حشى ما مشيتي بالفشيلة
عسى ما حصل بالوصف تقصير
يشرفك تاريخ القبيلة

ـــــــــــــــــــــــــــــــــــــــ
تموت العذارى غيض لاشافن ( العنود)
تباهى في زينها وهي حسن مفتونه
شغلها بهاها واشغلت ناعمات العود
وغطت على من قالوا الناس مزيونه
ذبحها حياها والحيا بالعيون السود
وليا غطت أطراف الحيا مالت غصونه
شعرها طويل ناعم والهدب موعود
على خدها الأبيض كما البرق بمزونه
ثقيلة جميلة ما على زينها منقود
———————————–

أبا بذكر الله و أبتدي بأول الأبيات
على جادل ما مثلها بالمزاييني
هلا فيك يا بنت الأصيلين والشجعان
( اسم الفبيله أو الفخذ يكرر مرتين) وإلعبي لا تهابيني
ترى الله عطاك من الحلا والجمال ألوان
عسى الله يجيرك من عيون الشياطيني
ــــــــــــــــــــــــــــــــــــــــــــــــــ ــــــــــــــ
مرحبا فيك يا زين الوصايف
لا تهابين يا شقرا جديله
أبو جديل أشقر فوق الردايف
وألعبي يا الأصيل من الأصيله
من تحداك يبشر بالخساير
مات حره ولا يبرد غليله
من حريم كحيلات عفايف
جدها بالمراجل ينعني له
ــــــــــــــــــــــــــــــــــــــــــــ
عين ( اسم البنيه) عين حرن يهدونه
يوم شالوا برقعه والطرب زاني
جادل لا طبت اللعب مزيونه
تاخذ الطوله على البيض بالعالي
بنت قرمن قلط الحيل بصحونه
ما يجي في حقت الجار نقصاني
والفخر في منسبه ما يعيفونه
من خوالن وعمامن وجداني
ــــــــــــــــــــــــــــــــــــــــــــــــ

( اسم البنيه) يا اللي تقود خشوف
تقطف زهور ورياحيني
مزيونه والحشا ملهوف
وجدايل فوق الأمتاني
وإليا أقبلت والصفوف وقوف
مثل القمر نورها باني

واللي يماريها يجيه الخوف
لا شاف مدعوج الأعياني
يابنت من فعلهم معروف
خالن وعمن وجداني
ــــــــــــــــــــــــــــــــــــــــــــ
من زمان البيارق فايزين
ماخذين البيارق كلها
وإلعبي وإرقصي لا تستحين
جدك اللي سيوفه سلها
خالك اللي يحل المشكلة
والمشاكل ذراعه حلها
ــــــــــــــــــــــــــــــــــــــــ
هلا فيك يا اللي ما لقينا لها وصوف
حلي المها واسمه حلين على لونه
ما بين الشفايف كنه اللولو المنظوم
تغالوه تجاره و عيو لا يبيعونه
تعالي بوسط اللعب وخلي العرب تشوف
ترى الزين بيِِِِِّن والعرب ما يخبونه
ــــــــــــــــــــــــــــــــــــــــــــــــــ ــــــــــ

ملطوووش من منتدى حور الكويت

ما حبيت اخلي الموضوع فاضي

يامال العافية عشتى بعد يبنات الى يعرف لا يبخل علينا

حطي قصيده العجمان

ويينكم يالظفيريات فزعتكم لاهنتوا