بيوت صباح الاحمد النمووذجيه

امس كنا رايحين البر وقال ريلي خل انطل على مدينة صباح الاحمد انشوف النموذج الي سووه حق البيوت

والنموذج هاذا سوته الحكومه عشان السكان يشوفون الشكل الي يختارونه حق بيوت الحكومه ..

وبيوتهم هلمره غير عن القرين يعني كل بيت مختلف عن الثاني من ناحية الديزاين والشكل .. والكل مساحته موحده 600 متر

400 البيت و200 موزعين عالحووش .. وكل اربع بيوت جزيره يعني اربع جدام واربع عالجمب واربع ورى مثل المربع

وبين كل بيوت دوار .. والحين شغالين فيهم ويعطيهم العافيه انجزو شغلهم هالمره بسرعه فائقه .. وبيوت القسايم بس

محددينهم بالخشب حق الي يبي يبني على راحته .. انا الحين تغيرة فكرتي كنت ابي ارض وقرض بس يوم شفت النموذج

غيرت فكرتي قلت الحكومه حلو ديزاينهم ونفس الطريقه يعني على راحتج تختارين الديزاين ويعطونج اياه .. جاهز من مجاميعه

اللهم انتي اتيبين اثاثج واتحطينه بس سمعت انه انتي اتحطين السنترال او وحدات اهما مايحطون!

والشي الثاني اذابتاخذين قسيمه راح تصعدين فوق ال120 الف وهاذي ميزانيه صراحه ! توهقنا الحين كل شي غلا مومثل قبل !

احترنا ناخذ حكومه ولا احنا نبني والي اشوفه الحكومه اوفر بس هم يبيلج قرض حق السنترال او اصنصير اذا بتحطين

وديزاين البيت اربع غرف فوق معه حمامين تكرمون وصاله وتحت صالتين وغرفتين معه حمامهم تكرمون وديوانيه خارجيه ماتطل على باب الدخول لها باب خاص
والمطبخ بابه خارجي وايد سنعوو التخطيط هالمره والمهندسين احسنو الاختياار هلمره بعد

الي حاب يشوف يروح صوب المدينه ويشوف بعينه بس ممنوع الدخول عشان الامن والسلامه اتشوفون من برى وانا صورة

لكم صورتين

ان شاءالله يكون منزل مبارك عليكم ياارب لساكنين معانا بنفس المنطقه ..

احب اقول شغله بعد الي تقول بعيد ترى 15دقيقه طريج من بعد المسيله يعني موبعيد وايد

وبتكون المنطقه وايد حلوه وهاديه وترى الجسر الي يودي على ام الهيمان اهوا نفسه يودي على مدينة صباح الاحمد يعني هاذي عاليسار وصباح الاحمد عاليمين ,,

وانطر ردوودكم

احب اقول للمشرفه عدلي عنواني من النموجيه الى النمووذجيه

:>