تبون تنصدمون دشو >>عيادة الدكتوره ماجدة اليتامى والدوا المنتهي 

السلام عليكم
بنات هالموضوع انا كاتبته عشان كل وحده تنتبه
انتبهوا يا بنات لان اللي صار وياي لو ما رحمة ربي چان علووووووم

انا كنت اراجع بدار البراء الفاشل ((فاشل بمعنى الكلمه))
اهم شي عندهم الفلوووووووس
خلوا عنكم كل العيوب العاديه وتعالو حق المهم
وانا بالسابع رحت لان كان معاي عوار مو طبيعي
وبعدها قالت الدكتوره اخذي ابرة مسكن
ورحت باخذها ولا ريلي يقولي ديري بالچ لا يكون الدوا غلط تأكدي
سألت السستر قالتلي اي اهوا اللي كاتبته الدكتوره بالوصفه
وسحبت الدوا ويت بتغزني وسبحان الله چني حسيت
قلتلها عطيني اشوفه عطتني ولا يا بنات والله العظيم اني انصدمت

(((كنا بشهر خمسه والدوا ينتهي بشهر اثنين)))

الله ستر لو انا مو مچيكه چان الله واعلم شكان راح يصير
ومخلص تاريخه مو يوم ولا يومين اللي تقولين ما انتبهوا

المهم زفيتها وقلتلها اشلون كنتي بتعطيني دوا منتهي والسسترات التمو علي
قمت واشتكيت عند الدكتوره وطبببببعاً ما سوو شي بس هولت الموضوع جدامي وبعدين طااااف
اليوم الثاني رحت وشفت السستر موجوده واطالعني وتضحك ولا كأنه في شي
ورحت ليش بشوف شصار على هالسالفه

الغرض من الموضوع انكم قبل لا تاخذون اي شي اچيكون على اسم الدوا والتاريخ

والله الحافظ
الله يسهل علي وعليكم ويحفظنا من استهتار واهمال الدكاتره *