تبين اسنـانج تصير بيــــضه والحمره تطلع تهبل عليها+ تعطير للفم عجيب عن تجربة وبالصور

بسم الله الرحمن الرحيم

شخباركم كويتيات

يا ربي احبكم شسوي كل ما شفت شي له نتايج وسهل وحلو يبته لكم ولعيونكم

و
مثل كل مره ما اييبلكم شي الا مجربته لفتره وشايفه نتايج عجيبه

عندي لكم طريقه تهبببل تبيض الاسنان وانا مستمره عليها من زمااااان الحمدلله والنتيجه عجييييبه ماشاء الله

اول شي في طريقه يوميه وطريقه اسبوعيه وطريقه كل يومين مره

اول شي نبدي بالطريقه اليوميه

معجون اسنان EMAIL DIAMANT

هذا معجون اسنان يبيض وايد وحلو مع الاستمرار تلاقين نتيجه تهبل انا صرت استخدمه وما استغنى عنه ابداً وسعره تقريبا 650 فلس وموجود بالجمعيات

والطريقه اللي كل يومين ولا تستغربون

الفحم المطحون

روووعه روووعه روووعه طبي ومعروف وطبيعي استخدميه كل يومين وبتشوفين نتيجه عجيييبه بعد الاستخدامات الاولى حطي بصبعج المبلول الفحم المطحون وفركي فيهم اسنانج عدل وبعدي غسليهم وفرشي اسنانج والنتايج واااو

والحين الطريقه الاسبوعيه

استخدمي هالمعجون اسبوعياً DEPURDENT يبيض الاسنان وحلو وااايد

وعاد اقولكم كل هالخطوات مشيت عليها ووشفت شي عجيييب

والحين بقولكم عن تعطير الفم وتطهيره بطريقه حلوه ونظييييفه

عصير نص ليمونه + م وسط ملح

حطيهم في كوب وحطي عليهم ماي دافي وسوي غرغره فيهم وشوفي اشلون تحسن لثتج واسنانج ولهاتج كلها تتطهر وتتنظف وتتعقم وهالطريقه هم بعد علاج للاحتقان والبلاعيم تنظفهم وتطهر

وبعد ما تخلصين غسلي الفم عدل بالماي

ولتعطير الفم بعد النعناع بروحه تمضغينه بين اسنانج

واي سؤال انا حاااضر من عيونــ@@ــي

وما ابي غير دعواتكم الطيبه

تعالوا

ماخلص الموضوع نبي تجاربكم في تبييض الاسنان

مع تحياتي يا حياتي

مزيونه وشقره