تبين البسيط ولا الغني أختاااري

السلام عليكم و رحمة الله و بركاته

أنا أبي أتكلم عن حياتين و أنتي أختاري شنو اللي تتمنينه ؛

حياة الغنى أم البساااطه لاحظو قلت البساطه مو الفقررر

لأني دايما أتناقش مع خواتي بالموضوع ومن غير ما أكمل قالو أكيييييييييد الغنى إيه نطرو شوي

المهم خل أقولكم الحياتين الزوجيه يعني مو لما تكونين عند أهلج لأ :
أولا حياة البساطه ؛
1) تتمنين يكون مهرج عادي مو كثيير ولا قلييل بحدود اللي يكفيج بس أتجهزيين شي مرتب ومناسب لج

2) يكون عرسج بصاله حلو مرتبه

3) إذا زاد فلوس عند ريلج تسافرون شهر عسل حدى دول آسيا ولا الإمارات ولا حدى الدول العربيه وبحدود 10 أيااام

4) شقتج كلاسيكيه مو فخمه ووتكفيكم يعني موضخمه

5) أهوا موظف بس عنده شهاده و أنتي موظفه ومعاشج يكفيج يعني الدخل الشهري متوووووسط

6) إذا بتولدين مستشفى حكومي أو تاخذين جناح عادي بمستشفى خاااااااص

7) تيبين خدامه وسيارتج أقسااااااط وتكوون موجديده وعالموضه لأ حلييييييييوه

8) عيالج مدارسهم حكوميه

9) أتخشين من معاشج إنتي وزوجج عشان تسافرون بالصيف ومو كل صيف لأ سنه وترك

10) هداياه لج كالمعتاد عطر ساعه إذا مطلع روحه 300 د.ك

ثانيا ألحين نجي للغني آآآخ

1) مهررج أقل شي 20 ألف ديناار

2) عرسج يكون بأفخم فنادق الديره وأحسن تجهيزات الغذائيه ووووو ……. ألخ بس عرس محرز

3) تسافرين حق أغلى دول العالم وتاخذيين شهريين بين الجزر والتسوق والترفيه

4) يا يكوون حاطلج جنااح لج كبير ببيت أهله ولا يشتريلج فله ويكوون أثاثها كله من إيطاليا وفخااامه

5) أهو موظف رجل أعمال و أنتي قاعده بالبيت تاخذيين كل شهر فوق ألفين دينار

6) إذا بتولديين بأحسن مستشفى بأحسن جناح ملكي أو تسافرون تولديين بره

7) وحتى أنتي ما عندج عيال فوق 4 خدامات عندج وسيارتج قبل لا تنزل بالديره تكوون عندج

8) عيالج أحسن المدارس الخاصه أو دراسه بره بسويسرا وإذا تخرجو أحسن جامعات العالميه يدشوون

9) بكل عطله شايله قشج ومسافره وفاره العالم فر ما خليتي جزيره وسوق ومكان ما رحتيله

10) هداياه قيييمه سياره عالموضه ساعه ب 16 ألف عقد ألمااس جنطه ب 8 آلاف

هاا شرايكم أي حياه تفضلوون تدرون أنا شنو أختار الحياه البسيطه <<< برااا
لأني أحس إني عايشه أجتهد عشان أحصل ألي أبيه مو حيااة المصااخه الثرى والله كل شي يكون ماااصخ لأني أذكر الفنانه حياة الفهد كانت تقول " الحياه أول لها طعم السفر كنا ننطره بالصيف ونقول يوووه الصيف متى يجي تقول الحييين صار عاااادي عندنا " إي والله صدقت وكافي صباح قالت " عالباساطه الباساطه يا عيني عالباساطه تغديني جبنه وزيتونه وتعشيني بطاطه "

المايك لكم