تبين تضعفين لفتره بسيطه ولا العمر كله؟؟؟ حياكم ويا بنت الغالي والكل بيستفيد

السلام عليكم

بنوتات بطوطات ومتروسات شخباركم ومبارك عليكم الشهر

منو فينا مايبي يصير ضعيف؟؟ ورشيق وقوامه حلو حق الحركه الخفيفه واللبس يصير احلى

ملينا كل مانروح مكان نستحي مانلقى قدنااااا لازم اكس لاج ولا 2 اكس او 3 اكس

وماتلاحظون انه المتان قلبهم طيب ورهيف وكل شي يأثر فيهم من جذي ناكل اكثر ورفيجنا الوحيد الاكل ونقول اهم شي القلب؟؟؟

نقص على روحنااااااا؟؟

فعلا اهم شي القلب ومعدن الانسان بس وايد امراض سببها السمنه

الجلطات وامراض القلب وتصلب الشرايين والركب والسكري..ألخ وامراض لاتعد ولاتحصاااا

فلازم يا بطوطااااااااات تشدون حيلكم وبسكم بلعه وترا الاكل بالتالي كله بيطلع وتتم الفايده وياليت ناكل شي فيه فاااااااااااااااااااااايده كله خرابيط ومعجنات .ألخ

انا واعوذ بالله من كلمة انا كنت اعاني من الوزن الزايد وزني كان جريب ال100 وبالظبط كان 97

وطولي توقعوا 157 كنت الكره مدوره

ووقتها عمري كان 19 يعني لا لبس لبست مثل جيلي وكنت اتخبا ورا العبايه الاسلاميه واستحي البس احس مو حلو علييييييييي

فقلت خلاااااااااااااص انا حالي حال البنات اللي بعمري وجيلي ودايما يكبروني مع انه ويهي بيبي فيس بسبة الوزن الزايد وما اقص عليكم بشهاده الجميع وبدون غرور انا احلى من خواتي وبنات خالتي وعمي دايم اسمعهم يقولون لو تضعفين اتصيرين اتيننين

وخذيت القرار المهم بحياتييي

بعد ماجربت شتا انواع الرجيم الكيميائي والبروتين واتكنز..ألخ لدرجه ادوخ ما اكل وينزل وزني بال5 او 7 كيلوات واردهم دبل لانه كان حرمان

فقرررررررررررت قلت ابي اغير نمط حياتي بالاكل ولو انه كان صعب حييييييل بس والله ثم والله ثم والله ع التعود يعني بدلت اشياء وايده وتنازلت عن اشياء ما اكلها يوميا بس ما انحرمت منها من وقت لمه وقت

والحمدلله الحين وزني 78 شرايكم فيني؟؟؟

وبستمر لمه يوصل وزني 60 او 65

الخطوات كالتالي:-

شرب الماي بكثره
شرب الجاي الاخضر 3 مرات باليوم واستخدام شكر تروبيكانا او اي شكر مال الرجيم
اكل السلطه بالغدااااا واي شي مشوي او عيش مرتين بالاسبوع او بدال العيش باستااا
المققالي هلاااااااااااااااااك البشره ماقمت اكل مقالي الا مره بالاسبوع او مره كل سبوعين
العصاير الطازجه والفاكهه بشكل يومي
الخبز الاسمر افيد
الككاو مرتين بالاسبوع
الروووووووووووووووووووووووووووووب يطير الكرش يوميا بالعشا او الغدا

يعني تصوروا انا ماكنت اكللللل المفيد بس خرابيط وامتن واكل الرجيم اكل اكثر ولا امتن لانه صحي وخفيف وسعرات الحراريه اقل

امثله ونماذج الاكل بالاسبوع

على الريج 2 كوب ماي

ريوقي نص خبزه واي شي فيها والجبن لو فات واللبنه لو فات او فول+عصير او حليب

الغدا دايما ابلش بالسلطه واكل شوي شوي واكل اي شي بجون ايدام وروب او عيش او معكرونيا واكل نص بطني اقوم وانا مو شبعااااانه ولو تردين بعد ربع ساعه مراح تاكلين لانه الاكل وصل الجبد وصارت تشتغل فتحسين بالشبع

بين الغدا والعشا فاكهه او روب
اذا ماكليت بالغدا ممكن سلطه وممكن ككاو او بفك

العشااا
نخفف من الصمون اذا كان الصبح خبز بليل ناكل كرون فلكس
او وجبة نجتس من ماكدونالدز او اي شي بدون خبزززززززز اي نوع سلطه او سلطه فاكهه او اي شي صواني دياي بالفرن..ألخ

واهم شي العشا يكون مبجر اذا بتنامين 11 العشا 8

واهم شي انج تاكلين 3 وجبات يوميا والسناك مره وحده يا اما غدا او عشاااا

وحطي ببالج انج تسوين هالشي على طول وراح تتعود جبدج على هالشي وبتلاحظين بعد جم شهر انه ماتقدرين تخربطين وبسرعه تنقثين ولازم يصير نظامج على طول جذي

باختصار

اكل صحي+بدون حرمان+نزول وانتي ماتحسين+اكل بطيييييييييء لاتاكلون وانتي مشفوحين حلوه هذي مشفوحين واهم شي تاكلون بالشوكه وتخلون الشوكه بين الحين والاخر منها ذرابه ومنها ماناكل وايد ههههههههههه

ودام احنا برمضان

اقول لكم شنو جدولي

ع الفطور
5رطبات (رطب) + ماي
شوربه
تشريب
سمبوستين
وشويه هريس
وسلطه

طبعا اكون منقثه لانه ماتعودت على هالاكل

الغبقه على الساعه 9

اكل سلطه
او 2 كيوي
او احط فاكهه واكل واشرب وياه حليب

سحوري نص خبزه ولبنه وخيار وخس او فووول او بيض + حليب او عصير او نخي او خبز ايراني ربع خبزه

والسحور ع الساعه 12 لانه وراي دوام ولاززم انا 1 ونص عشان يكون السحور تهظم وطبعا اقعد حق صلاة الفير قبل الصلاة بخمس دقايق اشرب ماي واصلي وارد انام

سحوري نص خبزه ولبنه وخيار وخس او فووول او بيض + حليب او عصير او نخي او خبز ايراني ربع خبزه

وللعلم اتحرك وايد يعني ماحب الرياضه بس تلاقيني اسوي السفره اقوم اقعد اطامر وانا امشي احس روحي خفيفه وان شاء الله الكل ينزل بدون لا يحس واي شي تبونه انا حاظره

واسفه ع الاطاله