تتذكروني ؟؟ انا اريام واخيرا سويت تنظيفات ادخلوا شوفوا سالفتي وين وصلت الله ياجرني .

مرحبا ياحوامل شلونكم شخباركم

ابي ابدا بموضوعي بسرعه لانه تعبني نفسيا وما ابي اذكره بعد لانه صار معاى مثل الكابوس

والحمدلله الله فكني منه بالسلامه

انا اريام اذا تتذكروني .. اللي تكلمت معاكم عن حمالي ونبض الجنين واللي توقف ومو راضي ينزل مني

الا لما يفتح معاي الرحم طبعا هذا كلام الدكاتره مايبون يفتحونه بالغصب لاني والده 3 قيصريات

وتعود الرحم انه ما يفتح وصار قاسي شويي عشان جذي صابرين علي يبونه يفتح من نفسه

لانهم اذا حاولوا يفتحونه بالغصب راح يضرني ويسبب لي رخاوه بعدين اذا حملت مره ثانيه انشالله

والجنين قعد في بطني شهر ونص بعد ما توقف النبض وطول الشهر والنص وانا معاي دم

وموراضين يسوون لي تنظيفات الا يفتح الرحم بكيفه

وتعالوا شوفوا النفسيه والله وسوست والكل يعطيني كلام تسمم وعفن وووالخ

كل هذا راح يصير لي اذا ما سويت التنظيفات بسرعه والدكتور يقولي عادي خليه

ماراح نسوويلج تنظيفات الا لما ينزل منج دم كثير يعني نزيف وانا رايحه راده للمستشفى والكل نفس الكلام

راح تقولون ليش مارحتي لخاص وفكيني عمرج ؟؟؟!!!

انا قلت ابي اروح خاص اذا ما سويتولي تنظيفات لاني تعبت نفسيا شهر وانا رايحه راده !!

جان يقولي الدكتور لاتروحين خاص انتي اخر مره والده عندنا قيصريه ونعرف حالتج وملفج موجود

ولاتغامرين الخاص راح يعطيج اشياء تفتح عندج الرحم بالغصب وراح تخلصين انا معاج

بس اذا فكرتي بالحمال مره ثانيه بيكون عنج رخاوه وانتي بغنى عن المشاكل خليج عندنا وماراح تندمين

ووكلت امري لله وصبرت قلت يمكن خيره والخيره فيما اختاره الله ومارحت لمده 4 ايام للمستشفى

لين قالت وحده لاختي خليها تشرب دوا حريم وخذيته منها ويسمونه الشجره

هذي الشجره يقولون عنها اذا الجنين حي ترفعه واذا ميت تقطه منج بسرعه

وشربتها ومن شربتها وانا معاي طلق خفيف لين باجر الساعه 9 بالليل وزاد معاي حيل كانه طلق ولاده

تقطع بطني ونزلت معاي في بيتي قطعه كبر الجبريت كانها كبد عزكم الله وصبرت لين الساعه 1 ونص وقلت خلاص راح

اروح واخذت شاور وانا اتنشف كب معاي نزيف والله اخترعت لما شفته

ورحت للمستشفى ودخلوني هههههههههه اخيرا دخلت

ولما فحصتني الدكتوره قالت لي الرحم للحين مومفتوح والدم معاي يزيد قلتلها يعني ماراح ادخل

قالت لا اكيد راح تدخلين وراح نسوي سونار ونشوف المهم دخلت الجناح وسوولي سونار قالولي تحتاجين تنظيفات

وخلوني لين باجر والدم معاي يزيد وينزل مني قطع والله عمري ما شفت مثلها الحمدلله على كل حال

والعوار زاد لين جاني الدكتور بالليل وفحصني جان يقولي الحمدلله الرحم فتح معاج وهذا للي نبيه

وانشالله الصبح نسويلج تنظيفات وسويت تنظيفات والدم سبحان الله وقف والحين ما فيني الا العافيه والحمد لله على كل شي

وربي يعوضني خير ويخليلي عيالي يارب قولوا امين

والله ياخواتي نصيحه اللي يقولج الدكتور عنه سويه وما راح يضرج باذن الله لانه اهوادرى بحالتج

ولاتغامرين بنفسج انتي بايدين امينه باذن الله

والحين ابي كل وحده تدخل موضوعي تدعيلي ان الله يعافيني ويعوضني خير انشالله يرزق كل وحده اللي تتمناه

نــــــــــــــــــــاطره ردودكــــــــــــــــــــــم