تجاربكم مع المعلمين الخصوصيين في المنتدي

السلام عليكم ورحمة الله

خواتي الموضوع باين من عنوانه

احنا الحين في بداية السنه الدراسية وكل يبي يتابع عياله بالدراسة والمناهج صعبه

وكنت حابه اني اييب مدرسة لوليدي الله يصلحه انشاء الله
ومن كثر الارقام الموجوده بالقسم ما ندي شنو الزين منهم

فياليت تفيدونا بتجاربكم مع المدرسات اللي حاطين ارقامهم في النت في قسم المعلمين الخصوصويين
ابي ناس مجربه وشنو اللي ميزتها عن غيرها وجم تأخذ
لمادة اللغة العربية والرياضيات اهم اثنين
لانه اللغة الانجليزية متأسس فيه ماشاء الله

بنات انا ملاحظه انه أغلب الارقام متكرره من كذا اسم وكلهم مشاركات جديده هل هذي صدفه ولا في ان بالموضوع
اترك المايك لكم