تجارب بنات المنتدى مع الدكتوره منى الغريب

ياهلا و غلا بلجونه

نورتي الموضوع و راح ينور اكثر بمشاركه خواتي

المعهد اهو يقدم

الجلسات الجماعيه العلاجيه:

1- التنويم الإيحائي
2- الريكي – المستوى الاول
3- الريكي – المستوى الثاني
4- الرياضة العقلية – المستوى الاول
5- الرياضه العقلية – المستوى الثاني
6- أسمع جسمك وهو يتكلم
7- التحرر من الضغوطات النفسية
8- فكر في مرادك تحصل عليه
9- الهاله و الكينيزيولوجي
10- ملامح الوجه العلاجية
11- الرقيا بالقران الكريم( المستوى الأول و الثاني و الثالث )
12- النظام الغذائي الصحي الشافي ممن الأمراض
13- ارجاع الطاقة
14- تنظيف الطاقه

الجلسات الفرديه:

1- جلسات الريكي
2- جلسات الباي اورا
3- جلسات رقي الشكرات
4- جلسات كينيزيولوجي

و عنوانهم
وبن عمارات شاكر الكاظمي الي بالشعب الورديات
عمارة D الدور الاول

و هذا رقم تلفونهم

2515550
2545960

و لاتنسون بنات انا ابي تجاربكم الي كانت مع الدكتورة

و ناطرة الردود

بصراحه انا اول ما اتصلت عليهم جان تقولي السكرتيره ان الدكتوره تعالج كل شي وحتى ما عطتني فرصه اتكلم وبسرعه قالتلي تعالي ترا النص ساعه ب60 دينار وبسرعه سكرت التليفون
بالله على اي اساس حاطين هالتسعيره؟؟؟؟؟؟ وشنو هالاسلوب؟؟؟؟ من وقتها حطيت عليهم X

امممممممممم انا جربت التنويم الايحائي مع الاستاذه نوال المهيني
وكان مريح وايد وعلمتنا كذا طريقه بسيطه نتخلص من الضغوطات وخذيت دورات بس مو بالعلاج والسوالف هذي خذيت دورات 4 دورات عندها ووايد فادتني اول دوره صناعة السعاده
دورة كيف اعرف نفسي للاخرين وبحب

ودورة عقلك هو ادراكك
والدوره الرابعه الاختلاط بالناس وتفادي الازمات
وكانوو رووعه بس اتوقع انه اسلوبها غير عن الدكتوره منى الغريب لاني احتكيت فيها شخصيا .

Suki_Candy

سويتي اعلان عن الدورات

وماقتي لنا عن تجربتج

مراحب بالكل الي شارك والي دش موضوعي

و انا بقول لكم تجربتي
بصراحه و الحمدالله يعني انا كنت قبل كلا تعبانه و نعسانه و كلا ادوخ و اخاف من سياقه السيارة

لكن الحين من بعد زيارتي لها الحين ماقمت اخاف تيني حاله الدوخ من وقت لي وقت مو دايما والحمدالله تبارك الرحمن حسيت بتغير بس مو وايد بسيط بس احسن لوايييد

و بعدين نصحتني اب جلسات و انا لحد الحين ماسويتها لكن الحاله الماديه ماتسمح بالفترة الحاليه لكن انشالله اذا الله وفقني بروح لها و بالعكس يعني مو هم الوحده الفلوس همها راحتها عدل كلامي ولا ؟

و و امنيتي مشكورة على الرد و احترم رايج

و ناطرين باجي تجارب البنات

و لجونه لي طلب بغيتج اذا تقدرين تعلميني على التدريب الي علمتج اياه الدكتورة نوال و ردي علي بالخاص

تحياتي

بنات صج تخافون من السياره يعنى في ناس مثلي
هل هذا مرض ولا شي طبيعي؟؟؟ظ
انا كنت اسوق سياره ووقفت بسبب الرعب من باصات المواصلات الكبار ينامون على السياره يخرعونى واحس ايدي تتشنج وتبرد.
وحاليا عندى سايق بس كل ما اركب معاه اتخيل انه بيدعم وانى بموت وكل سياره تمر يمى احس بتدعمنى وراح اعيش مشلوله او اموت خلاص وايدي على قلبي واتشهد لما اوصل المكان اللي رايحه له تعتقدون هذى فوبيا..

لازم علاج نفسي يعنى؟؟
انا عادى مطنشه الموضوع هذا وكله اسوى روحى مافينى شي بس كله من صحتى القولون العصبي ما ارجع من طلعه الا وارم حده..

اروح طبيب نفسي؟؟؟؟؟؟

حبيبابتى خواتى الكرام

صراحه انا وحده جربتها وصديقاتى ……………..ما شافو منها فايده

المفروض الحكومه تسكر هالأماكن …يعنى وعليه ألى تبى تتشافى بأى طريقه تبى تدفع هذى تييى وتمص فلوس الناس يعنى((نصف ساعه )) ((60 )) دينار واذا يابت من برا واحد تتقاسم معاه المبلغ((120)) دينار مو حرام .. وتقول جلسه كنزيولوجى هذى .تقعدون وياها تمسك ايدكم وتقول ايدج ترى قاعده تكلمنى وراسج هذا بالله هذاحجى يرضى فى الله سبحانه وتعالى وحاطه ريال اسمه (( نسيت سورى او فلسطينى )) يقرأ قرآن وياخذ 15 دينار شدعوه ….والشئ قاعد يسير بزدياد بالكويت وشنو معنى ريكى هذا كله شغل كفار بوذه ,لو ترجعون الى كتب الريكى راح تكتشفون هالشئ والتعاويذ مالت فتح الشكرات وووووالكلام ما يخلص

الله يبعد عنا وعنكم الشر ويشفى جميع المسلمين

الله يسامح هالأشكال ويسير عندهم ضمير ….ويرجعون الى الله