تجارب مركز تيجان لطب الاسنان – الفروانية

السلام عليكم ورحمة الله وبركاته

يا صباح الجمال واللطافه والابتسامه الجميله

حابه انقلكم تجربتي مع عيادة تيجان لطب الاسنان فرع الفروانية

مالي اي مصلحه مع اي شخص او اي عياده للتنبيه فقط

وصلني مسج من عيادة تيجان عرض على قولتهم الكشف والاشعه وفتح الملف ببلاش
وانا عندي نية احط تقويه فشجعني هل شي اني اجرب ازورهم

قعدت ادور واقره لقيت محد يذمهم وشوية مدح قلت خل اتوكل على الله

رحت يوم السبت كان زحمة للامانه موظفات الاستقبال

وسالتهم عن الكشف قالولي انه الكشف والاشعه ببلاش بس فتح الملف ب 10
فيعني مو عرض السالفه يعني وفرت 10 دنانير
طبعا ماعرف عن منو الدكاتره اخترت عشوائي دكتور اسمه محمد شراب

الدكتور اعتقد فلسطيني حسيت ويه سمح
قالي شنو تبين قلت له تقويم اسناني مو مرتبه وعندي ذرس مشلوع فاعتقد احتاج زراعه

لكل امانه جربة رحت عيادة من قبل الميدان عند دكتوره رانيا بصباح السالم كانت تهبل وامينه ونفسها حلوة بس بشكل عام اسعارهم كانت غاليه فقلت بدور مكان ارخص فكانت ناصحتني بجسر للاسنان عشان المسافه

الدكتور محمد قال مع التقويم تقل المسافه بين الاسنان ونركب ذرس ومااحتاج جسر وحبيت التشخيص للامانه فقررت اني اتوكل على الله

الدكتور يعاملج كجيس فلوس قالي في سوس بعالجه ذرسين من فوق وذرسين من تحت قلت له سوهم كلهم مره وحده عشان ماابي ايي مره ثانيه قاعد يسولف مع الممرضه ومومهتم لج او يشرحلج شنو بسوي اقل شي انواع الحشوات قولي عشان اعرف شنو مستخدم
يسوي بسرعه بسرعه وقالي خلاص
قلت له انا مضايقه من الحشوة احس ببروز مفروض بروحه يسال اذا جذي اوكي وقالي غمضي عينج ورش بحلجي مادري شنو يعني تنظيف
عندي ملاحظه هني انه ماشاورني بالتنظيف مثلا ماابي اسوي

رحت عشان ادفع قالي الحساب تقريبا 100 وشي قلت له عندي تامين قالي لازم تقولين لنا من قبل
ونادوا الدكتور جان يصير حسابي 197
كل شي زادوا سعره وللعلم التنظيف غير مشمول وسعره 50 دينار مكتوب
دفعت ونطرت عشان يسوون لي قالب للتقويم

الكشير يتحرش ببنات الرسبشن وقلت ادب وسخيفين مايدرون وين مقطوطين ساعه عشان يردون بشي سنع حتى ياخذون بطاقتج المدنيه ينسون يردونها

خلصت من القالب ودفعت مبلغ 270 قياس ودفعه اولى للتقويم والباجي بكون اقساط 50 كل شهر

بس من الحره اللي بقلبي ماتحملت ليش زادوا الاسعار ابي اتاكد من سعر التنظيف
اتصلت عليهم سالتهم بجم التنظيف قالتلي يبدي من 20 لين 60 على حالة الاسنان
وللعلم اسناني مافيها جير ونظيفه بس الدكتور بس حاب يصلخني بالسعر من غير شوري

وعندي موعد قريب مع دكتور التقويم عشان اركب

وراح اباشركم باللي بصير

والله الموفق