بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلونكم بنات انشالله بخير 
انا الصراحه قريت واجد مواضيع عن عمليه الليزك والدكاتره الزينين واراءه البنات واستفدت
والحمدالله قررت وسويتها و الحين صارلى 5 ايام من العمليه وسويتها بدار الشفا عند الدكتور محمد وجيه الديب
ااول موعد شرحلى عن العمليه والحمدالله كان يتقبل اى سؤال ويجواب ع كل شى
العمليه كانت حيل سهله وماحسيت بشى وبنفس اليوم تشوفين يعنى النظر اوكى ..
هو عطانى اوراق قبل بعد فيها كل الاشياء اللى تهمنا مثل متى نحط كحل والتلفزيون والماى والصلاء الخ وشرح عن العمليه والجهاز يعنى كل شى موجود فيها
ونظرى الحمدالله بعد الفحص 6/6 ومالتهبت عينى وماشيه ع القطرات والكرتزون
واى احد كان خايف مثلى يسوى العمليه انصحه يسويها بدون مايفكر واهم شى تكفكم من العدسات اللى عذبتنى والنظارات وتريحكم واى سؤال انا حاضر
السلام عليكم
شلونكم بنات انشالله بخير
انا الصراحه قريت واجد مواضيع عن عمليه الليزك والدكاتره الزينين واراءه البنات واستفدت
والحمدالله قررت وسويتها و الحين صارلى 5 ايام من العمليه وسويتها بدار الشفا عند الدكتور محمد وجيه الديب
ااول موعد شرحلى عن العمليه والحمدالله كان يتقبل اى سؤال ويجواب ع كل شى
العمليه كانت حيل سهله وماحسيت بشى وبنفس اليوم تشوفين يعنى النظر اوكى ..
هو عطانى اوراق قبل بعد فيها كل الاشياء اللى تهمنا مثل متى نحط كحل والتلفزيون والماى والصلاء الخ وشرح عن العمليه والجهاز يعنى كل شى موجود فيها
ونظرى الحمدالله بعد الفحص 6/6 ومالتهبت عينى وماشيه ع القطرات والكرتزون
واى احد كان خايف مثلى يسوى العمليه انصحه يسويها بدون مايفكر واهم شى تكفكم من العدسات اللى عذبتنى والنظارات وتريحكم واى سؤال انا حاضر
بسالج سؤال لان ريلي وده بسوي بس متردد لان قالوله ان راح اتقزك حيل وراح تبجي من العوار
واذا بطلت عينك العوار يزيد اكثر واكثر فوايد متردد ياليت اتقولين اذا حسيتي بهالشي ولا لأ
ومتى عادي اتبطلين عيونج لان هم قالوله بعد 10 ايام يالله تصير طبيعي
وياليت تقوليلي الاسعار من فتح ملف ولما رحتي استشاره جم خذو عليج وجم العمليه كلها ؟
ومتى يحدد الموعد ؟
وسامحيني حبيبتي على الاسئله
الله يسلمج ياقلبى وتسلمين والله حدى مستانسه انى قاعده اشوف عدل
ايه والله انا قريت عنه هنى وبره بعد مدحووه والحمدالله طلعت اسهل من ماتوقع والدكتور لايعلى عليه
بسالج سؤال لان ريلي وده بسوي بس متردد لان قالوله ان راح اتقزك حيل وراح تبجي من العوار
واذا بطلت عينك العوار يزيد اكثر واكثر فوايد متردد ياليت اتقولين اذا حسيتي بهالشي ولا لأ
ومتى عادي اتبطلين عيونج لان هم قالوله بعد 10 ايام يالله تصير طبيعي
وياليت تقوليلي الاسعار من فتح ملف ولما رحتي استشاره جم خذو عليج وجم العمليه كلها ؟
ومتى يحدد الموعد ؟
وسامحيني حبيبتي على الاسئله
الله يسلمج مشكووره
شووفى انا بتكلم عن الليزك لانه هذا اللى سويته: العمليه نفسها مافيها عوار ابد مجرد ثوانى بالعمليه بحس بضغط خفيف..
بعد العمليه لما يروح التخدير بالنسبه لى راح التخدير بعد ساعة ونص بيبدا دموع غزيره ويحس عينه تقزه وهالشى يستمر من 4 ساعات لى 6 ساعات ومكتوب بالورقه .. بس انا اول مابدا الالم خذيت مسكن عطونى اياه ونمت فلما قعدت راح الالم كله وصح كلامهم اصلا ماكنت اقدر افتح عينى بس والله والله هذا بس اول 4 ساعات بالعمليه وانا بالنسبه كانت ربع ساعه لانى نمت باقى الوقت وماحسيت وطول اليوم كانت عينى تمام قطرات وبس
شنو 10 ايااااااام اقووولج بس 4- 6 ساعات هالحرقان والدموع والعين ماتفتح صح وصفهم بس انا مثل ماقتلج نمت ع طول ولما قعدت رااااح الالم كله والعين تفتح بس اكيد البس نظاره واطفى الليت ومن ثانى يوم يقدر يشوف تلفزيون ولابتوب ومولازم نظاره من ثانى يوم بالبيت بس بالشمس
بالنسبه للاسعار الفحص مال العيون خصموه من سعر العمليه يعنى خذوه 50 دينار حق الكشف اول يوم و350 يوم العمليه
كلها 400
وانا رحت لهم يوم الثلاثاء سويت الكشف بنفس اليوم ودفعت 50 وحددت العمليه يوم الخميس بعده بيومين عشان يكون يوم عطله واستفيد يعنى مافى مشكله بالنسبه للتواريخ وهو يسالج حتى الوقت اللى تبين ..
وانشالله اكون افدتج والصراحه الدكتور انصحكم فيه ولايخاف السالفه ماتستاهل
الله يسلمج حبيبتى تسلمين
انا سويت العملية صار لي اسبوع ..
والوضع اوكي ..
وبخصوص سؤالج سواهي انا عيني اليمين 6/6 بس اليسار فيها انحراف ..
وسويتها عادي ..
بس ماله داعي اصلا العدسات دام انج سويتي العمليه .. بس اذا تحبين تقدرين بس بعد شهر من العمليه ,,,
وبخصوص الجفاف .. يختلف من عين لي عين .. يعني في ناس يحسون بالجفاف واايد وفي ناس لا عادي ..
لا تتردين وتوكلي على الله وسويها ..
اكيد حاسه براحه من بعد هل نظارات ووغثة العدسات
انا قبل فتره كنت بسويها سويت فحص قاللى كل شي اوكى ونقدر نسويلج العمليه بنسبة 99
ويوم سويت الفحص قبل العمليه قالى حدقة العين مقعره وقالى عطينى فرصه ادق على دكتور اجنبى صاحبى وتشاور معاهم
وماعطانى خبر كلش من شفت جذى ومعطينى طاف جان اعطيه طاف وسويت التكميم
بس خل اشد حيلى وبروح للى سويتى عنده ان شاء الله على ايده اسويها ويكون فيها الخير
حتى انا مسويــــتها عند د.محمد وجيه قبل سنتين والحمد لله بأحسن حال
بصراحه انا ودي اسوي العمليه بس وايد متردده وخايفه تعبت من النظارات