تجربتي السيئه مع عيادة يسرى و جميله العبدالسلام

انا صارلي كم شهر العاده غير منتظمه فالمهم انا أسوي تحليل أو سونار عشان أتأكد في حمل او لا

من خلال بعض المواضيع سمعت عن عيادتهم فقلت هالمره خل أتوكل على الله وروح أسوي سونار عندهم.

اتصلت عالعياده كلمتني سكرتيرتهم الفلبينيه … قلت لها متى اتسكرون ؟ قالت الساعه ١٢:٣٠ الظهر

فقلت لها أقدر أييلكم ألحين ؟ قالت تعالي قبل الساعه ١٢:٣٠ … فبسرعه طلعت وعلى ماوصلت صارت الساعه ١٢ تقريبا

فرحت وانا مستانسه و متفائله إن إن شاء الله راح أرتاح لهم وافتك من الفراره من عياده لي عياده و مل واحد يقولي شي

المهم يوم وصلت خذوا بياناتي و قالت السكرتيره دخلي … قلت لها دقيقه خل أشوف كرتي عشان أدفع حار بحار مابي أأخرهم وهي قالت لا ميخالف دخلي وبعدين دفعي

قلت لها لحظة لأن كرتي الظاهر اني ناسيته عند اختي

ويها تغير جان اتقول لااااااااا لا لا مايصير

قلت لها ألحين أتصل عليها

مسكينه اختي اتصلت عليها و قلت لها بسرعه يبي كرتي انا بعياده بالفروانيه و وصفت لها المكان

قلت حق السكرتيره بدامكم ماراح ادخلوني ألحين انا راح أقعد وانطر الكرت

يوم صارت الساعه ١٢:٢٠ طفت السكرتيره نص ليتات العياده وقالت ترى الدكتوره بتطلع !!!!!!!! قلت لها بعد ماصارت ١٢:٣٠ وانا صارلي ثلث ساعه ناطره

سكتت

المهم قلت لها أنطر ولا الدكتوره راح تستقبلني .. قالت بعد ماصارت ١٢:٣٠

على ماوصلت اختي صارت ١٢:٢٧ تقريبا فقلت لها الكرت وصل أدخل عالدكتوره ؟ فراحت تسأل حظرت الدكتوره الذربه صاحبة الأخلاق الرفيعه والذوق

فرت عيها بصوت عالي

tell her i will leave 12:30 انا بمشي ١٢:٣٠ و طبعا اهي تدري انا بيني و بين غرفتها كم شبر.

انا فشلت وانقهرت من اسلوبها

انا مويايه أطر منها

الواحد ابروحه يروح هالعيادات ويبي يسمع كلمه حلوه تهديه

وهذي بعد هالنطره اترد جذي

مادري انا اللي ناطره ولا اهي

اشدعوه يادكتوره … ليش

حسبي الله ونعم الوكيل

قلت حق السستر مشكوووووره

وطلعت

الحمدالله إن رزق الذريه موبيد بني ادم

و الله لايعيزنا حق هالأشكال

واقول حق البنات اللي يراجعون عندها الله يتمم عليكم بس انا تجربتي كانت سيئه جدا معاها