تجربتي مع التلقيح الصناعي بالتفصيل الممل

السلام عليكم اول شي انا موحاطه تجربتي علشان احبط احد بس حطيتها علشان يمكن افيدكم وتفيدوني اول شي انا صارلي 9اشهر متزوجه وماحملت عملنا تحاليل وكل شي كان سليم عندي وعند زوجي رحت . قررت اراجع مستشفا السلام عند الدكتور محمد بكري ونصحني بسالفة التلقيح الصناعي وقعد يشرحلي عنها وانه نسبة نجاحها 25٪ وانا من كثر مابخاطري احمل وافقت قالي تعاليلي ثاني يوم دوره وجتني الدوره تاريخ 27/2 ورحتله ثاني يوم تاريخ 28 وعطاني حبوب كلوميد اخذها مدة 5 اييام وابركل يوم وترك 5 ابر وقالي تعالي 9 يوم من الدوره علشان ابرة التفجير وخلصت الكل ميد والابر و حت 9يوم دوره واخذت ابرة الفكتفجير بعد ماسوالي سونار وقاس المبايض وقالي بكره العمليه وهذا كان تاريخ 7 ويت موعدي خذو العينه من زوجي ونضفوها ونشطوها وعملي التلقيح والعمليه بسيطه ومافيها الم واخذ دقايق وخلص وخلاني منسدحه نص ساعه وعقبها قالي عيشي حياتج الطبيعيه وعطاني حبوب تثبيت وطلعت وللاسف جتني الدوره اليوم وماحملت كلمته وقالي ان في مجال كبير احمل هالشهر بدون علاج لانه للحين اثار الادويه بجسمي وانشالله خير اسفه عالاطاله واي استفسار انا حاضره وطلبتكم تدعولي الله يرزقني الذريه