تجربي مع الدكتور أحمد الخولي

السلام عليكم
حبيت انقل لكم تجربتي مع الدكتور أحمد الخولي بناء على طلب اخت عزيزة علي مع اني ما اعرفها لكن الله يشهد اني اعزها وايد وايد

المهم

بدأت مشكلتي مع السمنة بعد ولادتي ببنتي الثانية زدت فيها 8 كيلو ما نزلت منهم شي و بعديت الثالثة و نفس الشي 8 بدون نزول و الرابعة م هلم جرا
المهم مجموع الزيادة كان تقريبا 25 كيلو على مدي 9 سنوات حاولت خلالها كل انواع الريجيم و ما استمر .. ترى العيب فيني مو بالريجيم .. انا ما عندي ارادة
رحت لأكثر من طبيب تغذية .. ما كو فايدة

فجأة قررت اني تنزل وزني لأنه ركبتي و ظهري صاروا يعوروني وايد و صارت حركتي ثقيلة وايد

سمعت عن هالدكتور من الوالدة و خذيت رقمه 5727004 – 5728004
حطولي موعد ( مواعيدهم شوية بعيده ) و رحت له يوم 1 / 7 بدا معاي بالريجيم و يطيني موعد مراجعة كل اسبوع و كل اسبوع يغير لي النظام و يوم المراجعة العشا فرييييييي

نزلت ليما الحين 10 كيلو و من باجر ان شاء الله راح ابدأ احط لكم النظام من البداية
و راح امشي معاكم اول باول

الدكتور حبوب وايد بس يزعل اذا ما نزلت و يعطيج كلمتين عالماشي علشان تحسين بتأنيب الضمير .. بس جدا مؤدب و اخلاقه عالية

يقولون انه فيه ناس عطاهم حبوب.. انا ليما الحين ما عطاني شي

بالنسبة للأسعار : اول زيارة : ملف + كشف + جهاز مكونات الجسم = 20
بعدين 3 زيارات مجانية
بعدين الزيارة 5

و بس

اشوفكم باجر مع الأسبوع الأول ان شاء الله .. في أمان الله

أمانة تدعون لي اكمل وياه و اضعف زيادة لأني بديت أمل و أشتهي الأكل مرة ثانية