\ تجمع الاراده والالتزام و الانضباط " قاهــرات الشحـوم" الأول \

1- كاتبين بالرجيم فاكهه الموسم تقدرين تستبدلينها بـ 3 تمرات اذا ودج بتمر .

2- الخضار الطازجه : قصدهم الخضار الخضراء فقط مثل الخيار الكرفس الخس والبقدونس.

3-الهمبورجر ممكن تستبدلينه بكباب او أي لحم مشوي .

4-ممنوع الحليب منعاً باتاً مع النظام ولكن نقدر نشربه بإسبوعين التثبيت الثانيين .

5-بأول يوم بالغداء نقدر ناكل قطع مسلوقه بارده (مرتديلا دجاج أو ديك رومي على مرتديلا أو لسانات ).

6-في بالنظام غداء بديل يعني اللي مايعجبها الغدا اليوم مثلاً تقدر تبدله بهالغدا :

نصف فنجان جبن قليلة الدسم +ملعقة لبنة قليلة الدسم+فاكهة قدر ما تريد+3 حبات جوز +قهوة اوشاي .

7- في بنات باليوم السابع انزلو 7 كيلو ومن اليوم الثاني كيلو .

8-النظام مو كيميائي لكن منظم بطريقه تساعد على حرق الدهون بالجسم وممكن نلغي اي شي مانبيه بس مانبدل
ولا نضيف اي شي بكيفنا .

9-إذا ان شاء الله ودنا نسويه برمضان نقدر ندمج الريوق مع الغدا يكون فطورنا نصلي المغرب و ناكل
اكل الريوق و بعد الصلاه نكمل الغدا عادي والسحور يكون وجبه العشا.

10- ممكن ناكل بين الوجبات جزر وكرفس على كيفنا .

11- بيوم الهمبوجر تقدرون تاكلون لحم مفروم تحطون بالمقلاه وتعصرون الطماطه عليه بدون
زيت وتكلون الباجي الكرفس و الخس و الزيتون والخيار .

12-الحميه تنفع لجميع الفئات ماعدا مرضى القلب والحوامل ومرضى السكري الصعب ممكن
تستخدمين بديل السكر وممكن تشربين دايت باي وقت .

13-هالنظام مدته اسبوعين فقط 14 يوم وبعدها نظام التثبيت ضروري وبعدين اللي حابه تعيده تعيده .

14- مسموح بالجاي و القهوه طول الوقت مع سكر بديل (( كاندريل أو سويتن لو أو سبلندا )) .

15- الاعشاب مسموحه بأنواعها ومع السكر البديل .

16- الصنف مانغيره لوو شنو ماعدا اذا كان مكتوب لحم نقدر نستبدله بالدجاج أما السمج
مانبدله لأن الدكتور اللي مألف الرجيم يقول انه موزع الاكل بطريقه تحرق الشحوم فإذا احنا
غلطنا غلطه راح تخترب الخطه عشان جذي اقولكم التزموو عدل بالموجود .

18- نقدر نقيس وزننا كل يوم عشان نتشجع لأن هالرجيم ينزل باليوم نص كيلوو .

19- رياضه صعود الدرج 10 مرات و نزوله 10 مرات مفيده مع الحميه + المشي الصحيح .

20-الحرص على أكل الثلاث وجبات لضمان نزول الوزن .

21- راح اكتب لكم هنا برنامج المحافظه على الرشاقه اللي تتبعونه بعد هذي الاسبوعين

حق حمية سكارس ديل ((ممكن احنا نسويلنا نظام رجيم من هاللائحتين )) :

اتبعي هذه اللائحه من الممنوعات

1-لا تأكلي اكثر من قطعتي خبز في اليوم
2- السكر ممنوع
3- البطاطا والمكرونه والمعجنات ممنوعه
4- الحليب الدسم ومشتقاته ممنوعه
5-العصائر الغير طازجه ممنوعه
6- يسمح بالجزر والكرفس في كل وقت

المآكل المسموحه

– كل انواع اللحوم الخاليه من الدهن
– الدجاج مسموح بدون جلد
– كل انواع السمك مسموحه
– البيض 3 مرات فقط في الاسبوع
– الاجبان قليلة الدسم مسموحه وكذلك اللبنه والزبادي قليل الدسم
– الحساء وجميع انواع الشوربه مسموحه بدون اضافة حليب او كريما
-الخضار بجميع انواعها
– الفواكه التفاح , البرتقال , الاجاص ، الكرز ، الخوخ ،البطيخ الاحمر والاصفر ،
او اي فاكهه الموسم ماعدا الممنوعات
– عصير الفاكهه والخضار بدون اضافة سكر
– المكسرات يمكن اكلها بكميات بسيطه
– الخبز قطعتين باليوم
– المربيات المخصوصه للحميه والسكر مسموحه
– القهوه والشاي وكل انواع المشروبات المخصصه للحميه
– الكتشب والخردل والمخللات بكميات معتدله
– البهارات

طبعا من هذه القائمه ممكن تكوين وجبات معتدله يوميا تحافظ على الوزن

ولا تشعر بالاحباط والجوع ..

22- ممكن بنظام التثبيت نخسر بإسبوع من كيلو إلى كيلوين .