تجمع الحوامل القيصريات كل مايخص العمليه وقتها وبعدها للفائده

الطفل الثاني ما نزل البيبي ابدا 3 ايام والبيبي تعب قال الدكتور مافي امل لازم تولدين قيصري والدكتور قالي عملياتج صعبة شوية وما يحق لج الانجاب الا بعد طفل واحد يعني 3 اطفال فقط دخلت العمليات على اساس بنج نصفي بس صارت امور وتعبت وحالتي النفسية وقرر الدكتور يسويلي بنج كامل بس مو زين تعبت اكثر من العملية الاولى كلش وضليت دايخة حيل العملية الثانية كانت اسوء بالنسبة الية والاطباء ماكانو يعطوني مسكنات تعرفين عدهم في اوروبا ما يحبون يعطون المريض مسكنات وادوية وانا كنت اتالم حيل وابجي من شدة الالم وزوجي يفتر في الصيدليات على مسكنات ومحد يعطيني اهئ اهئ اهئ

والله كرهت الحمل والولادة بسبب العمليات كان حلمي اولد طبيعي وادعي ربي ليل ونهار ولكن قسمة وربنا ما راح

الحمدالله والشكر على كل شي بس الاحلى انو تشوفين طفلج مافي شي وانا ضحيت مرتين الاولى قالو لي اذا تولدين طبيعي البيبي يتعب وهو وزنة كيلو و100 غرام القيصري احسن ووافقت
والثانية 3 ايام وانا انتظر يارب اولد طبيعي وما نزل البيبي
وطبعا بسبب القيصري كنت ضعيفة وما اكل وما نزل مني حليب ابدا ولدي اثنينهم رضعو صناعي

نصيحتي لكل الحوامل ما يفكرو ويخلو في بالهم يولدو قيصري لان في كثير نساء ييطلبو انهم يولدون قيصري في سلبيات كثيرة في المستقبل انا العملية الاولى ما حسيت بيها بس الثانية تعبت حيل لحد الان الجرح يوجعني
ودائما عندي اللتهابات قوية تجيني والم بطني لحد الان يوجعني

الوحدة من تعرف حالها تولد قيصري خليها تحضر حالها من قبل لان تعب حيل الوحدة بس ينزل طفلها تنسى الالم كلة ولكن القيصري تبقى تعاني لمدة شهر

وتحافظ على الجرح من اللتهابات حتى لا يلتهب مرة ثانية وما تشيل اي شي ثقيل ابداااااااااااااااااااااااااااا

هنا في اوروبا ما يعطون مسكنات والله كنت اموت من شدة الالم بس ما يرضون حتى في الصيدليات ما يعطوني

اي والله انا راضة في قسمة رب العالمين و3 الحمدالله والشكر عليهم في ناس تتمنى طفل واحد بس انا حملت صارلي 4 اشهر وكنت صارلي 4 اشهر والدة قيصري وكان بس كيس للحمل بدون جنين وبعدين طحت في الفراش الدكتورة خطر جدا لازم نسوي لج عملية وونزل كيس الحمل لان راح احتمال يصير انفجار في الرحو وانتي والدة مرتين قيصري لازم تنتظرين سنتين وانا الصراحة عملياتي لحد الان الم قووووووووي

وسويت عملية الحمدالله الحمل صار بالغلط بس ما تحملتة سبحان الله شفت الموت وابني توة صغير ومحد يمي انا عايشة في غربة الله يعين

انا نويت احمل باخر طفل ربي قاسمة لي يمكن ربي يقسملي بنت تفيدني بكبري لان تعبت من كلشي كلة فوك راسي هههههه

ان شاء الله نويت من حمودي يصير عمرة 3 سنين احمل هو هسة عمرة 9 اشهر

انا الصراحة من اشوف وحدة والدة قيصري قلبي يقطعني عليها كان حلمي اولد طبيعي الحمدالله والشكر بس بنات

سؤال عن العمليات الي في الدول العربية؟

شلون تكون شكلها انا عملياتي مرتين نفس الجرح فتحو وتكون في العرض مو واضحة حيل يعني شوية تبين بس هيا مو تجميلية الاجانب ما عدهم هيجي شي بس ما شاء الله زينة يا دوب تبين والجرح صغير حيل لان اعتقد على وزن البيبي انا اطفالي كانو صغار اثنينهم الاول كيلو و100 غرام والثاني كيلوين ونص ؟

بس بطني مكان العملية لحد الان احس في خدر حتى في الاول ما راح يقولون ما يروح للابد ؟

الصراحة من احد يلزم بطني اخاف حيل اقول لالالا في الم يقولون معقولة لحد الان اي والله