تجمع المدرسة البريطانية الدولية ibs

بنااااااات ليش حاسة هالمنتدى الشامخ ع كثر العضوات اللي فية ولا وحدة مسجله عيالها هناك.

آمببيييييية موووووو صج

هلا والله أم بدر المدرسة اللي تتكلمين عنها بالفحيحيل عند المستوصف القديم مكان الكندية سابقا

اذا ايه أنا خاطري أدخل بنتي فيها لأن في مدرسة بمدرسة بنتي مدحتلي المدرسة حيل

السلام عليكم
انا ولدي ب2روضه وبجري وكنت ناويه ادخله الباكستانيه بس قالو لي اني تاخرت وراح اضره والحين ناويه باولي ابتدائي ادخله البريطانيه امانه شرايج فيها

هلا وغلا أم بدر أنا بنتي بالفحيحيل الانجليزية من الكي جي واهيا الحين اسم الله عليها بسنه رابعة وما عمري فكرت اني بنقلها من مدرستها لأن أمورها كلها تمام لكن هذي السنة حظها العاثر عند مدرسين موزين والادارة موراضين يغيرون صفها وفوق هذا صفهم زحمة

عاد انتي قوليلي شلون مستوى المدرسين عندهم وجم كثافة الصف وشلون عطلهم هل مع الحكومة ولا لأ وجم رسومهم ومتى يبدى التسجيل عندهم وعندهم كتب انجليزي لسنة 1 وثانية ولا لأ ، احنا مدرستنا بس يعطونهم كتاب العربي والقرآن والاسلامية

هلا الجازي مو من حقهم مايرضون يغيرون الصف ورسومكم حيل غالية واليوم امهات ثنتين ناقلين عيالهم من الانجليزية لمدرستنا يقولون اول كانت زينة والحين تدريسهم اي شي
تخيلي وحدة من الامهات تقول ولدها من الروضة عندهم والحين ثالث ابتدائي ومستواه جداً ضعيف ع حد تعبيرها ونقلته لهذا السبب انتي تهون 2400 ع الاقل بنتج استفادت ما شاء الله وهي ما ستفاد ولدها

*وبالنسبة للمدرسين مدري الا عن مدرسة بنتي بالروضة حيل باردة تقول ماقدر اضبط الصف وعادي عندها يقوم الجاهل يلعب بالصف ومعروف البريطانيين ابرد شعب بالعالم ومدرس ولدي باولى توة جديد واصل هذا الاسبوع من بريطانيا وتو ماتعرف على الطلاب زين بس يقولي ولدي مادرسنا اليوم يقول انة تعبان وانا ضحكت من قلب مسيكين انصدم بطلابنا هههههههههههههه

واعتقد الصف في 18 طالب واذا زادو الطلاب يفتحون صف جديد وانا ماقدر احكم عليها من اول شهر حكم جازم بس اللي اشوفة زين والرسوم حق اولى 1700 وشي وبعد عيال المدرسات يدرسونهم بنفس المدرسة واتوقع التسجيل للحين ماسكر بسال لج باجر وارد لج خبر
والاجازات مدري هل تتوافق مع الحكومة ولا لا ماعندي احد يدرس في الحكومة

ومعلومة مدرس الرياضة ما تاكدت منها لا سألت بس حطيتي في بالي اتأكد من صحة كلامة واحسج مهتمة حيل ماشاء الله حلو لقيت احد نفسي

وهم يعطون كتب العربي والاسلامية والقران منهج الحكومة والدفاتر من عندهم ويعطون اوراق عمل للانجليزي
ويحلون معاهم الواجبات في الصف

عموماً اجتماع اولياء الامور في تاريخ 6 اكتوبر. كل شي يبين فية.

واي شي بتسألين تفضلي مافتحت التجمع الا للفايدة مافيها ازعاج حبيبتي. *

عطينا رايح عن المدرسه وعندهم بري كي جي ومن اي عمر ياخذون كي جي؟
وجم رسومهم بشكل عام حق الكل جي و بري ومكانهم وين بالفيحيل بالزحمه ولا شلون ومتى اوقات دوامهم

اذا لهم سايت ياليت تعطينا