تجمع طالبات مركز الأترجة لحفظ القرآن

هذا اللي تحفظين القرآن كامل صح؟

انا ودي اشترك واحفظ بس مادري وييين

فووووووووووووووووووووووووق

الله يوفقكم وييسر اموركم

الله يوفقكم ويسهل عليكم حفظ كتابه الكريم

انا مشاركة بمركز الاترجة وايد حلو وتحفظين القران بسرعة بس انا ما كملت معاهم كانت عندي ظروف وغبت وايد وهم يطرشولي مسجات عن اوقات الامتحانات بس ما اروح…..

بسألك كيف تحفظون وشنو طريقة حفظك

الاترجه نظامهم
المجتهدات ………………يحفظون صفحه كل حصه …………وسهل بسرعه تحفظين وما ياخذ من وقتج

الفائقات…………………يحفظون صفحتين ونص كل حصه ………..يبي له وحده متفرغه شوي او اداريه وعندها اصرار

المميزات ………………….يحفظون خمس صفحات كل حصه …………. وهذا اغلب اللي فيه يكونون حافظين اجزاء من القران من قبل لا يدخلونه

بالنسبه نظام الفائقات احسن شي وسط لان المجتهدات احس انه بطيء حيل رغم ان ميزته انهم يحفظون باتقان

والمميزات صعب للي مو حافظ شي من القران من قبل

فالفائقات للي عندها اصرار وعزيمه افضل

والله ينفعنا ويرفعنا بالقران

السلام عليكم ورحمة الله وبركاته

سبحان الله وأنا اللي أدور بالنت عن اختبارات التجويد لمراكز الأترجة للمجتهدات

إلا أشوف هالموضوع

للي تسأل عن نظام الدراسة بالأترجة

طبعا نظام الدارسات فيه مقسم لمجتهدات مثل ما قالت الإخت الله يجزاها خير واللي هم يحفظون وجه واحد ويخلصون حفظ القرآن

بعشر سنوات لأن بالسنة الواحدة يحفظون 3 أجزاء بعد ما يوصلون لسنة سادسة ينتقلون لنظام الفائقات ويتم حفظ باقي الأجزاء بسنتين

الفائقات واللي هم يحفظون ربع حزب يعني وجهين ونص ويخلصون حفظ القرآن تقريبا بأربع سنوات لأن نظام الحفظ عند الفائقات

إن بالسنة يحفظون 7 أجزاء

المتميزات مثل ما قالت الإخت يكونون حافظين أجزاء من القرآن عشان يكملون حفظ الباقي منه

أنا من مستوى المجتهدات بسنة ثانية يعني نكون حافظين 6 أجزاء لكن حابة بإذن الله تعالى إني أنتقل لمستوى الفائقات

السنة القادمة إن الله أحيانا لذاك اليوم والسبب إن نظام المجتهدات وايد طويل وسبحان الله خير الأمور أوسطها

وبالنسبة للسند طبعا نقراه على شيخة يكون عندها سند وتجوّز لنا القراءة وأعتقد بعد لازم يكون عن طريق الأوقاف

بنات سبحان الله القرآن إذا ما تراجعينه على طول تراه يتفلت مثل ما قال حبيبنا محمد – صلى الله عليه وسلم – يعني

لازم المراجعة الدائمة للحفظ وحفظ الجديد أول بأول ولا تراكمون الحفظ عليكم بعد يصعب عليكم حفظ الجديد ومراجعة الأجزاء

القديمة

والحلو بمراكز الأترجة إن المراجعة للأجزاء القديمة أول بأول وبكل أختبار آخر العام الدراسي يعني بإذن الله تعالى ما راح تنسون

الأجزاء القديمة اللي حفظتوها وحتى اختبارات التجويد تكون دائما من أول مرحلة تدخلونها عشان يكون سهل عليكم

واللي تسأل عن طريقة الحفظ يكون عندج سيديات لقراء معروفين وقراءتهم وااااااضحة مثل علي الحذيفي ،، عبدالله بصفر ،،

المنشاوي ،، الحصري ،، لا تقول نسمع للسديس أو العفاسي أو المعيقلي أقولها لكم لااااا

سمعوا لهالشيوخ عشان تقرون القرآن صححح وبالتجويد بالأول اسمعوا للشيوخ اللي قلت لكم عنهم وبعد ما تعلمتوا القراءة

الصحيحة كيفكم بعدين سمعوا للشيخ اللي تحبون صوته ،، أرد وأقول لكم يابنات لا تاخذون على صوت الشيوخ ،، لأن قراءة السديس سريعة وإنتِ بالبداية لازم تعرفين الأحكام ونطق الحروف صح بعدين سمعي للي تبين

المهم عشان تحفظون مثل ما قلت لكم سمعوا سمعوا سمعوا سمعوا السيديات الاشرطة ليش السماع ؟؟ لأن بالأول تسمعين القراءة

الصحيحة للشيخ وين يكون التفخيم ووين يكون الترقيق ولا الإدغام والقلقلة ومن أمور التجويد ،، وبعدين مع التكرير سبحان الله يسهل عليج الحفظ

يعني بدل ما تاخذين اليوم بطوله عشان تحفظين وجه واحد بطريقة السماع تقريبا نقول نص ساعة أو أقل أو أكثر حسب مقدرة الوحدة على الحفظ يعني فروقات فردية من وحدة للثانية

هذي بعض مواقع القرآن اللي دائما أستمع لهم وأنا أحفظ موقعين رائعين فعلا والله يجزي اللي سواهم كل خير عنا

الموقع الأول : http://tanzil.net/#1:1

الموقع الثاني : http://www.mosshaf.com/web/

والموقع الثاني جدا جدا رااااااائع واكثر من رااائع لأن فيه التجويد وفيه معاني الكلمات والتفسير والإعراب وأمور كثيرة

يابنات أتمنى إنكم فعلا تتجهون لمراكز الأترجة أو الشاطبية لحفظ القرآن الكريم لأن القرآن هو الشي الوحيد ينفعنا دنيا وآخرة

لأن بالأخير يكون لنا شافع وحجة لنا بإذن الله تعالى

السموحة منكم إني طولت عليكم لكن حبيت أفيدكم باللي عندي