تجمع عذاب و مشاكل الرجيم

سلام بنوتات
هذا اول موضوع لي بهالقسم لكن لاحظت ان البنات فيهم هوس
الكل يبي يضعف و يبي يصير سمبتيك لكن محد اهتمن بالمشاكل اللي تصاحب الرجيم…
راح اقول لكم أهم المشاكل علشان اي وحده تسويي رجيم تاخذ بالها و ذلك للمصلحه العامه

النزول السريع بالوزن يؤدي إلى عده مشاكل:
1- سترتش ماركس (يصيرون مثل خطوط بيضاء نفس اللي يطلعون حق الحامل )
– الحل : إذا كنتي تبين تضعفين دهني المناطق اللي فيها نسبه كبيره طول ما انتي مسويه رجيم و وزنج قاعد ينزل من الشحم مثل البطن و الارداف و غيره ( ممكن ما يمنع100% لكن يخفف )

2- تساقط الشعر
الحل: اخذي فيتامينات ملوت الشعر مث الزنك و الحديد و غيره

3- البشره تصير مليقه
الحل:كثري من شرب الماي و خلج دوم مع المرطبات و غيره

4- الترهل (لما فوق ال20 كيلو)
خلج دووم مع التمارين ترى صج الواحد يعيز و ماله حلق بس ترى هذا جسمج العيز ما راح يفيدج بشي لكن ليمه تسوين تمارين راح تشوفين جسمج يشد

و الحين استأذن و كل وحده تقول لنا مشكلتها و انشاء الله تعم الفائده على الجميع