تجمع للي ازواجهم ينامون بالصاله

السلام عليكم ورحمه
اشلونكم حبايبي شخباركم ييتلكم هالمره بموضوع محيرني !!!!
واهو الازواج وهروبهم الى الصاله او الدوانيه او الغرفه المهم الي ما تكونين انتي لا فيها ولا عيالج
اي عاد خل اقولكم انا شفتها ظاهره وايده انتشارها بالكويت عندي وعند اختي
وعند اخت رفيجتي وخالاتي
عاد لا تقولون ما تكشخون ولا تتعدلون حق رياييلكم ولا ريحه الغرفه تلوع الجبد لان عسى ما خلص ولا طفا الفحم شبيت ثاني حق البخور
اي عاد قلت لازم الاقي حل
شسوييييت تهقووون؟؟؟؟

مثلت اني دلووعه وحليمه بولند متعلمه الدلع مني
قعدت ابجي باول ايام اقوووله اخاااف بروحي

ما نفع وياه يقولي تخافين من شنو بيطلعلج اليني يشووفج صدقيني راح يخترع ويتحسف (كله مكسر مجاديفي هالريال )

قلت اخذه بالقوه والنجره (الي يشووف يقول لسانها طويل مو من خزه طايحه بالارض)
واقووووله ما يصير جذي شحقه انا متزوجه يطالعني يقولي بقمه البرود (غسلي قحافيي حق باجر الدوام )هم ما نفع؟؟؟

قلت خل اخذها بقالب اخر
رحت دشيت غرفه الملابس ولبست قناع بنتي وهالحجي الساعه ثنتين توه ياي من الدوانيه هلكان من الكوت بو سته ولبست عبايه سوده ومسكت مخمه انا ناديت ريلي توني ما سويت هووووووووووووووه للحين كنت حافظه جمله من البيت المسكون شريط بنتي ولا ماشوف الا الي قام من تحت الكفر انا اركض واهو يركض وياي ماكو مطرح ما شقحته ماكو مزهريه ما انكسرت واخرتها كسر المخمه على راسي

يقولي عشان اتوبين وما تطيرين فيها على هالقناااع

جربت كلشي مانفع وانا الي عندي ابو الهول لا تعليق بس تبون الصج المخمه بقعت على ظهري شدراني انا بعد ما تغشمرت الا ويا هوقهوقن المهم انا بسوي تجمع حقه المشكله ولازم انلاقي الحل

حتى الجراغي ما نفع فيه
شبيته طقيت مسامير بالغرف الي يمي ما نفع الي عندها الحل اتحطه وشنو سويتو ؟؟؟؟

ولا والله شكلي راح اخليه مثل خرج ولم يعد

وبث

سلملم