تخطى إلى المحتوى
الرئيسية » تجمع لمستجدات وطالبات كليه التربيه _ جامعه الكويت

تجمع لمستجدات وطالبات كليه التربيه _ جامعه الكويت

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

بسم الله الرحمن الرحيم ..
السلام عليكم ..
شلونكم يامدرسات المستقبل ان شاءالله بخير ؟! ..

بصراحه انا لما شفت المواضيع عصبت شنو هذااااااا كل كليه فاتحه تجمع حق مستجداتها الا احنا ..
عاد انا انقهرت وغرت بعد وقلت لازم افتح تجمع حقنا

..

يالله يابنات هالتجمع حق بنات التربيه فقططططططططططططط ..
سولفوا فيه عن اللي تبون وتعرفوا على بعض ..

صج والله خوش فكره ماادري شلون خطرت على بالي , نتعرف على بعض ..
يعني مثلا المستجدات اللي مايعرفون احد بالكليه , يدشون اهني ويقولون شنو موادهم ومتى الوقت , يمكن يتعرفون على بنات ..

يببببببببببببه الموضوع موضوعكم سووا اللي تبونه , المهم نفتح تجمع حق بناتناااااااااااا ..
وانا اتوقع ان احنا بنات التربيه اكثر كليه موجوده بهالمنتدى , يالله لاتفشلوني , ودشوا سجلوااااااااااااااا تسجيل دخول

الوسوم:

14 أفكار بشأن “تجمع لمستجدات وطالبات كليه التربيه _ جامعه الكويت”

  3. brinhu
    الرد

    هـــــــ،،،ــــــــــــااااي

    يااحلى بنات ميرسي سوسيتا انج فتحتيلنا هالمجال نتعرف فيه على بعض وبما ان اختي مستجده بالجامعه كليه التربيه انا حابه افيدهاا

    وودي اسال البنات عن شغلات وااااااايد

    بــس بعد مانتعرف على بعض

    حيـــاتي سوسيتا مواضيعج رووووعه الله لايحرمنا منج يا شمعه المنتدى

  4. hanan
    الرد
    ياهلا فيكم يابنااااااااااااااااااات التربيه فديتكم كلكم ..

    التجمع تجمعكم قولوا فيه كل اللي تبونه ..
    مااااااايصير كل الكليات فاتحين تجمعات الا احنااااااااا ..
    يالله نبي بعد بنااااااااااااااات ..

  5. chichaki
    الرد
    اي صج نسيت , انا بالتربيه بس مو مستجده ان شاءالله رايحه ثاني سنه , بس ليلحين احس نفسي مستجده , يمكن لاني ماخلصت الا 5 مواد خخخخخخ عشان جذي , حتى بالسيستم يطلعلي اني مخلصه بس كورس واحد ..

  7. hanan
    الرد
    السلام عليكم

    شخباركم بنات ان شاء الله تمام ؟

    وبالذات انتى سوسيتا انتى اكثر وحدة حابة اشوفها بالكليه

    وبنوتات بقولكم اساتذتي واللى ماخذة وياي تقولي

    انا ماخذة عند مهزع الديحاني وامان محمود وزهرا بارز وحمد الرشيد

    وحتى انتو يالمستمرات ساعدونى شرايكم فيهم ؟؟

    ومشكورين

  8. hanan
    الرد
    اى صح ونسيت اسألكم

    متى المقابله الشخصية ؟؟ اى تاريخ لانة محد قالنا ووين مكانها ؟؟

    ويالمستمرات ساعدونا شنو اسألوكم قولو لنا عشان نستفيد من تجاربكم

  11. kamiliya
    الرد
    انااااا اناااااا انااااااا ويااااااااااااااكم

    انا بالتربيه بروح 3 انشالله

    واي سؤال تبون انا حااظر فديتكم

    اي صج انا تخصصي عربي متوسط ثانوي و قمت الاسبوع اللي طاف حولت تخصصي لرياض اطفال و للحين ما طلع

    القبول قاعده على اعصابي

    و اي شي تبون تسألونه حياكم درعمو ههههههههههه

  13. khouloud
    الرد
    المقابله الشخصيه لا تحااتون وربي سهالاااااات

    بس هم يبون يشوفون النطق عندج و الفهم والتركيز

    والاسأله دايم تكون

    ليش اخترتي كلية التربيه

    و شنو تبين تتخصصين

    و ليش اخترتي هالتخصص

    اهم شي خلي عندج ثقه بنفسج ولا ترتبكين

    والاغلبيه يعطون قصيده او قصه و يقولون اقريها بيشوفون نطقج

    وانشالله سهالات يا رب موفقين

  14. inzou07
    الرد
    بنات يعطيكم العافيه شلووونكم انشاء الله تمااام

    الله يوفقكم كلكم انشالله وكل وحده تخصص حسب الللي تبيه يااااااارب

    ميرسي بنت الاجواد طمنتينا على المقابله كنا متخرعين منها

    وحبيت اسالكم شرايكم بالدكتووور ايان بود يدرس تمهيدي انجلش؟؟؟؟؟

    ميرسي للمره المليوون على هالتجمع الرائع اللي فتحت مجاله اختنا العســــــــل سوسيتا……..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.