تجمع لمعلمات علوم الاسرة والمستهلك

السلام عليكم شلونكم يا كويتيات ((المدرسات)) انا حابه اسوي تجمع حق معلمات ماده علوم الاسرة والمستهلك يعني الاقتصاد المنزلي سابقا..
منهجنا الحين تغير وااايد صار مثل ماده الفنية والكل قاعد يشوف المدرسات مو عارفين شي ولا عارفين شلون يعلمون البنات ولي سألتي الموجهه تقول انشالله نعطيكم دورة ؟؟؟ شنو هالدورة والمنهج خلص

المهم ابي كل مدرسة عزيزة وفاضلة تدرس ماده علوم الاسرة المستهلك تدخل وتبيدي رايها المناهج اليديدة
شنو رايكم القديمة ولا الحين؟؟ وشلون التوجيه معاك حسب كل منطقة تعليمية؟؟ وخلونا نشارك بعض الافكار والهموم
خصوصا حبيباتي ان السنه الياية المرحله المتوسطة راح تصير حصة وحده + تدريس ماده اسمها العمل التطوعي تدروون
والمرحله الثانوية راح تصير حصتين بدل حصة + فيها عملي يعني كل سنه تغير يديد…
شدو الحيل والهمه خل نشارك بعض بكل ما عندنا من افكار مقترحات
واتمنى القى منكم ردود حلوة … ….. شكرا….