بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بسم الله الرحمن الرحيم
السلام عليكم ورحمة الله وبركاته
بنات ألف مبروك
أنا إنقبلت في كلية الطب المساعد أبي أعرف منو إنقبل معاي؟
وأبي أعرف معلومات عن الكليه بليييييييز ساعدوني؟
وشكرا
بسم الله الرحمن الرحيم
السلام عليكم ورحمة الله وبركاته
بنات ألف مبروك
أنا إنقبلت في كلية الطب المساعد أبي أعرف منو إنقبل معاي؟
وأبي أعرف معلومات عن الكليه بليييييييز ساعدوني؟
وشكرا
الله يبااارك فيج …
احلى تجمع ان شاء الله …
ومبرروووكــ بعد لج ….
وان شاء الله ربي يوفقنا ويوفق الكل والـــــــجمــــــــــيع …
على حسب اللي سمعته الكلية حالها حال الطب يعني مو سهلــة يبيلها مجااابل وشدت حيـــــل ..
ومثل ما قلتلج هالموقع بيفيدنا عشان نعرف منو الدكاترة الزينين
http://www.kuniv.net/index.php?p=21
اللي اهو قيـــــــم مدرســــــكـ ..
ويالله نبي التجمع يكبر …
ونبي أكبر تجمع علشان نفيد بعض ونساعد بعض
والله كريم
مشكووووووووووره مره ثانيه روج
بنات أمانه اللي بالكليه ومو مستجدات إذا تقدرون تساعدونا بشي معلومات
مثلا نظام الكليه وغيره بليييييز ردوا
مافي الا احنا مستجدات كلية الطب المساعد
قمة الإحباااااط بنااااات شصاير
معقوله الكل حقوق وعلووووم إداريه عموما مشكوووووورين وما قصرتوا
ولا يهمج روج أنا قاعده أبحث عن الكليه وإذا عرفت شي بقولج
يالله بنشوف بعض عقب باجر بصالة التسجيل والقبول بالشويخ ..
الله يسهل علينا .. ويوفقنا ..
بس تدرين احسن عشان يمديني قبلها اسويلي حساب على بنك الاهلي او التجاري
..
ويوفقج يااااا رب …
يالله كل شي خيرة ويصير تحولين بعد اجتياز 30 وحدة ..
المهم …
اختي خذت بالكورس الصيفي عند دكتور ايهاب العنزي .. تقوول ماااا شاء الله عليه دكتور طيب ويفهم ومتفهم .. ومحاضرته مو كلها جد بجد .. وقت للسوالف ووقت للدراسة .. ومحترم ويحب البنت المحترمة ويكررره البنت اللي تضحك وتميع عنده ..
واختي غابت اشكثر بس ما نزلها غياب يعني والله حيل متفهم .. واللي غابت ولا يوم بالكورس عطاها درجات أو خلاهم ما يمتحنون امتحان والله ما اتذكر
،، بس كانت تقول كل البنات يخليهم يجاوبون يحب شي اسمه مشااااااااااركة وحافظ اسماء الكل
وان شاء الله راح اسألج اختي اذا في دكاترة زينين بعد
الله يعافيج والله ما سويت شي …
اي صح اذا ماخذه ماده تمهيدي لاازم يكون معاها ماده وحده فقط …..gif "Eh S(14)")
والمعدل ( معدل الفصل الأول ) كلللله بيعتمد على ذيج المادة يعني ماراح يعتمد على التمهيدي لأن التمهيدي اذا نجحتي فيه بس بيحطون لج pass واذا ما نجحتي الله لا يقوله بيحطون لج Not Pass ..
عشان جذي اخذي مادة سهله ومشتركة مع الشريعة مثل تاريخ الكويت .. عند دكتور عبدالله الهاجري خوووووووش دكتور ..
أو عند دكتور ظافر العجمي >> تاخذين A وانتي مغمضة عيونج دكتور عسسسل بمعنى الكلمة ..
…………
بس تعاااالي .. بقولج شي اذا انتي بتحولين حق كلية علمية ( هندسة – طب – طب مساعد – …. الخ ) لااازم تقولين للي تسجل الجدول انا بحوووول يعني ابي مواد مشتركة وابي مواد تمهيدي …
وبعدين اول مرة التسجيل هم اللي يسوون لج الجدول مو انتي تقعدين تختارين … وانشبي لهااااا لا تحط لج دكاترة مو شي ترى اللي بالتسجيل نفوووسهم شيييينه …
اي يصير مثل تاريخ الكويت .. مشتركة مع اغلب الكليات ..
ويدرسونها بكلية الاداب او التربية ..
رووووج إن شالله أشووووفج
إي الوقت كلش خايس
بس الحمدلله يعني ما في قعده من الصبح
وقالولي روج إن الجدووول راح يكون حق سنه
يعني في مواااد رياضيات وفيزيا وكيميا وأحياء وطبعا معاهم لاب وإنجلييييييزي بلا شك
ورااااح يخيرونج بالجدووول فقط عن أي مواد تاخذينها الكورس الأول وأيهي تاخذينها الكورس الثاني
يعني تبين أول كورس فيزيا أو كيميا بس لازم تاخذين وحده منهم
إإإإإإإإإإإإإي بعد نسيت شي في ماده إختياريه يعني تختارين ماده من المواااد اللي رااح يعرضووونها علييييج
وبعد المواد العلميه الرياضيات والكيميا والفيزيا ناخذهم بكلية العلوم وبعد مالنا حق نختار الدكتور حسب اللي سمعته
وراااح يكون اللي سجلوا أول كورس كيميا موزعينهم على كلاسييين فاتحينهم مخصوص حق الطب المساعد وعند دكتورين مختلفيين ونفس الشي للي إختاروا فيزيا
أتمنى إني فدتج علشان باجر تكونين على بينه وتكونين عارفه شالموضوع وما تضيعين يعني حددي شنو تبين أول فيزيا أو كيميا
وسلامتج