تجهيزات العروووس ساعدووووونا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

جيبي كشكول وقسميه او اشتري الكشكول المقسم وفكي عمرج

وابدي صنفي الاغراض
يعني اغراض يوم العرس والمسائية ان وجدت
اغراض خاصه بالبيت من لبس البيت ومعطرات و ….
اغراض خاصه بالطلعات …
وابدي صنفيهم ( من جواتي / جناط ….
واكتبي العدد اللي تحتاجينه من كل صنف وجم المبلغ المتوقـــــــــع

يعني مثلا انا حطيت اغراض يوم العرس
بدلة العرس ————- 1000
اكسسوار العرس ——- 500
الصالون ————— 300
برنامج عروس ——– 100
الطقاقة ————— 150
المسكة ————– 100

المجموع النهـــــــــــــــــــــــــــائي = 2150
روحي عزلي هالمبلغ على صوب وطبعا هالمبلغ قابل للزيادة او النقصان يعني ممكن بتزيدين 300 دينار حسب الاسعار
او بتنقصينهم 200 او 300 هم حسب الاسعار وحسب اختيارج
بس جذي بيكون اسهل عليج لانج من اول توقعتي السعر وحسبتي حسابج فيه

————————————————————

وعلى هالاساس قسمي احتياجاتج
اي نعم الامر متعب ويحتاج قعده
بس انتي بعدين بترتاحين وبيكون كل شي تحت سيطرتج يعني ما راح تكتشفين انج شاريه بهبل او اشياء مالها داعي او ناسيه شي

————————————–

شغله مهمة خلي قسم من اقسام الكشكول كتبي فيه كل شي شريتيه
يعني عقب ما ترجعين من السوق وانتي بعدج ما قطيتي عبايتج امسكي الكشكول والقلم
وسجلي كل شي شريتيه وجم سعره ومن وين واحسبي المجموع حق كل طلعة سوق علشان تعرفين جم صرفتي بهالطلعه ؟

وعقب كل فترة جمعي المجموع النهائي وشوفي لحد الحين جم متكلفة ؟؟ وجم محتاجه علشان تخلصين ؟؟
حتى ما تصير خرابيط مو بحسابج وتتوهقين

——————————

انا هذه طريقتي واي سؤال حاضر وفعلا صحيح اني شريت شكثر اغراض
بس ما شريت شي مو محتاجه له الحمدالله
وصحيح اني زدت فوق مهري الدبل
بس هذا لان مهري شوي وما يكفي بس الحمدالله راضيه عن نفسي

واي استفسار على هالطريقة انا حاااااضر ومستعده اشرح مره ومرتين وعشرين
مو ابله هههههههههههههههه ما امل من الشرح