تدرسين بالجامعهوانتي موظفه ابيييييج شوي .بنات التطوير والتنميه حياكم

شوفي حبيبتي انا كنت موظفه بوزارة التربية وقدمت على اجازة دراسيه بعد سنتين وطبعا كانت بنص راتب بس لما كملت 3 سنوات صارت براتب وطبعا كان تقديري امتيازات بس مادري لازم امتيازات اولا.
وكملت بكلية التربيه بالشاميه والحمدلله الله سهل وخذيت البكالريوس

وسلامتج

حبوبه انا الحين قاعده اكمل دراستي بالتربيه الاساسيه , واساسا انا موظفه بالتربيه , ان شاء الله مافي صعوبه بالتقديم وخلاص النشره طلعت من شهر 11 او 12 وقدمو الناس طلباتهم يمكن تلحقين عليهم بس مري بمكتب التطوير اللي بالجابريه اخذي النشره واخر النشره في فورما تعبينها وبعدها لازم مسئولج يوقع وترفقين معاها اخر شهاده لج اللي فيها الدرجات وتودينهم الجابريه واستعجلي بالامر وراح يدقون عليج اذا اقبلوج من الدفعه الاولى على شهر 7 تقريبا واذا ماقبلوج بالدفعه الاولى عيل في احتمال يقبلونج بالدفعه الثانيه يعني يدقون عليج على شهر 11 او 12 ….
حبيبتي ترى الطموح جدا حلو والدراسه حلوه واهناك عالم ثاني ووناسه لما ترجعين وتدرسين يا حلوه … بس يبيلج صبر بدايه الكورس يمكن تحصلين على صعوبه بالدراسه اذا انتي قاطعه فتره طويله …… المهم حبوبه انا متزوجه وعندي عيال بس الحمدلله موفقه بين الدراسه وبيتي وزوجي متفهم …. بس صدقيني حلاوة الدراسه لما تجتهدين سواء في بيتج او دراستج … المرأه المتزوجه اعتبرها بجهاد علشان اهي بجذي اسميها المرأه الحديديه … بالنهايه اذا انتي حابه الدراسه وطموحج عالي وعندج هدف وتحبين توصلين له صدقيني جميع العقبات راح تجتازينها وبالنهايه الحلاوه تكون بين ايدج واللي اهي السلاح واقصد الشهاده … الله يوفقج ويرزقج هالرزقه الطيبه واللي اهي قبولج ان شاء الله