تدرون وش حل للأفرازات والحكة والريحة الكريهة؟؟

شوفي عمري ..أول شي لازم تتأكدين من غسل الملابس الداخلية جيداً وشطفها بالماء حتى يزول منها أثر الصابون تماماً

أحياناً كثرة الصابون مع عدم شطفه جيداً بالماء يسبب الحساسية فتأكدي من غسلها جيداً بالماء

2 – يمكن نوع الفوط النسائية التي تستعملينها تسبب حساسية يعني عندج أولويز فيه نسبة كبيرة من النايلون يمكن يسبب الحساسية فالأفضل تغيرينه لنوع ثاني من الفوط النسائية

3 – كذلك إذا كنت مصابة بالفطريات فأحياناً كثرة استعمال الماء عند التشطيف يهيج الفطريات فتزيد الحكة …..حاولي أن تخففي من استعمال الماء عند التشطيف …حتى لو اضطريت الاستغناء عنه لمدة ثلاثة أو أربعة أيام …وممكن الاستنجاء بالكلينكس فقط مع مسح المنطقة بالكلينكس المرطب الخاص بالمنطقة الحساسة …وقد أفتى العلماء بجواز ذلك عند الضرورة …

4 – لا تجعلي المنطقة الحساسة ناشفة جداً وحاولي أن ترطبيها بعد الاستنجاء بزيت بيبي جونسون ..يعني امسحي من الخارج وقليل جداً من الداخل مع الحذر الشديد لأنج بنت …وصدقيني زيت بيبي جونسون وايد يفيدج لأنه مفيد للأطفال الرضع يعني إن شاء الله بيريحج .

5 – وقت الدورة الشهرية دايماً شربي دارسين ومشروبات دافئة …حتى تساعد على خروج الإفرازات والأوساخ جميعها من الرحم …كذلك تجنبي المشروبات الغازية أو الأحماض عموماً مثل شرب اللبن أو البرتقال أو الليمون ….وتدفي عدل ولاتعرضين روحج للبرد …ولاتتركين الفوطة النسائية أكثر من ساعتين مع التغيير المستمر …..وبعد الاغتسال من الدورة امسحي بحذر أثر الدم بمسك .

ماتشوفين شر عمري ….والله يشافيج ويعافيج

اختي لا تخلين نفسج وراجعي طبيبة نسائية اريح لج تعطيج العلاج المناسب ولا تقعدين بهالعذاب وتهملين نفسج يمكن يسبب لج مشاكل بعدين

وأتوقع انها مشكلة بسيطة بس انتي لا تخلين الحيا يمنعج من مراجعة الطبيبة لانها احتمال تقولج روحي للمختبر وخليهم يفحصون عينة من هالافرازات من غير كشف مباشر عليج وانتي بنفسج تحطين العينة في قوطي الاختبار

مشكوين بنات ما قصرتو
وانا سويت طريقت قهوة عربية
صاراحة جربت طريقة بيبي اويل عجيييبة وارتحت منهاا

هلا
حبيبتي بالنسبه للافرازات و الحكة مو شرط يكون التهاب او فطريات
الخلل الهرموني هم بعد سبب في زيادة الافرازات
اذا جربتي حلول خارجية و ما نفعت ( كالغسول و المراهم ..الخ )
جربي تستعملين علاج ذاخلي

شوفي انا كنت كاتبه موضوع قبل عن السوالف هاذي ..تلقين فيه كل التفاصيل و هو موضوع خطوة بخطوة من اول النفاس الى اخره سوي بس بحث و تلقين كل الاعشاب الخاصة

بس عموما الحين حاولي تاخذين منقوع الاعشاب كالمريميه وورق الجوز و الفراسيون فهي ان شاء الله تقطع الافرازات و ممكن استعمالها كغسول ايضا

و كذلك غسول البابونج مفيد في بعض الحالات …

بالنسبه للحكه ننصح بعدم الاكثار من الغسيل و التشطيف لان كثرة التغسيل تقتل بعض انواع الفطريات بالمهبل و هي اساسية لعدم حدوث التهابات و حكة فالمهبل بطبيعيته يحتوي على انواع من الفطريات تقوم بتنظيفه طبيعيا و كثرة الغسيل تقضي عليها و كذلك استعمال بعض انواع الصابون المهيجة للبشره او بعض المعطرات ..الخ
لبس ملابس قطنيه ناعمة

و سلامتج

مشكورة خبيرة الاعشاب
انا الحين مسويه غسول بقدونس مدري سمعت عنه ويمدحونه
الحين الافرازات احس خفت عن اول كثير
بسبب التنشيف والغسول البقدونس وغسول من الصيدلية
بس الحكة هي زايده شوي عشان التنشيف
وسلامتج
بس حبيت اسال شنو اسم الموضوع عشاب ابحث عنه

اغلي بابونج وخليه لين صير دافي وتنقعي فيه وممكن تستعملينه كغسول يمدحووونه

وايضا قبضة ملح طبيعي مو مال الطبخ لا من العطار وخليه بماي وخليه غسولج

ايضا المره مكن تنقعينها وتغسلين فيا لين تروح الالتهاب واني واللي ريحج كلهم يمدحونهم

وماعليج شر