تدريبات يومية لاطفال التوحد

حاجات بسيطة ممكن تعمليها مع ابنك خلال اليوم ..

– الاستجابه للاسم عند النداء
نقعد نقول مثلا يا محمد طبعا مش هيرد نطلع حاجه حلوه ونديهاله بس اول لما يرد وهكذا كل مره لحد ما يربط اسمه بالمحفز ده نبدا بعد كده نسحبه شويه شويه لحد ما يتعود يرد على اسمه طبعا الموضوع ده ممكن ياخد شهور مش سهل كده انا بس بشرح

2- يستجيب للامر ( تعالى هنا )
نقعد نقول تعالى هنا ونشور وننادى وهكذا

3- تقليد حركات جسميه بسيطه
مثل نقعد نسقف اقدامه ونحاول نعلمه يقلد ويسقف ………..

4- تقليد حركات باستخدام اشياء
مثلا نجيب عربيه او عروسه ونقعد نحركهم ونحاول نخليه يقلدنا لان الاولاد دول لا يحبو التقليد علشان كده الغرض من التدريب ده نعلمهم التقليد

5- تقليد حركات باستخدام اشياء (مقترنه بصوت )
مثلا نجيب عربيه ونحركها قدامه ونقول بيب – بيب ونحاول نمسك ايده ونحرك معه العربيه ونقول بيب بيب والغرض انه يتعلم ان يقلد حركتنا ويقول زينا بس طبعا لما ينطق

6- pecs
وفكرته انك تصورى بالموبيل اى حاجه بيحبه الطفل علبه اللبن – المرجيحه – شخص بيحبه -كوبيه بيحبها ….. ونبدا نجيب الصوره ونقوله كوبيه فهو بيحبها فهيهتم ويبوص ويحاول يمسكها فيركز معايا واقعد اقول كبايه

7- التعرف على الاشياء
مثلا نجيب طبق ونقعد نقول طبق

8- التعرف على اجزاء الجسم اما عن طريق لصور او المشاوره

9- التعرف على الاسره
عن طريق الصور

10- مهارات حركيه صغرى
نجيب طبق فاضى والاخر به عملات او كور صغيره جدا الوان او خرز الكونكت فور ….ونبدا نعلمه ينقل من طبق لطبق واحده واحده واقول ( حط هنا ) طبعا فى الاول نمسك ايده وبعدين شويه يبدا المفروض يضعه لوحده

11- مهارات حركيه كبرى
مثلا نجيب طبق كبير به كور كثيره ونرميها على الارض ونبدا نعلمه يحطها واحده وحده فى الطبق من انه يقوم يجيب ويجى يقعد جنب الطبق ويحطها طبعا فى الاول بمساعدتى وبعد ذلك لوحده