قوه
شلونكم
اختي المسكينه ميته من البجي 
اهي توها ماكملت سنه من ولدت قيصريه وكانت قبلها بسنه بعد والده قيصريه يعني عذاب بعذاب وخذت ابر تمنع الحمل صارت قويه عليها وتعبتها وخذت حبوب مانع علي نصيحة اختي الكبيره جربتهم وارتاحت ماحت شعرها ولا تعبتها كلش
امس تبجي تقول تأخرت الدوره ورحت لدكتورتي جان تقولي انتي حامل شلون
جان تشرحلها الدكتوره ان في حريم ماينفع معاهم اي حبوب واحنا ذابحنا الجهل بهالديره مو نفس امريكا ودول برا يسوون للمره تحليل شامل يشوفون اي نوع من الحبوب يناسب جسمها مو اي شي
احنا هني نسمع حجي فلانه وفلانه ونشتري اي شي ونلعب بعمرنا لازم تحليل وفحوصات وبره مايصرفون حبوب المانع الا بروشيته اهني حتي الياهل يعطونها حبوب المانع عادي
المهم اختي تبجي شلون 3 عمليات ورا بعض واهي مو قاصده المسكينه جان تتذكر انها خذت بندول لانها مريضه
الدكتوره قالتلها انه البندول يضعف عمل المانع عشان جذي حملتي
عاد خوفتني انا بولد شهر 3 الياي وخايفه من هالسوالف وودي اسوي تحليل اشوف الحبوب الي تناسبني عشان جذي بسأل دكتورتي ومستحيل اخذ شي علي العمياني
وهذي نصيحتي لكم وعشان صحتكم
قوه
شلونكم
امس تبجي تقول تأخرت الدوره ورحت لدكتورتي جان تقولي انتي حامل شلون
جان تشرحلها الدكتوره ان في حريم ماينفع معاهم اي حبوب واحنا ذابحنا الجهل بهالديره مو نفس امريكا ودول برا يسوون للمره تحليل شامل يشوفون اي نوع من الحبوب يناسب جسمها مو اي شي
احنا هني نسمع حجي فلانه وفلانه ونشتري اي شي ونلعب بعمرنا لازم تحليل وفحوصات وبره مايصرفون حبوب المانع الا بروشيته اهني حتي الياهل يعطونها حبوب المانع عادي
المهم اختي تبجي شلون 3 عمليات ورا بعض واهي مو قاصده المسكينه جان تتذكر انها خذت بندول لانها مريضه
الدكتوره قالتلها انه البندول يضعف عمل المانع عشان جذي حملتي
عاد خوفتني انا بولد شهر 3 الياي وخايفه من هالسوالف وودي اسوي تحليل اشوف الحبوب الي تناسبني عشان جذي بسأل دكتورتي ومستحيل اخذ شي علي العمياني
وهذي نصيحتي لكم وعشان صحتكم
تبجي علشان بيبي!!!!!
خليها تدعي ربها انها تولد طبيعي و تستغفر ربها
وكاهي لا بجت ولا شي الحمدلله ومرتين قيصريه … الحمدلله على كل حااال غيرها محروم لا تسوي بعمرها جذي
وصح كلامج انا لما بغيت اخذ حبوب دكتورتي سالتني بس ماسويتلي تحاليل بس قالتلي في حبوب زينه حق الشعر وفي زينه حق البشره وفي وفي وفي انواع وايد وعطتني اخف شي بس طلع مو خفيف مقارنه بالي بالكويت والنتيجه قعدت سنه اعالج يالله حملت
الحمدلله
والله يرزقها يارب ويسهل عليها
ترى العمليه لازم يكون بينها على الاقل 2 او ثلاث لانه مو زين يقولون
الله يسهل عليها يارب ..
انا ناويه اركب لولب ان شاء الله لا حبوب ولا عوار راس
مشكوره على التنبيه
عاد انا ماحملت الا بقراءة البقره وعلاج بالقراآن مادري اخذ مانع والا لأ لاني مابي احمل علي طول شرايكم ؟
اختي خل تدور بالانترنت و بالكتب عن الولادات و شلون الوحدة تولد بخفة
يعني فيه نصايح ما يعرفونها الناس و تكون اهي السبب ان تسهل الولادة عرفتي فما يحتاج عملية ان شاء الله
مثلا المشي . اللي اعرفه حسب معلوماتي البسيطة بهالموضوع ان المشي زين للحامل خصوصا لما تقرب من موعد الولادة . بس وايد حريم ما اشوفهم يمشون !! شلون عيل تبين كل شي يصير فجأة . لازم تشدين حيلج و تتبعين القواعد الصحية السليمة
عشان جذي خل تدور و تقرا و تسال
و اكو كتب خاصة عن الحمل تلقينهم في مكتبة جرير او العجيري . و فيه كتب اسلامية في المكاتب الاسلامية في شارع المثنى في حولي صوب مجمع المهلب لما تخلين المهلب و معهد التجاري بنات كلهم على يسارج و تمشين سيدة . عند اشارة مهلب تاخذين سيدة . بعدين اشارة ثانية تاخذين هم سيدة . بعدها اول لفة على اليمين . اكو مبنى اسمه البدري . كله كتب اسلامية و هم فيه طبية .
خل تفتر و تشوف
الكتب الاسلامية اكيد فيها نصايح دينية او شلون تحافظ على الجنين و جذي . و فيه نصايح طبية
و خل تكثر من الاستغفار و تحافظ على اكلها
خل تسوي اهي اللي تقدر عليه . ربج قال اعملوا . و النتيجة بيد ربج . الواحد يسوي اللي عليه
الله يحفظها و يسهل عليها امورها
.. ويعطيج العافيه
والله يحفظ الي قي بطنها ويبارك فييييييييييه