تشوفون هالشي صح ولا غلط ؟؟ ملجة الرياييل والحريم !!

السلآم عليكم ~

شو أخباركم يا بنات ؟؟؟ ان شاءالله مرتاحيين ~

فديتكم حابه استشيركم بشي بخصوص الملجه وجذي ~ انا صح من الامارات ويمكن عاداتنا تختلف بس موضوعي مايخص العادات والتقاليد ..

اكيد من فتره الاغلبيه عرف اني انخطبت تقريبا من 4 شهور يمكن ~ بس الحمدالله اني فصخت خطوبتي قبل مايطيح الفاس بالراس ~ من 3 اسابيع فصختها والله عوضني بالاحسن منه

المهم مابقول قصه خطوبتي ~ بس اللي بقوله انه ام الولد كويتيه

المتعارف عليه عندنا بالامارات انه تكون فيه فتره خطوبه مب اقل من شهرين بين الخطوبه والملجه وتالي الملجه ماتاخذ اكثر من 5 شهور لين العرس زين !

اما اللي عرفته بكويت ماشي خطوبه على طول ملجه ~ حلوو

وحددت موعد ملجتي ان شاءالله عقب شهرين ~ نفس موعد ملجتي بخطوبتي قبل

والعرس شهر 2 عشان خاطر اهل امه اللي من كويت عشان اجازتهم

اللي بقوله يا بنات ~ انه الريال يبغي يملج علي بدون حفله يعني ملجه رياييل فقط بتاريخ 10 – 6 –

وملجه الحريم تكوون عقبها بشهر ~

هو يبغي هالشي عشان نقدر نطلع مع بعض ونجهز للملجه ونتعرف ع بعض وجي ~ لانه من العاده ملجه الحريم وملجه الريايل نفس اليوم

تجوفون هالشي عادي وصح ؟؟ ولا ماله داعي وممكن يسوي مشاكل ؟؟

انا وايد خايفه وابغي ابدا بداايه صح بدون اخطاء تخرب علي ~

انتو يا كويتيات اكيد وحده منكم طولت ملجتها 7 او 8 شهور ~ تحسون هالشي غلط ؟ ممكن يسوي مشاكل ؟ الاثنين يملون من بعض ؟؟

شوروا علي ~ اخلي بين ملجه الحريم والرياييل شهر ؟ ولا كله بيوم واحد ؟؟ لانه خلال هالشهر بطلع وبدخل معاه وبنقعد مع بعض وهالشي عادي ف عايلتنا لانه خلاص صار ريلي مو عيب ولا حرام

وعقب ملجه الحريم بتستمر تقريبا 6 شهور ~